ܕܩܘܕܫ ܥܕ̱ܬܐ

ܐܰܘܕܳܝ ܥܺܕ̱ܬܳܐ ܒܰܙܡܺܝ̣ܪ̈ܳܬ̣ܶܟ̣ܝ̱ ܫܰܦܺܝ̣ܪ̈ܳܬ̣ܳܐ: ܘܩܰܪܶܒ ܠܰܒܪܳܐ ܕ̈ܳܫܢܶܐ ܕܫܽܘ̣ܒܚܳܐ ܒܝܽܘܡ ܩܽܘ̣ܕܳܫܶܟ̣ܝ̱܀

ܐܰܝܢܳܐ ܕܡܰܩܪܶܒ ܥܰܡܶܟ̣ܝ̱ ܥܺܕ̱ܬܳܐ ܣܽܘ̣ܣܝܶܗ ܢܶܦܶܠ: ܘܰܒܗܰܘ ܓܶܐܪܳܐ ܕܡܳܬܚܳܐ ܩܶܫܬܶܗ ܒܣܶܛܪܶܗ ܢܶܒܠܰܥ܀

ܕܚܽܘܕܳܬ ܥܕ̱ܬܐ

ܐܰܘܕܳܝ ܥܺܕ̱ܬܳܐ ܒܰܙܡܺܝ̣ܪ̈ܳܬ̣ܶܟ̣ܝ̱ ܫܰܦܺܝ̣ܪ̈ܳܬ̣ܳܐ: ܘܩܰܪܶܒ ܠܰܒܪܳܐ ܕ̈ܳܫܢܶܐ ܕܫܽܘ̣ܒܚܳܐ ܒܝܽܘܡ ܚܽܘ̣ܕܳܬ̣ܶܟ̣ܝ̱܀

ܐܰܝܢܳܐ ܕܡܰܩܪܶܒ ܥܰܡܶܟ̣ܝ̱ ܥܺܕ̱ܬܳܐ ܣܽܘ̣ܣܝܶܗ ܢܶܦܶܠ: ܘܰܒܗܰܘ ܓܶܐܪܳܐ ܕܡܳܬܚܳܐ ܩܶܫܬܶܗ ܒܣܶܛܪܶܗ ܢܶܒܠܰܥ܀

ܕܟܗܢܐ ܙܟܪܝܐ

ܨܠܽܘܬ̣ܳܟ ܥܰܡܰܢ ܟܳܗܢܳܐ ܙܟ̣ܰܪܝܳܐ ܨܠܽܘܬ̣ܳܟ ܥܰܡܰܢ: ܠܰܨܠܰܘ̈ܳܬ̣ܳܟ ܢܶܫܡܰܥ ܡܳܪܝܳܐ ܘܰܢܚܰܣܶܐ ܠܰܢ܀

ܒܨܠܰܘ̈ܳܬ̣ܳܟ ܡܳܪܝܳܐ ܢܒܰܛܶܠ ܫܰܒ̈ܛܶܐ ܕܪܽܘܓ̣ܙܳܐ: ܡܶܢ ܟܽܠ ܐܰܝܢܳܐ ܕܡܶܬ̣ܓܰܘܰܣ ܒܳܟ ܒܗܰܝܡܳܢܽܘ̣ܬ̣ܳܐ܀

ܕܝܠܕܬ ܐܠܗܐ

ܨܠܽܘܬ̣ܶܟ̣ܝ̱ ܥܰܡܰܢ ܐܳܘ ܡܒܰܪܰܟ̣ܬܳܐ ܨܠܽܘܬ̣ܶܟ̣ܝ̱ ܥܰܡܰܢ: ܠܰܨܠܰܘ̈ܳܬ̣ܶܟ̣ܝ̱ ܢܶܫܡܰܥ ܡܳܪܝܳܐ ܘܰܢܚܰܣܶܐ ܠܰܢ܀

