ܒܝܬ ܓܙܐ - ܣܗܕ̈ܐ ܦܬܚܘ̱ ܓܙܝܟܘ̈ܢ
ܩܕܡܝܐ H
ܒܬܽܘܠܬܳܐ ܡܰܪܝܰܡ ܥܰܠ ܥܳܠܡܳܐ܆ ܒܝܽܘܡ ܕܽܘܟܪܳܢܶܟܝ ܒܳܥܽܘܬܳܐ. ܩܰܪܶܒܝ ܠܰܒܪܳܐ ܕܡܶܢܶܟܝ ܕܢܰܚ. ܕܗܰܝܡܳܢܽܘܬܳܐ ܬܶܬܩܰܝܰܡܝ: ܘܒܳܗ̇ ܥܺܕ̈ܳܬܳܐ ܢܶܬܢܰܛܪ̈ܳܢ. ܘܡܰܠ̈ܟܶܐ ܒܫܰܝܢܳܐ ܢܶܬܝܰܬܒܽܘܢ ܗ̄ ܒܪܺܝܟ ܗܽܘ ܕܶܐܡܶܗ ܡܦܺܝܣܳܐ ܠܶܗ: ܕܪ̈ܰܚܡܶܐ ܢܶܥܒܶܕ ܥܰܠ ܥܳܠܡܳܐ܀
ܬܪܝܢܐ H
ܒܰܪܬ ܡܰܠܟܳܐ ܘܟܰܠܰܬ ܡܰܠܟܳܐ: ܙܡܰܪܝ ܠܶܗ ܫܽܘܒܚܳܐ ܠܒܰܪ ܡܰܠܟܳܐ. ܕܶܐܬܳܐ ܘܰܕܢܰܚ ܡܶܢ ܒܬܽܘܠܬܳܐ. ܥܰܠ ܗ̱ܘܳܐ ܠܳܗ̇ ܓܶܝܪ ܐܰܠܳܗܳܐ. ܢܦܰܩ ܡܶܢܳܗ̇ ܐܰܠܳܗ ܒܰܪܢܳܫ. ܬܰܘ ܥܰܡ̱̈ܡܶܐ ܙܡܰܪܘ ܠܶܗ ܫܽܘܒܚܳܐ ܗ̄ ܠܰܐܠܳܗܳܐ ܕܰܗܘܳܐ ܐ̱ܢܳܫܳܐ. ܘܦܰܪܩܶܗ ܠܓܶܢܣܰܢ ܡܶܢ ܛܽܘܥܝܰܝ܀
ܬܠܝܬܝܐ H
ܢܒܺܝ̈ܶܐ ܪܰܫܡܽܘܗ̇ ܗ̱ܘܰܘ ܠܥܺܕܬܳܐ: ܘܰܫܠܺܝ̈ܚܶܐ ܣܳܡܘ ܫܶܬܶܐܣܶܝ̈ܗ̇. ܒܰܕܡܶܗ ܕܝܶܫܽܘܥ ܗܰܘ ܕܶܐܙܕܩܶܦ ܘܣܳܗ̈ܕܶܐ ܐܰܪܡܺܝܘ ܪܽܘܡܝܳܢܳܐ. ܕܡܳܐ ܚܰܠܝܳܐ ܕܡܶܢ ܨܰܘܪ̈ܰܝܗܽܘܢ ܕܰܪܕܳܐ: ܒܫܶܢ̈ܕܶܐ ܕܟܽܠ ܡܰܚ̈ܘܳܢ ܗ̄ܘܗ̄ ܠܗܽܘܢ ܛܽܘܒܳܐ ܘܰܠܡܳܪܗܽܘܢ ܫܽܘܒܚܳܐ܀
ܪܒܝܥܝܐ H
ܣܳܗ̈ܕܶܐ ܦܬܰܚܘ ܓܰܙܰܝ̈ܟܽܘܢ. ܘܗܰܒܘ ܥܽܘܕܪ̈ܳܢܶܐ ܠܰܣܢܺܝ̈ܩܶܐ. ܕܥܰܠ ܬܰܪ̈ܥܰܝܟܽܘܢ ܗܳܐ ܩܳܝܡܺܝܢ. ܪ̈ܰܒܰܝ ܒ̈ܳܬܶܐ ܥܒܰܕܟܽܘܢ ܐܰܠܳܗܳܐ: ܥܰܠ ܒܶܝܬ ܓܰܙܶܗ ܘܠܳܐ ܟܳܠܶܐ ܠܟܽܘܢ ܫܶܐܠܳܬܟܽܘ̈ܢ ܗ̄ ܣܳܗ̈ܕܶܐ ܪ̈ܚܽܘܡܰܘܗ̱ܝ ܕܰܡܫܺܝܚܳܐ. ܨܠܽܘܬܟܽܘܢ ܫܽܘܪܳܐ ܬܶܗܘܶܐ ܠܰܢ܀
