ܣܳܠܶܩ: ܒܡܰܪܝܰܡ ܝܳܠܕܰܬ ܐܰܠܳܗܳܐ

ܩܕܡܝܐ - H

ܒܪܺܝܫܺܝܬ ܐܺܝܬܰܘܗ̱ܝ ܗ̱ܘܳܐ ܡܶܠܬܳܐ܆ ܠܘܳܬ ܐܰܒܳܐ ܡܫܰܒܚܳܐ܆ ܐܰܟܬܶܒ ܝܽܘܚܰܢܳܢ. ܘܗܽܘ ܡܶܠܬܳܐ ܠܘܳܬ ܐܰ‌ܠܳܗܳܐ. ܕܰܨܡܰܚ ܡܶܢ ܐܰܒܳܐ: ܘܰܕܢܰܚ ܡܶܢ ܡܰܪܝܰܡ ܗ̄ܘܗ̄ ܘܰܦܪܰܩ ܒܶܪ̈ܝܳܬܳܐ܀

ܬܪܝܢܐ - H

ܫܠܳܡܳܐ ܥܰܡܶܟܝ̱ ܒܰܪܬ ܕܰܘܺܝܕ. ܒܬܽܘܠܬܳܐ ܩܰܕܺܝܫܬܳܐ܆ ܝܳܠܕܰܬ ܐܰ‌ܠܳܗܳܐ. ܕܰܒܬܶܕܡܽܘܪܬܳܐ ܒܛܶܢܬܝ ܘܝܺܠܶܕܬܝ. ܠܩܰܫܺܝܫ ܡܶܢ ܕܳܪ̈ܶܐ: ܡܳܪܗܶܝܢ ܕܒܶܪ̈ܝܳܬܳܐ ܗ̄ܘܗ̄ ܨܠܽܘܬܶܟܝ ܬܥܰܕܰܪ ܠܰܢ܀

ܬܠܝܬܝܐ - H

ܫܠܳܡܳܐ ܥܰܡܗܽܘܢ ܕܰܐܪ̈ܕܺܝܟܠܶܐ ܢܒܺܝ̈ܶܐ ܘܰܫܠܺܝ̈ܚܶܐ: ܘܣܳܗ̈ܕܶܐ ܩܰܕܺܝ̈ܫܶܐ. ܕܰܒܩܶܛܠܰܝ̈ܟܽܘܢ ܐܶܬܒܰܢܝܰܬ ܥܺܕܬܳܐ ܩܰܕܺܝܫܬܳܐ. ܡܟܺܝܪܬܶܗ ܕܰܡܪܰܝܡܳܐ ܗ̄ܘܗ̄ ܨܠܽܘܬܟܽܘܢ ܬܥܰܕܰܪ ܠܢ܀

ܪܒܝܥܝܐ - H

ܗܘܰܘ ܣܳܗ̈ܕܶܐ ܣܓܽܘ̈ܠܶܐ ܪ̈ܚܺܝܡܶܐ ܒܟܰܪܡܶܗ ܕܰܡܫܺܝܚܳܐ. ܘܡܰܠ̈ܟܶܐ ܩܛܰܦܘ ܐܶܢܽܘܢ. ܘܰܥܨܰܪܘ ܐܶܢܽܘܢ ܕܰܝ̈ܳܢܶܐ ܒܫܶܢ̈ܕܶܐ ܘܽܐܘܠ̈ܨܳܢܶܐ. ܘܠܳܐ ܙܳܥܘ ܘܶܐܬܪܰܦܺܝܘ ܗ̄ܘܗ̄ ܡܶܢ ܚܰܝܠܳܐ ܕܰܒܗܽܘܢ܀

ܚܡܝܫܝܐ - H

ܟܽܠܗܽܘܢ ܝܰܘ̈ܡܳܬܳܐ ܕܚܰܝܰܝ̈. ܒܟܰܪܡܳܟ ܦܳܠܰܚ ܗ̱ܘܺܝܬ: ܡܶܢ ܨܰܦܪܳܐ ܠܪܰܡܫܳܐ. ܘܗܳܫܳܐ ܕܰܩܪܶܒ ܠܶܗ ܙܰܒܢܳܐ ܕܫܽܘܠܳܡܳܐ ܕܚܰܝܰܝ̈. ܒܪ̈ܰܚܡܰܝܟ ܚܽܘܣ ܥܠܰܝ ܗ̄ܘܗ̄ ܘܺܐܚܶܐ ܒܛܰܝܒܽܘܬܳܟ܀

ܫܬܝܬܝܐ - H

ܕܶܚܠܰܐ ܗ̱ܘ ܪܰܒܳܐ ܚܰܒܺܝ̈ܒܰܝ܆ ܠܟܽܠܗܽܘܢ ܚܰܛܳܝ̈ܶܐ܆ ܕܰܐܡܪܰܚܘ ܕܠܳܐ ܚܰܘܣܳܢ. ܚܳܕܶܝܢ ܬܰܡܳܢ ܙܰܕܺܝ̈ܩܶܐ. ܕܰܦܠܰܚܘ ܘܶܐܬܟܰܫܰܪܘ ܒܟܰܪܡܶܗ ܕܰܡܫܺܝܚܳܐ ܗ̄ܘܗ̄ ܡܶܢ ܨܰܦܪܳܐ ܠܪܰܡܫܳܐ܀

ܫܒܝܥܝܐ - H

ܐܺܝܠ ‌ܐܰ‌ܠܳܗܳܐ ܢܚܶܬ ܠܰܫܝܽܘܠ܆ ܕܢܶܣܥܽܘܪ ܠܥܰܢܺܝ̈ܕܶܐ ܒܥܽܘܡܪܳܐ ܕܩܰܒܪ̈ܰܝܗܽܘܢ. ܘܶܐܡܰܪ ܠܗܽܘܢ ܕܠܳܐ ܬܶܟܪܶܐ ܠܟܽܘܢ. ܕܳܐܬܶܐ ܐ̱ܢܳܐ ܠܚܰܪܬܳܐ ܘܰܡܢܰܚܶܡ ܐ̱ܢܳܐ ܠܟܽܘܢ ܗ̄ܘܗ̄ ܡܶܢ ܚܶܙܶܝ̈ܗ̇ ܕܰܫܝܽܘܠ܀

ܬܡܝܢܝܐ - H

ܩܳܪܝܳܐ ܩܰܪܢܳܐ ܘܫܺܝܦܽܘܪܳܐ܆ ܕܰܬܩܺܝܡ ܠܥܰܢܺܝ̈ܕܶܐ. ܒܝܰܘܡܶܗ ܕܢܽܘܚܳܡܳܐ. ܘܫܳܡܥܺܝܢ ܟܺܐܢ̈ܶܐ ܝܽܘܒܳܒܳܐ. ܘܢܳܦܩܺܝܢ ܒܚܰܕܽܘܬܳܐ. ܠܽܐܘܪܥܶܗ ܕܒܰܪ ܡܰܠܟܳܐ ܗ̄ܘܗ̄ ܟܰܕ ܙܳܡܪܺܝܢ ܫܽܘܒܚܳܐ܀