ܡܰܠܝܰܬ̣ ܪ̈ܰܚܡܶܐ ܐܰܦܺܝܣܝ̱ ܘܰܒܥܳܝ ܠܰܡܠܶܐ ܪ̈ܰܚܡܶܐ: ܕܢܶܥܒܶܕ ܪ̈ܰܚܡܶܐ ܥܰܠ ܢܰܦܫ̈ܳܬ̣ܳܐ ܕܫ̈ܳܐܠܳܢ ܪ̈ܰܚܡܶܐ܀

ܕܓܠܝܢܗ ܕܝܘܣܦ

ܨܠܽܘܬ̣ܳܟ ܥܰܡܰܢ ܝܰܘܣܶܦ ܟܺܐܢܳܐ ܨܠܽܘܬ̣ܳܟ ܥܰܡܰܢ: ܠܰܨܠܰܘ̈ܳܬ̣ܳܟ ܢܶܫܡܰܥ ܡܳܪܝܳܐ ܘܰܢܚܰܣܶܐ ܠܰܢ܀

ܒܨܠܰܘ̈ܳܬ̣ܳܟ ܡܳܪܝܳܐ ܢܒܰܛܶܠ ܫܰܒ̈ܛܶܐ ܕܪܽܘ̣ܓ̣ܙܳܐ: ܡܶܢ ܟܽܠ ܐܰܝܢܳܐ ܕܡܶܬ̣ܓܰܘܰܣ ܒܳܟ ܒܗܰܝܡܳܢܽܘ̣ܬ̣ܳܐ܀

ܕܩܕܡ ܘܕܒܬܪ ܝܠܕܐ

ܒܪܳܐ ܕܰܒܝܰܠܕܶܗ ܦܰܪܩܳܗ̇ ܠܥܺܕ̱ܬܶܗ ܡܶܢ ܛܳܥܝܽܘ̣ܬ̣ܳܐ: ܗܰܒ ܒܳܗ̇ ܫܰܝܢܳܟ ܘܢܰܛܰܪ ܝܰܠܕ̈ܶܝܗ̇ ܒܡܰܘܠܳܕܳܟ ܡܳܪܝ̱܀

ܫܰܝܢܳܐ ܕܫܰܝܶܢ ܠܰܫܡܰܝ̈ܳܢܶܐ ܘܠܰܐܪ̈ܥܳܢܳܝܶܐ: ܫܰܝܶܢ ܠܥܺܕ̱ܬܳܟ ܘܢܰܛܰܪ ܝܰܠܕ̈ܶܝܗ̇ ܒܡܰܘܠܳܕܳܟ ܡܳܪܝ̱܀

ܕܝܠܕܐ ܦܪܘܩܝܐ

ܗܰܠܶܠܘ̱ ܗܰܠܶܠܘ̱ ܗܰܠܶܠܘ̱ ܘܶܐܡܰܪܘ̱ ܗܰܠܶܠܽܘܝܰܗ: ܐܰܟܡܳܐ ܕܗܰܠܠܽܘܗ̱ܝ ܪ̈ܳܥܰܘܳܬ̣ܳܐ ܒܓ̣ܰܘ ܒܶܝܬ̣ ܠܚܶܡ܀

ܙܰܡܰܪܘ̱ ܙܰܡܰܪܘ̱ ܙܰܡܰܪܘ̱ ܘܶܐܡܰܪܘ̱ ܗܰܠܶܠܽܘܝܰܗ: ܐܰܟ̣ܡܳܐ ܕܙܰܡܪܽܘܗ̱ܝ ܪ̈ܳܥܰܘܳܬ̣ܳܐ ܒܓ̣ܰܘ ܒܶܝܬ̣ ܠܚܶܡ܀

ܕܩܛܠܐ ܕܝܠܘܕ̈ܐ

ܨܠܽܘܬ̣ܟ̣ܽܘܢ ܥܰܡܰܢ ܫܰܒܪ̈ܶܐ ܒܪܺܝ̣ܪ̈ܶܐ ܨܠܽܘܬ̣ܟ̣ܽܘܢ ܥܰܡܰܢ: ܠܰܨܠܰܘ̈ܳܬ̣ܟ̣ܽܘܢ ܢܶܫܡܰܥ ܡܳܪܝܳܐ ܘܰܢܚܰܣܶܐ ܠܰܢ܀