ܚܡܝܫܝܐ H
ܠܳܐ ܡܳܪܝ ܢܶܒܛܰܠ ܫܽܘܒܚܳܟ܆ ܡܶܢ ܥܺܕ̈ܳܬܳܐ ܘܕܰܝܪ̈ܳܬܳܐ. ܥܕܰܡܳܐ ܠܫܽܘܠܳܡܳܐ ܕܥܳܠܡܳܐ. ܘܠܳܐ ܢܶܫܬܰܒܗܰܪ ܒܺܝܫܳܐ. ܘܢܰܪܡܶܐ ܣܶܕ̈ܩܶܐ ܚܶܪ̈ܝܳܢܶܐ. ܒܰܝܢܳܬ ܥܰܡ̱̈ܡܶܐ ܕܠܳܟ ܣܳܓܕܺܝܢ ܗ̄ ܫܰܝܶܢ ܡܳܪܰܢ ܒܰܨܠܺܝܒܳܟ. ܠܰܐܪܥܳܐ ܘܟܽܠܗܽܘܢ ܥܳܡܽܘܪ̈ܶܝܗ̇܀
ܫܬܝܬܝܐ H
ܬܠܳܬ ܕܺܝ̈ܠܳܝܳܬܳܐ ܬܳܒܰܥ܆ ܐܰܠܳܗܳܐ ܡܶܢ ܒܰܪܢܳܫܳܐ. ܒܝܰܘܡܳܐ ܪܰܒܳܐ ܕܰܩܝܳܡܬܳܐ. ܗܰܝܡܳܢܽܘܬܳܐ ܡܶܢ ܢܰܦܫܳܐ܆ ܘܰܫܪܳܪܳܐ ܡܶܢ ܠܶܫܳܢܳܐ܆ ܘܩܰܕܺܝܫܽܘܬܳܐ ܡܶܢ ܦܰܓܪܳܐ ܗ̄ ܫܰܪܰܪ ܠܰܢ ܒܰܬܠܳܬܰܝ̈ܗܶܝܢ: ܝܶܫܽܘܥ ܦܳܪܽܘܩܶܗ ܕܥܳܠܡܳܐ܀
ܫܒܝܥܝܐ H
ܐܳܕܳܡ ܡܶܢ ܥܰܦܪܳܐ ܐܶܬܓܒܶܠ. ܘܰܚܢܰܢ ܝܰܠ̈ܕܰܘܗ̱ܝ ܡܶܢ ܥܰܦܪܳܐ܆ ܘܡܰܝ̈ܳܐ ܘܢܽܘܪܳܐ ܘܪܽܘܚ ܩܽܘܕܫܳܐ. ܒܢܰܝ̈ܳܐ ܗܘܰܝܢܰܢ ܠܰܐܠܳܗܳܐ. ܘܰܐܚ̈ܶܐ ܠܰܒܪܳܐ ܝܺܚܺܝܕܳܐ: ܡܶܢ ܡܰܝ̈ܳܐ ܕܡܰܥܡܽܘܕܺܝܬܳܐ ܗ̄ ܐܰܠܳܗܳܐ ܐܰܫܘܳܐ ܠܟܽܠܰܢ: ܕܢܶܥܽܘܠ ܠܰܥܕܶܝܢ ܕܚܰܕ̈ܘܳܬܳܐ܀
ܬܡܝܢܝܐ H
ܥܰܢܺܝ̈ܕܶܐ ܕܠܰܒܫܽܘܟ ܡܳܪܰܢ: ܡܶܢ ܡܰܝ̈ܳܐ ܕܡܰܥܡܽܘܕܺܝܬܳܐ. ܝܶܫܽܘܥ ܦܳܪܽܘܩܶܗ ܕܥܳܠܡܳܐ. ܝܰܡܺܝܢܳܟ ܬܰܠܒܶܫ ܐܶܢܽܘܢ: ܐܶܣܛܰܠ ܫܽܘܒܚܳܐ ܒܡܰܠܟܽܘܬܳܐ. ܘܥܰܡ ܩܰܕܺܝ̈ܫܰܝܟ ܢܶܬܒܰܣܡܽܘܢ ܗ̄ ܘܢܰܣܩܽܘܢ ܠܳܟ ܩܳܠܰܝ̈ ܫܽܘܒܚܳܐ: ܕܰܐܢ̱ܬܽ ܗ̱ܘ ܐܺܝܬܰܝܟ ܡܢܰܚܡܳܢܗܽܘܢ܀