ܣܳܠܶܩ: ܒܡܰܪܝܰܡ ܝܳܠܕܰܬ ܐܰ‍ܠܳܗܳܐ

ܩܕܡܝܐ - H

ܒܬܽܘܠܬܳܐ ܣܶܦܩܰܬ ܘܰܛܥܶܢܬܶܗ ܠܚܰܝܠܳܐ ܟܰܣܝܳܐ: ܕܰܛܥܺܝܢ ܠܰܐܪܥܳܐ ܘܠܰܫܡܰܝܳܐ. ܘܗܳܐ ܡܦܺܝܣܳܐ ܠܶܗ ܒܬܰܟܫܶܦܬܳܐ ܚܠܳܦ ܚܰܛܳܝ̈ܶܐ: ܕܩܳܪܶܝܢ ܠܶܗ ܒܗܰܝܡܳܢܽܘܬܳܐ ܗ̄ ܨܠܽܘܬܳܗ̇ ܥܰܡܰܢ܀

ܬܪܝܢܐ - H

ܠܥܳܠܰܡ ܢܶܗܘܶܐ ܕܽܘܟܪܳܢܳܗ̇ ܕܰܡܒܰܪܰܟܬܳܐ. ܒܬܽܘܠܬܳܐ ܝܳܠܕܰܬ ܐܰ‌ܠܳܗܳܐ. ܕܝܶܠܕܰܬ ܠܰܢ ܒܰܒܬܽܘܠܽܘܬܳܐ ܡܳܪܝܳܐ ܡܫܺܝܚܳܐ. ܦܳܪܽܘܩܳܐ ܕܟܽܠ ܒܶܪ̈ܝܳܬܳܐ ܗ̄ ܨܠܽܘܬܳܗ̇ ܥܰܡܰܢ܀

ܬܠܝܬܝܐ - H

ܩܪܳܐ ܠܗܽܘܢ ܡܳܪܰܢ ܠܰܫܠܺܝ̈ܚܰܘܗ̱ܝ ܘܦܰܩܶܕ ܐܶܢܽܘܢ. ܕܒܽܐܘܪܚܳܐ ܕܚܰܢ̈ܦܶܐ ܠܳܐ ܬܺܐܙܠܽܘܢ ܠܒܶܝܬ ܫܳܡܪ̈ܳܝܶܐ ܠܳܐ ܬܶܥܠܽܘܢ: ܘܰܠܝܽܘܠܦܳܢܗܽܘܢ ܕܰܦܪ̈ܺܝܫܶܐ: ܠܳܐ ܬܶܬܩܰܪܒܽܘܢ ܗ̄ ܢܟܺܝܠ ܝܽܘܠܦܳܢܗܽܘܢ܀

ܪܒܝܥܝܐ - H

ܠܥܳܠܰܡ ܢܶܗܘܶܐ ܕܽܘܟܪܳܢܳܟ ܡܳܪܝ ܐܶܫܰܥܝܳܐ. ܢܰܨܺܝܚܳܐ ܡܠܶܐ ܟܽܠ ܫܽܘܦܪ̈ܺܝܢ. ܘܰܠܕܳܪܕܳܪ̈ܺܝܢ ܢܶܨܚܳܢܰܝ̈ܟ ܐܰܒܳܐ ܒܪܺܝܟܳܐ. ܐܰܬܠܺܝܛܳܐ ܕܗܰܝܡܳܢܽܘܬܳܐ ܗ̄ ܨܠܽܘܬܳܟ ܥܰܡܰܢ܀

ܚܡܝܫܝܐ - H

ܕܰܘܺܝܕ ܡܰܠܟܳܐ ܘܰܢܒܺܝܳܐ ܙܰܡܰܪ ܘܶܐܡܰܪ܆ ܒܡܰܙܡܽܘܪܳܐ ܕܚܰܡܫܺܝܢ ܘܚܰܕ ܪܰܚܶܡܥܠܰܝ: ܐܰ‌ܠܳܗܳܐ ܐܰܣܓܳܐ ܐܰܫܺܝܓܰܝܢܝ ܡܶܢ ܥܰܘܠܳܐ ܕܰܣܥܰܪ̈ܝ ܐܺܝ̈ܕܰܝ ܗ̄ ܘܪܰܚܶܡܥܠܰܝ܀

ܫܬܝܬܝܐ - H

ܡܳܪܰܢ ܐܶܬܪܰܚܰܡܥܠܰܝܢ ܡܳܪܰܢ ܩܰܒܶܠ ܬܶܫܡܶܫܬܰܢ ܘܰܨ̈ܠܰܘܳܬܰܢ. ܛܰܝܒܽܘܬܳܟ ܬܶܩܽܘܡ ܒܰܐܦܰܝ̈ܢ: ܗܳܝ ܕܗܺܝ ܩܳܡܰܬ. ܥܰܡ ܣܳܗ̈ܕܶܐ ܒܰܐܓܽܘ̈ܢܰܝܗܽܘܢ ܗ̄ ܘܚܰܝܠܰܬ ܐܶܢܽܘܢ܀

ܫܒܝܥܝܐ - H

ܐܺܝ̈ܕܶܐ ܕܰܦܪ̈ܰܣܝ ܚܽܘܦܢܰܝ̈ܗܶܝܢ. ܘܩܰܒܶܠ̈ܝ ܡܶܢܳܟ ܪܰܗܒܽܘܢܳܐ ܒܪܳܐ ܕܰܐ‌ܠܳܗܳܐ. ܠܳܐ ܢܶܬܩܰܦ̈ܣܳܢ ܒܶܝܬ ܕܺܝܢܳܐ. ܒܝܰܘܡܳܐ ܐ̱ܚܪܳܝܳܐ. ܡܶܢ ܥܽܘܙܳܐ ܕܫܰܠܗܶܒܺܝܬܳܐ ܗ̄ ܕܦܰܓܪܳܟ ܙܰܝܰܚ̈ܝ܀

ܬܡܝܢܝܐ - H

ܥܰܡ ܣܳܗ̈ܕܶܐ ܒܪ̈ܺܝܟܶܐ ܕܪܰܚܡܽܘܟ. ܘܥܰܡ ܩܰܕܺܝ̈ܫܶܐ ܕܰܫܦܰܪܘ ܠܳܟ ܒܕܽܘܒܳܪ̈ܰܝܗܽܘܢ. ܥܒܶܕ ܕܽܘܟܪܳܢܳܐ ܠܥܰܢܺܝ̈ܕܰܝܢ. ܘܰܐܫܘܳܐ ܐܶܢܽܘܢ܆ ܠܗܰܘ ܩܰܘܡܳܐ ܕܡܶܢ ܝܰܡܺܝܢܳܟ ܗ̄ ܘܰܐܢܺܝܚ ܐܶܢܽܘܢ܀