ܒܨܠܰܘ̈ܳܬܟ̣ܽܘܢ ܡܳܪܝܳܐ ܢܒܰܛܶܠ ܫܰܒ̈ܛܶܐ ܕܪܽܘܓ̣ܙܳܐ: ܡܶܢ ܟܽܠ ܐܰܝܢܳܐ ܕܡܶܬ̣ܓܰܘܰܣ ܒܟܽܘܢ ܒܗܰܝܡܳܢܽܘ̣ܬ̣ܳܐ܀

ܕܡܠܦܢ̈ܐ

ܨܠܽܘܬ̣ܟ̣ܽܘܢ ܥܰܡܰܢ ܐܰܒܳܗ̈ܳܬ̣ܳܐ ܡܰܠܦܰܝ̈ ܩܽܘ̣ܫܬܳܐ: ܠܰܨܠܰܘ̈ܳܬ̣ܟ̣ܽܘܢ ܢܶܫܡܰܥ ܡܳܪܝܳܐ ܘܰܢܚܰܣܶܐ ܠܰܢ܀

ܒܨܠܰܘ̈ܳܬܟܽܘܢ ܡܳܪܝܳܐ ܢܒܰܛܶܠ ܫܰܒ̈ܛܶܐ ܕܪܽܘܓ̣ܙܳܐ: ܡܶܢ ܟܽܠ ܐܰܝܢܳܐ ܕܡܶܬ̣ܓܰܘܰܣ ܒܟ̣ܽܘܢ ܒܗܰܝܡܳܢܽܘ̣ܬ̣ܳܐ܀

ܕܥܡܕܐ ܩܕܝܫܐ

ܒܪܳܐ ܕܒܰܥܡܳܕܶܗ ܦܰܪܩܳܗ̇ ܠܥܺܕ̱ܬܶܗ ܡܶܢ ܛܳܥܝܽܘ̣ܬ̣ܳܐ: ܗܰܒ ܒܳܗ̇ ܫܰܝܢܳܟ ܘܢܰܛܰܪ ܝܰܠܕ̈ܶܝܗ̇ ܒܰܥܡܳܕܳܟ ܡܳܪܝ̱܀

ܫܰܝܢܳܐ ܕܫܰܝܶܢ ܠܰܫܡܰܝ̈ܳܢܶܐ ܘܠܰܐܪ̈ܥܳܢܳܝܶܐ: ܫܰܝܶܢ ܠܥܺܕ̱ܬܳܟ ܘܢܰܛܰܪ ܝܰܠܕ̈ܶܝܗ̇ ܒܰܥܡܳܕܳܟ ܡܳܪܝ̱܀

ܕܡܥܠܬܐ

ܐܳܙܺܠ̱ܝܢ ܕܳܪ̈ܶܐ ܘܳܐܬ̣ܶܝܢ ܕܳܪ̈ܶܐ ܘܣܳܒܳܐ ܩܰܝܳܡ: ܒܪܺܝܟ ܗ̱ܘܽ ܕܡܰܥܒܰܪ ܠܟܽܠܗܽܘܢ ܕܳܪ̈ܶܐ ܘܗܽܘ̣ ܠܳܐ ܥܳܒܰܪ܀

ܥܢ̈ܳܢܶܐ ܩܪܰܐܘܽܟ ܕܬܶܥܽܘܠ ܠܡܶܨܪܶܝܢ ܒܚܰܝܠܳܐ ܘܓܽܘܢܚܳܐ: ܘܰܛܥܺܝܢ ܐܰܢ̱ܬ ܠܶܗ ܠܡܳܪܳܐ ܕܟܽܠܗܽܘܢ ܐܰܬ̣ܪ̈ܰܘܳܬ̣ܳܐ܀

