ܣܳܠܶܩ: ܒܡܰܪܝܰܡ ܝܳܠܕܰܬ ܐܰ‍ܠܳܗܳܐ

ܕܝܳܠܕܰܬ ܐܰܠܳܗܳܐ

ܫܠܳܡܳܐ ܥܰܡܶܟܝ̱ ܐܳܘ ܒܰܪܬ ܕܰܘܺܝܕ ܒܬܽܘܠܬܳܐ ܡܰܪܝܰܡ. ܕܰܫܘܰܝܬܝ̱ ܕܬܶܗܘܶܝܢ ܒܬܶܕܡܽܘܪܬܳܐ ܐܶܡܳܐ ܠܰܐܠܳܗܳܐ. ܢܒܺܝ̈ܶܐ ܕܨܳܪܘ ܗ̱ܘܰܘ ܐ̱ܪܳܙܶܟܝ ܘܰܫܠܺܝ̈ܚܶܐ ܒܡܶܠܰܝ̈ܗܽܘܢ. ܙܡܰܪܘ ܬܶܫܒܽܘܚܬܳܐ ܘܰܐܘܕܺܝܘ ܘܫܰܒܰܚܘ ܠܺܝܚܺܝܕܳܝܳܐ. ܕܰܒܚܽܘܒܶܗ ܡܶܢܶܟܝ ܐܶܬܺܝܠܶܕ. ܐܰܢ̱ܬܝ ܠܶܗ ܐܰܦܺܝܣܝ ܩܰܕܺܝܫܬܳܐ. ܕܢܶܬܦܰܪ̈ܩܳܢ ܢܰܦ̈ܫܳܬܳܐ ܕܟܽܠܰܢ܀

ܕܣܳܗ̈ܕܶܐ

ܛܥܺܝܢܺܝܢ ܣܳܗ̈ܕܶܐ ܒܺܐܝܕܰܝ̈ܗܽܘܢ ܕܶܡܗܽܘܢ ܚܰܣܝܳܐ܆ ܘܰܡܩܰܪܒܺܝܢ ܠܶܗ ܠܰܐܠܳܗܳܐ ܘܗܳܟܰܢ ܐܳܡܪܺܝܢ. ܚܽܘܪ ܡܳܪܝ ܒܰܕܡܰܢ ܕܶܐܫܬܰܦܰܥ ܘܒܽܐܘܠ̈ܨܳܢܰܝܢ ܠܳܐ ܟܦܰܪܢܰܢ ܒܰܫܡܳܟ ܪܰܒܳܐ. ܬܳܐ ܠܥܽܘܕܪܳܢܰܢ ܘܰܦܪܽܘܩ ܠܰܢ. ܕܥܰܠ ܣܰܒܪܳܟ ܐܰܣܠܺܝܢܰܢ ܚܰܝ̈ܶܐ ܥܳܒܽܘܪ̈ܶܐ. ܨܠܺܝܒܳܟ ܡܳܪܝ ܢܶܗܘܶܐ ܠܰܢ ܒܶܝܬܓܰܘܣܳܐ: ܘܢܶܙܟܶܝܘܗ̱ܝ ܠܣܳܛܳܢܳܐ܀

ܕܥܰܢܺܝ̈ܕܶܐ

ܐܰܝܠܶܝܢ ܕܰܥܢܰܕܘ ܒܰܡܫܺܝܚܳܐ ܠܳܐ ܬܶܟܪܶܐ ܠܟܽܘܢ: ܕܗܳܐ ܡܰܛܺܝ ܠܶܗ ܢܽܘܚܳܡܳܐ ܘܝܰܘܡܳܐ ܕܦܽܘܪܥܳܢܳܐ. ܒܡܰܘܬܶܗ ܕܰܡܫܺܝܚܳܐ ܥܡܰܕܬܽܘܢ ܘܰܒܚܰܫܰܘ̈ܗ̱ܝ: ܬܽܘܒ ܚܰܪܰܪܟܽܘܢ ܘܒܰܕܡܶܗ ܬܶܬܦܰܪܩܽܘܢ. ܘܗܽܘ ܡܢܰܚܶܡ ܠܟܽܘܢ. ܘܩܳܝܡܺܝܬܽܘܢ ܕܠܳܐ ܚܒܳܠܳܐ ܘܬܶܫܒܽܘܚܬܳܐ: ܠܥܳܠܰܡ ܙܳܡܪܺܝܢ ܐ̱ܢ̱ܬܽܘܢ܀