ܣܳܠܶܩ: ܒܶܐܢܳܐ ܐ̱ܢܳܐ ܢܽܘܗܪܳܐ ܫܰܪܺܝܪܳܐ

ܩܕܡܝܐ - H

ܩܰܒܶܠܳܝܗ̱ܝ ܡܳܪܰܢ܆ ܠܦܺܝܪܡܳܐ ܗܳܢܳܐ ܡܶܢ ܐܺܝܕܰܝ̈ܢ: ܐܰܝܟ ܦܺܝܪܡܶܗ ܕܰܐܗܪܽܘܢ. ܕܰܟܠܳܐ ܡܰܘܬܳܐ ܡܶܢ ܥܰܡܳܐ܀

ܬܪܝܢܐ - H

ܒܬܽܘܠܬܳܐ ܩܰܕܺܝܫܬܳܐ. ܐܶܡܳܐ ܕܝܶܠܕܰܬ ܠܰܡܫܺܝܚܳܐ. ܐܰܦܺܝܣܝ ܠܺܝܚܺܝܕܶܟܝ. ܕܢܶܥܒܶܕ ܪ̈ܰܚܡܶܐ ܥܰܠ ܟܽܠܰܢ܀

ܬܠܝܬܝܐ - H

ܢܺܐܬܝ̈ܳܢ ܒܰܫܠܳܡܳܐ. ܓܽܘ̈ܕܰܝ ܢܒܺܝ̈ܶܐ ܘܰܫܠܺܝ̈ܚܶܐ. ܘܣܳܗ̈ܕܶܐ ܩܰܕܺܝ̈ܫܶܐ. ܘܰܡܫܺܝܚܳܐ ܒܪܺܝܫ ܣܶܕܪ̈ܰܝܗܽܘܢ܀

ܪܒܝܥܝܐ - H

ܣܳܗ̈ܕܶܐ ܩܰܕܺܝ̈ܫܶܐ. ܪ̈ܚܽܘܡܰܘܗ̱ܝ ܕܚܰܬܢܳܐ ܫܡܰܝܳܢܳܐ. ܨܠܽܘܬܟܽܘܢ ܬܶܗܘܶܐ: ܠܰܢ ܫܽܘܪܳܐ ܘܒܶܝܬ ܓܰܘܣܳܐ܀

ܚܡܝܫܝܐ - H

ܦܽܘܡܳܟ ܩܰܕܺܝܫܳܐ. ܐܶܫܬܰܘܕܺܝ ܘܗܳܟܰܢ ܐܶܡܰܪ. ܕܰܩܪܰܘ ܘܥܳܢܶܐ ܐ̱ܢܳܐ. ܘܩܽܘܫܽܘܢ: ܘܶܐܢܳܐ ܦܳܬܰܚ ܐ̱ܢܳܐ܀

ܫܬܝܬܝܐ - H

ܩܪܰܝܢܳܟ ܐܰܝܟ ܕܰܐܠܶܦܬ. ܥܢܺܝ ܠܰܢ ܐܰܟܡܳܐ ܕܶܐܫܬܰܘܕܺܝܬ. ܘܩܰܒܶܠ ܬܶܫܡܶܫܬܰܢ. ܘܦܰܢܳܐ ܒܪ̈ܰܚܡܰܝܟ ܫܶܐܠܳــ̈ـܬܰܢ܀

ܫܒܝܥܝܐ - H

ܒܽܐܘܪܺܫܠܶܡ ܕܰܠܥܶܠ. ܘܰܒܥܺܕܬܳܐ ܕܒܶܝܬ ܐܰܪ̈ܥܳܢܶܐ. ܥܒܶܕ ܡܳܪܝ ܕܽܘܟܪܳܢܳܐ. ܠܥܰܒ̈ܕܰܝܟ ܕܰܫܟܶܒܘ ܥܰܠ ܣܰܒܪܳܟ܀

ܬܡܝܢܝܐ - H

ܒܝܰܘܡܶܗ ܕܢܽܘܚܳܡܳܐ. ܚܽܘܣ ܥܰܠ ܟܶܢܫܳܐ ܕܣܳܓܽܘ̈ܕܰܝܟ. ܘܢܶܫܬܘܽܘܢ ܠܒܽܘܣܳܡܳܐ. ܕܰܢܩܰܪܒܽܘܢ ܫܽܘܒܚܳܐ ܠܪ̈ܰܚܡܰܝܟ܀