ܕܨܘܡܐ ܕܢܝܢܘܐ

ܩܳܪܶܝܢܰܢ ܠܳܟ ܡܳܪܝܳܐ ܡܳܪܰܢ ܬܳܐ ܠܥܽܘ̣ܕܪܳܢܰܢ: ܫܡܰܥ ܒܳܥܽܘ̣ܬ̣ܰܢ ܘܰܥܒܶܕ ܪ̈ܰܚܡܶܐ ܥܰܠ ܢܰܦܫ̈ܳܬ̣ܰܢ܀

ܡܳܪܝܳܐ ܡܳܪܰܢ ܡܳܪܳܐ ܕܥܺܝ̣ܪ̈ܶܐ ܘܰܕܡܰܠܰܐܟ̣̈ܶܐ: ܫܡܰܥ ܒܳܥܽܘ̣ܬ̣ܰܢ ܘܰܥܒܶܕ ܪ̈ܰܚܡܶܐ ܥܰܠ ܢܰܦܫ̈ܳܬ̣ܰܢ܀

ܕܟܗ̈ܢܐ

ܠܟܳܗ̈ܢܰܝܟ ܐܰܢܺܝ̣ܚ ܒܰܝܢܳܬ̣ ܟܺܐܢ̈ܶܐ ܒܪܳܐ ܕܰܐܠܗܳܐ: ܒܗܳܝ ܡܰܠܟܽܘ̣ܬ̣ܳܐ ܕܠܳܐ ܡܶܫܬܰܪܝܳܐ ܥܰܡ ܩܰܕ̈ܺܝ̣ܫܶܐ܀

ܠܳܟ ܬܶܫܒܽܘܚܬܳܐ ܡܢܰܚܶܡ ܡܺܝ̈ܬ̣ܶܐ ܡܶܢ ܩܰܒܪ̈ܰܝܗܽܘܢ: ܘܡܰܠܒܶܫ ܠܗܽܘܢ ܐܶܣܛܰܠ ܫܽܘ̣ܒܚܳܐ ܒܝܽܘܡ ܢܽܘ̣ܚܳܡܳܐ܀

ܕܥܢܝ̈ܕܐ

ܠܥܰܒܕ̈ܰܝܟ ܐܰܢܺܝ̣ܚ ܒܰܝܢܳܬ̣ ܟܺܐܢ̈ܶܐ ܒܪܳܐ ܕܰܐܠܗܳܐ: ܒܗܳܝ ܡܰܠܟܽܘ̣ܬ̣ܳܐ ܕܠܳܐ ܡܶܫܬܰܪܝܳܐ ܥܰܡ ܩܰܕ̈ܺܝ̣ܫܶܐ܀

ܠܳܟ ܬܶܫܒܽܘܚܬܳܐ ܡܢܰܚܶܡ ܡܺܝ̈ܬ̣ܶܐ ܡܶܢ ܩܰܒܪ̈ܰܝܗܽܘܢ: ܘܡܰܠܒܶܫ ܠܗܽܘܢ ܐܶܣܛܰܠ ܫܽܘ̣ܒܚܳܐ ܒܝܽܘܡ ܢܽܘ̣ܚܳܡܳܐ܀

ܕܩܛܢ̈ܐ

ܡܫܺܝ̣ܚܳܐ ܕܶܐܬ̣ܳܐ ܘܫܰܚܠܶܦ ܡܰܝ̈ܳܐ ܠܚܰܡܪܳܐ ܛܳܒܳܐ: ܫܰܚܠܶܦ ܠܰܢ ܡܳܪܝ̱ ܡܶܢ ܒܺܝ̣ܫ̈ܳܬ̣ܳܐ ܠܘܳܬ̣ ܛܳܒܳـ̈ܬ̣ܳܐ܀

ܕܡܪܝ ܐܦܪܝܡ

ܨܠܽܘܬ̣ܳܟ ܥܰܡܰܢ ܡܰܠܦܳܢ ܩܽܘ̣ܫܬܳܐ ܨܠܽܘܬ̣ܳܟ ܥܰܡܰܢ: ܠܰܨܠܰܘ̈ܳܬ̣ܳܟ ܢܶܫܡܰܥ ܡܳܪܝܳܐ ܘܰܢܚܰܣܶܐ ܠܰܢ܀

