ܕܰܬܠܳܬܫܳܥܺܝ̈ܢ

ܩܳܠܳܐ ܒܩ̄: ܠܳܐ ܠܕܺܝܢܳܐ ܘܠܳܐ ܠܰܬܒܰܥܬܳܐ
ܠܥܳܠܰܡ ܢܶܗܘܶܐ ܕܽܘܟܪܳܢܳܟ ܡܳܪܝ ܐܶܫܰܥܝܳܐ (ܣܳܠܶܩ: ܒܡܰܪܝܰܡ ܝܳܠܕܰܬ ܐܰܠܳܗܳܐ)

ܩܳܠܶܗ ܕܝܽܘܚܰܢܳܢ ܫܶܡܥܶܬ ܟܰܕ ܐܳܡܰܪ ܠܶܗ܆ ܠܝܽܘܪܕܢܳܢ ܕܫܰܦܳܐ ܢܰܦܫܳܟ܆ ܘܰܐܫܺܝܓ ܨܳܐܬܳܐ ܕܰܒܓܰܘܳܟ ܕܡܳܪܳܐ ܕܰܐܪܥܳܐ܆ ܘܕܰܫܡܰܝܳܐ ܐܶܬܳܐ ܕܢܶܥܡܰܕ ܗ̄ ܘܰܢܩܰܕܶܫ ܟܽܠ܀

ܫܽܘܒܚܳܐ

ܚܙܳܬܶܗ ܥܺܕܬܳܐ ܠܝܽܘܚܰܢܳܢ ܒܰܝܢܳܬ ܟܶܢ̈ܫܶܐ܆ ܘܶܐܡܪܰܬ ܠܶܗ ܕܰܐܝܢܰܘ ܚܰܬܢܳܐ܆ ܘܶܐܡܰܪ ܠܳܗ̇ ܕܒܳܬܰܪܝ ܐܳܬܶܐ ܘܩܰܕܡܳܝܽ ܗ̱ܘ ܡܶܢܝ܆ ܘܽܐܘܪܚܳܐ ܩܕܳܡܰܘܗ̱ܝ ܡܰܬܩܶܢ ܐ̱ܢܳܐ܆ ܗ̄ ܘܗܽܘ ܦܳܪܶܩ ܠܶܟܝ܀

ܒܳܥܽܘܬܳܐ ܕܡܳܪܝ ܐܰܦܪܶܝܡ
ܡܰܠܰܐܟܳܐ ܕܒܶܣܪܳܐ ܐܺܝܬܰܘܗ̱ܝ

ܡܳܪܰܢ ܐܶܬܪܰܚܰܡ ܥܠܰܝܢ ܒܪܳܐ ܕܒܰܥܡܳܕܶܗ ܚܰܪܰܪ ܠܰܢ܆

ܡܫܺܝܚܳܐ ܕܒܰܥܡܳܕܶܗ ܦܰܪܩܰܢ ܚܰܣܳܐ ܠܰܢ ܘܰܠܥܰܢܺܝ̈ܕܰܝܢ܀

ܒܰܕܡܽܘܬܳܐ ܕܓܽܘܫܡܳܐ ܕܝܰܘܢܳܐ܆ ܢܚܶܬ ܪܽܘܚܳܐ ܥܰܠ ܦܳܪܽܘܩܰܢ܆ ܠܰܘ ܡܶܥܒܰܕ ܥܰܒܕܳܗ̇ ܡܳܪܝܳܐ܆ ܘܠܰܘ ܚܰܕ̱ܬܳܐܺܝܬ ܐܶܬܒܰܪܝܰܬ܆ ܘܠܳܐ ܒܰܫܡܰܝܳܐ ܐܺܝܬܶܝܗ̇ ܗ̱ܘܳܬ܆ ܗܳܝ ܕܡܽܘܬܳܐ ܘܓܽܘܫܡܳܗ̇ ܕܝܰܘܢܳܐ܆ ܐܶܠܳܐ ܒܚܰܝܠܳܐ ܘܓܶܠܝܳܢܳܐ܆ ܐܰܠܳܗܳܝܳܐ ܐܶܬܚܰܙܝܰܬ܀

ܢܶܣܒܰܬ ܠܳܗ̇ ܕܡܽܘܬܳܐ ܕܝܰܘܢܳܐ܆ ܘܶܐܬܳܬ ܫܪܳܬ ܥܰܠ ܦܳܪܽܘܩܰܢ܆ ܠܳܐ ܗ̱ܘܳܐ ܕܶܝܢ ܫܰܪܺܝܪܳܐܺܝܬ܆ ܗܽܘ ܪܽܘܚܳܐ ܓܽܘܫܡܳܐ ܕܝܰܘܢܳܐ܆ ܕܰܢܗܰܝܡܶܢ ܙܳܕܶܩ ܒܰܠܚܽܘܕ܆ ܘܠܳܐ ܢܥܰܩܶܒ ܕܰܐܝܟܰܢܳܐ ܗܘܳܐ܆ ܐܶܠܳܐ ܢܰܫܰܪ ܘܰܢܗܰܝܡܶܢ܆ ܕܡܳܪܝܳܐ ܡܨܶܐ ܚܺܝܠ ܟܽܠ ܐܺܝܬܰܘܗ̱ܝ܀

ܡܳܪܰܢ ܐܶܬܪܰܚܰܡ ܥܠܰܝܢ ܒܪܳܐ ܕܒܰܥܡܳܕܶܗ ܚܰܪܰܪ ܠܰܢ܆

ܡܫܺܝܚܳܐ ܕܒܰܥܡܳܕܶܗ ܦܰܪܩܰܢ ܚܰܣܳܐ ܠܰܢ ܘܰܠܥܰܢܺܝ̈ܕܰܝܢ܀

ܫܠܶܡ ܛܶܟܣܳܐ ܕܚܰܕ ܒܫܰܒܳܐ ܪܒܺܝܥܳܝܳܐ ܕܒܳܬܰܪ ܕܶܢܚܳܐ