ܣܳܠܶܩ: ܒܰܫܠܳܡܶܗ ܕܰܐܒܳܐ: ܕܠܳܐ ܡܶܨ̈ܥܳܝܳܬܳܐ. ܐܰܘ ܒܶܐܢܳܐ ܐ̱ܢܳܐ ܢܽܘܗܪܳܐ

ܩܕܡܝܐ - H

ܒܰܕܡܽܘܬ ܐܶܠܦܳܐ ܕܰܛܥܺܝܢܳܐ: ܥܽܘܬܪܳܐ ܪܰܒܳܐ ܛܥܶܢܬܶܗ ܒܬܽܘܠܬܳܐ܆ ܠܡܳܪܶܐ ܡܰܠ̈ܟܶܐ. ܒܥܽܘܒܳܗ̇ ܕܰܟܝܳܐ. ܫܽܘܒܚܳܐ ܠܪ̈ܰܚܡܰܘܗ̱ܝ܆ ܕܰܫܦܰܪܘ ܠܶܗ ܘܰܕܢܰܚ ܡܶܢܳܗ̇܀

ܬܪܝܢܐ - H

ܠܳܐ ܐܺܝܬ ܝܰܠܕܳܐ܆ ܕܕܳܡܶܐ ܠܳܟ ܡܳܪܶܐ ܟܽܠ܆ ܕܰܕܠܳܐ ܚܰܫܳܐ ܡܶܢ ܐܰܒܳܐ ܐܰܢ̱ܬ܆ ܘܰܕܠܳܐ ܙܰܪܥܳܐ ܡܶܢ ܒܰܪܬ ܕܰܘܺܝܕ. ܠܥܶܠ ܡܶܢ ܐܰܒܳܐ ܐܰܢ̱ܬ: ܘܰܠܬܰܚܬ ܡܶܢ ܒܬܽܘܠܬܳܐ ܡܰܪܝܰܡ܀

ܬܠܝܬܝܐ - H

ܫܠܳܡܳܐ ܥܰܡܟܽܘܢ܆ ܢܒܺܝ̈ܶܐ ܘܰܫܠܺܝ̈ܚܶܐ ܘܣܳܗ̈ܕܶܐ: ܘܰܐܒܳܗ̈ܳܬܳܐ ܐܳܦ ܡܰܠ̈ܦܳܢܶܐ ܕܥܺܕܰܬ ܩܽܘܕܫܳܐ. ܐܰܦܺܝܣܘ ܠܰܡܫܺܝܚܳܐ. ܕܢܶܥܒܶܕ ܪ̈ܰܚܡܶܐ ܥܰܠ ܟܽܠܰܢ܀

ܪܒܝܥܝܐ - H

ܪܶܚܡܰܬ ܡܳܪܝܳܐ. ܐܰܝܟ ܢܽܘܪܳܐ ܒܣܳܗ̈ܕܶܐ ܕܶܠܩܰܬ. ܘܥܰܠܘ ܩܳܡܘ ܒܕܰܪܳܐ ܕܠܽܘܩܒܰܠ ܒܺܝܫܳܐ. ܘܰܙܟܰܘ ܗܶܢܽܘܢ. ܘܗܳܐ ܡܶܬܢܰܨܰܚ܆ ܕܽܘܟܪܳܢܗܽܘܢ ܒܰܐܪ̈ܒܰܥܦܶܢܝܳܢ܀

ܚܡܝܫܝܐ - H

ܒܳܥܶܐ ܐ̱ܢܳܐ ܡܳܪܝ܆ ܐܰܫܘܳܢܝ ܠܫܽܘܒܩܳܢܳܐ ܕܚܰܘ̈ܒܶܐ: ܘܠܳܐ ܐܶܗܘܶܐ ܠܺܝ ܚܰܒܬܳܐ ܠܢܽܘܪܳܐ: ܘܰܠܓܰܘܙܰܠܬܳܐ ܐܶܠܐ ܒܪ̈ܰܚܡܰܝܟ܆ ܚܰܣܳܐ ܘܰܫܒܽܘܩ ܒܽܘܨܳܪ̈ܰܝ܀

ܫܬܝܬܝܐ - H

ܥܳܒܰܪ ܐܶܣܟܺܡܶܗ܆ ܕܥܳܠܡܳܐ ܫܠܺܝܚܳܐ ܐܰܟܬܶܒ ܠܰܢ. ܠܳܐ ܚܰܕܽܘܬܶܗ܆ ܡܩܰܘܝܳܐ ܠܥܳܠܰܡ܆ ܥܳܩܬܶܗ ܠܰܓܡܳܪܳܐ ܐܺܝܬܶܝܗ̇. ܛܽܘܒܰܘܗ̱ܝ ܠܰܐܝܢܳܐ ܕܠܳܐ ܡܶܬܬܚܶܕ ܒܰܪ̈ܓܺܝܓܳܬܶܗ܀

ܫܒܝܥܝܐ - H

ܕܳܢܰܚ ܒܰܪ ܡܰܠܟܳܐ܆ ܒܫܽܘܒܚܳܐ ܪܰܒܳܐ ܕܡܰܠܰܐܟܰܘ̈ܗ̱ܝ. ܫܳܪܶܐ ܫܡܰܝܳܐ. ܘܡܰܥܒܰܪ ܐܰܪܥܳܐ ܘܟܽܠ ܕܺܐܝܬ ܒܳܛܶܠ. ܘܩܳܝܡܺܝܢ ܥܰܢܺܝ̈ܕܶܐ ܕܠܳܐ ܚܒܳܠܳܐ ܡܶܢ ܩܰܒܪ̈ܰܝܗܽܘܢ܀

ܬܡܝܢܝܐ - H

ܗܳܐ ܡܶܢ ܕܰܗܘܺܝܬ܆ ܘܦܶܠܚܶܬ ܒܶܗ ܒܥܳܠܡܳܐ ܗܳܢܳܐ. ܘܗܳܫܳܐ ܕܫܰܪܺܝܬ܆ ܕܶܐܦܽܘܩ ܡܶܢܶܗ. ܠܳܐ ܠܘܳܢܝ ܡܶܕܶܡ. ܐܶܠܐ ܒܰܠܚܽܘܕ. ܦܰܓܪܶܗ ܘܰܕܡܶܗ ܕܰܡܫܺܝܚܳܐ܀