ܕܰܬܠܳܬܫܳܥܺܝ̈ܢ

ܩܳܠܳܐ ܒܩ̄: ܣܳܗ̈ܕܶܐ ܦܬܰܚܘ ܓܰܙܰܝ̈ܟܽܘܢ
ܒܬܽܘܠܬܳܐ ܡܰܪܝܰܡ ܥܰܠ ܥܳܠܡܳܐ (ܣܳܠܶܩ: ܒܶܐܢܳܐ ܐ̱ܢܳܐ ܢܘܗܪܳܐ ܫܰܪܝܪܳܐ)

ܬܶܗܪܳܐ ܪܰܒܳܐ ܚܰܒܺܝ̈ܒܰܝ܆ ܕܰܐܝܟܰܢܳܐ ܢܚܶܬ ܐܰܠܳܗܳܐ܆ ܘܰܫܪܳܐ ܒܥܽܘܒܳܗ̇ ܕܰܒܬܽܘܠܬܳܐ܆ ܒܪܰܘܡܳܐ ܫܪܶܐ ܥܰܠ ܡܰܪܟܰܒܬܳܐ܆ ܘܒܰܐܪܥܳܐ ܫܪܶܐ ܒܽܐܘܪܝܳܐ ܫܺܝܛܳܐ܆ ܒܰܡܥܰܪܬܳܐ ܒܓܰܘ ܒܶܝܬ ܠܚܶܡ܆ ܗ̄ ܘܥܰܠ ܡܰܕܒܰܚ ܩܽܘܕܫܳܐ ܗܳܐ ܫܪܶܐ܆ ܘܡܶܬܦܰܠܰܓ ܦܰܓܪܶܗ ܘܰܕܡܶܗ܀

ܫܽܘܒܚܳܐ

ܬܶܫܒܽܘܚܬܳܐ ܠܰܐܠܳܗܳܐ ܩܥܰܘ܆ ܠܥܶܠ ܒܰܡܪ̈ܰܘܡܶܐ ܥܶܠܳܝ̈ܶܐ܆ ܒܗܳܢܳܐ ܝܰܘܡܳܐ ܕܚܰܕܘ̈ܳܬܳܐ܆ ܘܰܫܠܳܡܳܐ ܒܰܐܪܥܳܐ ܐܰܟܪܶܙܘ܆ ܘܣܰܒܪܳܐ ܛܳܒܳܐ ܠܐ̱ܢܳܫܽܘܬܳܐ܆ ܒܝܽܘܡ ܡܰܘܠܳܕܶܗ ܕܚܳܐܶܢ ܟܽܠ܆ ܗ̄ ܒܪܺܝܟܽ ܗ̱ܘ ܕܰܒܝܰܠܕܶܗ ܚܰܪܪܰܢ܆ ܡܶܢ ܛܳܥܝܽܘܬܳܐ ܕܰܦܬܰܟܪ̈ܶܐ܀

ܒܳܥܽܘܬܳܐ ܕܡܳܪܝ ܐܰܦܪܶܝܡ
ܒܟܽܠ ܫܶܡ ܡܰܪܝܰܡ ܐܶܬܩܰܠܣܰܬ

ܡܳܪܰܢ ܐܶܬܪܰܚܰܡ ܥܠܰܝܢ ܒܪܳܐ ܕܰܒܝܰܠܕܶܗ ܚܰܪܰܪ ܠܰܢ܆

ܡܫܺܝܚܳܐ ܕܰܒܝܰܠܕܶܗ ܦܰܪܩܰܢ ܚܰܣܳܐ ܠܰܢ ܘܰܠܥܰܢܺܝ̈ܕܰܝܢ܀

ܒܗܳܢܳܐ ܝܰܘܡܳܐ ܩܰܕܺܝܫܳܐ܆ ܕܰܫܠܳܡܳܐ ܗܘܳܐ ܒܶܗ ܒܥܳܠܡܳܐ܆ ܘܣܰܒܪܳܐ ܕܚܰܝ̈ܶܐ ܫܰܕܰܪ ܠܰܢ܆ ܐܰܒܳܐ ܠܰܒܪܶܗ ܚܰܒܺܝܒܳܐ܆ ܘܡܰܠܰܐܟ̈ܶܐ ܘܰܒܢܰܝ̈ܢܳܫܳܐ܆ ܙܳܡܪܺܝܢ ܫܽܘܒܚܳܐ ܒܡܰܘܠܳܕܶܗ܀

ܗܳܐ ܡܶܬܢܰܨܰܪ ܐܰܝܟ ܫܰܒܪܳܐ܆ ܥܽܘܠܳܐ ܕܩܰܫܺܝܫ ܡܶܢ ܕܳܪ̈ܶܐ܆ ܘܗܳܐ ܕܳܐܶܨ ܐܰܝܟ ܝܰܠܽܘܕܳܐ܆ ܗܰܘ ܕܕܳܨ ܠܽܐܘܪܥܶܗ ܝܽܘܚܰܢܳܢ܆ ܘܗܳܐ ܡܶܙܕܰܝܰܚ ܥܰܠ ܒܽܘܪ̈ܟܶܐ܆ ܗܰܘ ܪܶܡܙܳܐ ܕܰܛܥܺܝܢ ܟܽܠܳܐ܀

ܡܳܪܰܢ ܐܶܬܪܰܚܰܡ ܥܠܰܝܢ ܒܪܳܐ ܕܰܒܝܰܠܕܶܗ ܚܰܪܰܪ ܠܰܢ܆

ܡܫܺܝܚܳܐ ܕܰܒܝܰܠܕܶܗ ܦܰܪܩܰܢ ܚܰܣܳܐ ܠܰܢ ܘܰܠܥܰܢܺܝ̈ܕܰܝܢ܀

ܫܠܶܡ ܛܶܟܣܳܐ ܕܚܰܕ ܒܫܰܒܳܐ ܕܒܳܬܰܪ ܝܰܠܕܳܐ