ܩܝܢܬܐ ܚ

ܦܬܓܡܐ:

ܝܺܡܳܐ ܡܳܪܝܳܐ ܘܠܳܐ ܢܟܰܕܶܒ: ܕܰܐܢ̱ܬܽܗܘ ܟܽܘܡܪܳܐ ܠܥܳܠܰܡ ܒܰܕܡܽܘܬܶܗ ܕܡܰܠܟܺܝܙܕܶܩ ܗ̄܀

ܬܒܪܬ‌ܐ:

ܒܪܳܐ ܕܒܰܩܝܳܡܬܶܗ ܦܰܪܩܳܗ̇ ܠܥܺܕܬܶܗ ܡܶܢ ܛܳܥܝܽܘܬܳܐ: ܗܰܒ ܒܳܗ̇ ܫܰܝܢܳܐ ܘܢܰܛܰܪ ܝܰܠܕܶܝ̈ܗ̇ ܒܰܩܝܳܡܬܳܟ ܡܳܪܝ܀

ܫܰܝܢܳܐ ܕܫܰܝܶܢ ܠܰܫܡܰܝܴ̈ܢܶܐ ܘܠܐܰܪ̈ܥܳܢܳܝܶܐ: ܫܰܝܶܢ ܠܥܺܕܬܳܟ ܘܢܰܛܰܪ ܝܰܠܕܶܝ̈ܗ̇ ܒܰܩܝܳܡܬܳܟ ܡܳܪܝ܀

ܒܬܪ ܐܘܢܓܠܝܘܢ ܒܩ̄: ܩܽܘܩܳܝܳܐ

ܡܳܐ ܦܰܐܝܳܐ ܗ̱ܘܳܬ ܫܳܪܽܘܬܳܐ ܕܰܥܒܰܕ ܡܳܪܰܢ: ܥܰܠ ܝܰܡܬܳܐ ܕܛܺܝܒܶܪܺܝܳܘܣ ܠܬܰܠ̈ܡܺܝܕܰܘܗܝ ܡܶܢ ܕܩܳܡ. ܕܰܐܝܬܺܝ ܢܽܘܪܳܐ: ܕܠܳܐ ܗܘܳܬ ܡܶܢ ܩܰܝ̈ܣܶܐ. ܘܰܐܝܬܺܝ ܢܽܘܢܳܐ: ܕܠܳܐ ܨܺܝܕ ܡܶܢ ܡܰܝ̈ܳܐ. ܘܰܐܝܬܺܝ ܠܰܚܡܳܐ ܕܠܳܐ ܚ̈ܶܛܶܐ ܘܠܳܐ ܢܰܚܬܽܘ̈ܡܶܐ: ܘܶܐܟ̣ܰܠܘ ܬܰܠ̈ܡܺܝܕܶܐ ܘܰܣܒܰܥܘ ܘܫܰܒܰܚܘ ܠܰܡܪܰܝܡܳܐ ܗ̄ ܠܶܗ ܬܶܫܒ̈ܚܳܢ ܡܶܢ ܟܽܠ܀

ܠܘܛܢܝܐ ܒܩ̄: ܙ:ܙ ܢܶܩܝܳܐ ܗܘܺܝܬ

ܒܰܪ ܚܰܝܳܐ ܛܥܶܡ ܗܘܳܐ ܡܰܘܬܳܐ: ܟܰܕ ܐܰܠܳܗܰܐܗܘ ܒܰܟܝܳܢܶܗ. ܘܰܢܚܶܬ ܠܰܫܝܽܘܠ ܒܳܠܰܥܬܳܐ: ܕܢܰܚܶܐ ܠܳܐܕܳܡ ܘܰܠܝܰܠ̈ܕܰܘܗܝ܀

ܚܙܳܝܗܝ ܡܰܘܬܳܐ ܘܙܳܥ ܘܶܐܬܒܰܠܗܺܝ: ܘܶܐܫܬܰܦܰܠ ܘܰܢܦܰܠ ܬܳܓܶܗ. ܘܩܳܡ ܡܶܢ ܩܰܒܪܳܐ ܒܬܶܫܒܽܘܚܬܳܐ: ܘܰܐܩܺܝܡ ܠܰܢ ܡܶܢ ܡܰܘܦܽܘܠܬܳܐ܀

ܒܚܰܕ ܒܫܰܒܳܐ ܐܶܬ̣ܬܥܺܝܪ ܡܳܪܝܳܐ: ܡܶܢ ܩܰܒܪܳܐ ܒܚܰܝܠܳܐ ܪܰܒܳܐ. ܘܚܰܕܺܝ ܠܰܐܪܥܳܐ ܘܠܰܫܡܰܝܳܐ: ܒܝܰܘܡܳܐ ܪܰܒܳܐ ܕܢܽܘܚܳܡܶܗ܀

ܒܰܩܝܳܡܬܶܗ ܦܰܪܩܳܗ̇ ܠܥܺܕܬܶܗ: ܘܚܰܪܰܪ ܝܰܠ̈ܕܶܝܗ̇ ܡܶܢ ܛܽܘܥܝ̣ܰܝ̣. ܘܝܰܗܒ ܠܳܗ̇ ܪܰܗܒܽܘܢܳܐ ܕܚܰܝ̈ܶܐ: ܦܰܓܪܶܗ ܘܰܕܡܶܗ ܠܚܽܘܣܳܝܳܐ܀

ܚܘܬܡܐ ܒܩ̄: ܒܬܽܘܠܬܳܐ ܒܰܪ̱ܬ ܕܰܘܺܝܕ

ܒܝܰܘܡܳܐ ܕܚܰܕ ܒܫܰܒܳܐ: ܢܚܶܬܘ ܡܰܠܰܐܟ̣̈ܶܐ ܡܶܢ ܪܰܘܡܳܐ. ܘܰܙܡܰܪܘ ܗܘܰܘ ܫܽܘܒܚܳܐ: ܠܰܐܠܳܗܳܐ ܕܩܳܡ ܡܶܢ ܩܰܒܪܳܐ. ܘܦܰܪܩܶܗ ܠܳܐܕܳܡ ܘܟܽܠܗܽܘܢ ܝܰܠ̈ܕܰܘܗܝ: ܡܶܢ ܫܽܘܥܒܳܕܳܐ ܕܰܚܛܺܝܬܳܐ܀