ܒܨܠܰܘ̈ܳܬ̣ܳܟ ܡܳܪܝܳܐ ܢܒܰܛܶܠ ܫܰܒ̈ܛܶܐ ܕܪܽܘܓ̣ܙܳܐ: ܡܶܢ ܟܽܠ ܐܰܝܢܳܐ ܕܡܶܬ̣ܓܰܘܰܣ ܒܳܟ ܒܗܰܝܡܳܢܽܘ̣ܬ̣ܳܐ܀

ܕܨܘܡܐ ܪܒܐ

ܡܫܺܝܚܳܐ ܕܶܐܬ̣ܳܐ ܘܗܰܠܶܟ ܒܰܐܪܥܳܐ ܡܕܰܒܪܳܢܳܐܝܺܬ̣: ܐܰܣܺܝ̣ ܟܪ̈ܺܝ̣ܗܶܐ ܘܕܰܟܺܝ̣ ܓܰܪ̈ܒܶܐ ܘܰܐܚܺܝ̣ ܡܺܝ̈ܬ̣ܶܐ܀

ܡܫܺܝ̣ܚܳܐ ܕܶܐܬ̣ܳܐ ܘܰܐܣܺܝ ܘܰܐܚܠܶܡ ܠܰܡܡܰܚܰܝ̈ܳܐ: ܐܰܣܳܐ ܟܺܐܒܰܝ̈ܢ ܘܰܥܨܽܘܒ ܫܽܘ̣ܚ̈ܢܰܝܢ ܘܪܰܚܶܡܥܠܰܝܢ܀

ܕܐܘܫܥܢ̈ܐ

ܩܰܕܺܝܫ ܩܰܕܺܝܫ ܩܰܕܺܝܫ ܡܳܪܝܳܐ ܩܥܰܘ ܝܰܠܽܘܕ̈ܶܐ: ܩܰܕܺܝܫ ܡܳܪܝܳܐ ܕܰܪܟܺܝܒ ܥܺܝܠܳܐ ܒܫܽܘܩܰܝ̈ ܨܶܗܝܽܘܢ܀

ܙܡܰܪ ܠܶܗ ܙܡܰܪ ܠܶܗ ܙܡܰܪ ܠܶܗ ܫܽܘܒܚܳܐ ܠܒܰܪ ܐܠܗܳܐ: ܠܫܽܘܒܚܶܗ ܣܳܡܳܟ ܠܡܽܘܢ ܒܰܛܺܝܠܰܬ ܡܶܢ ܬܶܫܒܽܘܚܬܳܐ܀

ܕܚܫܐ

ܡܫܺܝ̣ܚܳܐ ܕܶܐܬ̣ܳܐ ܠܚܰܫܳܐ ܘܡܰܘܬܳܐ ܘܰܙܩܺܝ̣ܦܽܘ̣ܬ̣ܳܐ: ܫܡܰܥ ܒܳܥܽܘܬ̣ܰܢ ܘܰܥܒܶܕ ܪ̈ܰܚܡܶܐ ܥܰܠ ܢܰܦܫ̈ܳܬ̣ܰܢ܀

ܠܳܐ ܡܰܠܟܽܘܬ̣ܳܐ ܘܠܳܐ ܟܳܗܢܽܘ̣ܬ̣ܳܐ ܘܠܳܐ ܢܒܺܝܽܘ̣ܬܳܐ. ܐܰܠܗܰܢ ܪܰܚܶܡܥܠܰܝܢ. ܡܳܪܰܢ ܒܪ̈ܰܚܡܰܝܟ ܚܽܘ̣ܣ ܥܠܰܝܢ܀

ܕܩܝܡܬܐ

ܒܪܳܐ ܕܒܰܩܝܳܡܬܶܗ ܦܰܪܩܳܗ̇ ܠܥܺܕ̱ܬܶܗ ܡܶܢ ܛܳܥܝܽܘ̣ܬܳܐ: ܗܰܒ ܒܳܗ̇ ܫܰܝܢܳܟ ܘܢܰܛܰܪ ܝܰܠܕ̈ܶܝܗ̇ ܒܰܩܝܳܡܬܳܟ ܡܳܪܝ̱܀

ܫܰܝܢܳܐ ܕܫܰܝܶܢ ܠܰܫܡܰܝ̈ܳܢܶܐ ܘܠܰܐܪ̈ܥܳܢܳܝܶܐ: ܫܰܝܶܢ ܠܥܺܕ̱ܬܳܟ ܘܢܰܛܰܪ ܝܰܠܕ̈ܶܝܗ̇ ܒܰܩܝܳܡܬܳܟ ܡܳܪܝ̱܀

ܕܣܘܠܩܐ܇ ܕܦܢܛܝܩܘܣܛܝ܇ ܘܕܡ̈ܛܠ̱ܠܐ

ܒܗܳܢܳܐ ܥܺܐܕܳܐ ܕܗܳܐ ܚܳܕܝܳܐ ܒܶܗ ܫܡܰܝܳܐ ܘܰܐܪܥܳܐ: ܚܰܕܳܐ ܠܥܺܕ̱ܬܳܟ ܘܢܰܛܰܪ ܝܰܠܕ̈ܶܝܗ̇ ܒܥܰܕܥܺܐܕܳܟ ܡܳܪܝ̱܀

ܫܰܝܢܳܐ ܕܫܰܝܶܢ ܠܰܫܡܰܝ̈ܳܢܶܐ ܘܠܰܐܪ̈ܥܳܢܳܝܶܐ: ܫܰܝܶܢ ܠܥܺܕ̱ܬܳܟ ܘܢܰܛܰܪ ܝܰܠܕ̈ܶܝܗ̇ ܒܥܰܕܥܺܐܕܳܟ ܡܳܪܝ̱܀

ܕܨܠܝܒܐ

ܒܪܳܐ ܕܒܰܨܠܝܒܶܗ ܦܰܪܩܳܗ̇ ܠܥܺܕܬܶܗ ܡܶܢ ܛܳܥܝܽܘܬ̣ܳܐ: ܗܰܒ ܒܳܗ̇ ܫܰܝܢܳܐ ܘܢܰܛܰܪ ܝܰܠܕ̈ܶܝܗ ܒܰܨܠܺܝ̣ܒܳܟ ܡܳܪܝ܀

ܫܰܝܢܳܐ ܕܫܰܝܶܢ ܠܰܫܡܰܝ̈ܳܢܶܐ ܘܠܰܐܪ̈ܥܳܢܳܝܶܐ: ܫܰܝܶܢ ܠܥܺܕ̱ܬܳܟ ܘܢܰܛܰܪ ܝܰܠܕ̈ܶܝܗ̇ ܒܰܨܠܺܝ̣ܒܳܟ ܡܳܪܝ̱܀

ܕܚܕ ܩܢܘܡܐ

ܨܠܽܘܬ̣ܳܟ ܥܰܡܰܢ ܐܳܘ ܡܳܪܝ̱ ܦܠܢ ܨܠܽܘܬ̣ܳܟ ܥܰܡܰܢ: ܠܰܨܠܰܘ̈ܳܬ̣ܳܟ ܢܶܫܡܰܥ ܡܳܪܝܳܐ ܘܰܢܚܰܣܶܐ ܠܰܢ܀

ܒܨܠܰܘ̈ܳܬ̣ܳܟ ܡܳܪܝܳܐ ܢܒܰܛܶܠ ܫܰܒ̈ܛܶܐ ܕܪܽܘܓ̣ܙܳܐ: ܡܶܢ ܟܽܠ ܐܰܝܢܳܐ ܕܡܶܬ̣ܓܰܘܰܣ ܒܳܟ ܒܗܰܝܡܳܢܽܘ̣ܬ̣ܳܐ܀