ܒܫܽܘܠܳܡ ܨܠܰܘ̈ܳܬܳܐ

ܬܶܫܡܶܫܬܳܐ ܕܝܳܠܕܰܬ ܐܰܠܳܗܳܐ
ܒܫܽܘܠܳܡ ܨܠܰܘ̈ܳܬܳܐ

ܐ

ܩܽܘܩܠܺܝܳܘܢ

ܒܰܪ̱ܬ ܡܰܠܟܳܐ ܒܫܽܘܒܚܳܐ ܩܳܡܰܬ ܗ̄ܘܗ̄ ܘܡܰܠܟܬܳܐ ܡܶܢ ܝܰܡܺܝܢܳܟ܀

ܘܰܛܥܳܝ ܥܰܡܶܟ̣ܝ ܘܒܶܝܬ ܐܰܒܽܘܟܝ ܗ̄ܘܗ̄ ܕܢܶܬܪܰܓܪܰܓ ܡܰܠܟܳܐ ܠܫܽܘܦܪܶܟ̣ܝ܀

ܐ̱ܚܪܺܢܳܐ

ܒܰܠܒܽܘܫܳܐ ܕܕܰܗܒܳܐ ܕܰܐܘܦܺܝܪ ܗ̄ܘܗ̄ ܫܡܰܥܝ ܒܪܰܬܝ ܘܰܚܙܳܝ ܘܰܨܠܳܝ ܐܶܕܢܶܟܝ܀

ܡܶܛܽܠ ܕܗܽܘܝܽܘ ܡܳܪܶܟܝ ܣܓܽܘܕܝ ܠܶܗ ܗ̄ܘܗ̄ ܘܒܰܪ̱ܬ ܨܽܘܪ ܬܶܣܓܽܘܕܝ ܠܶܗ܀

ܫܽܘܒܚܳܐ: ܡܶܢܥܳܠܰܡ ܘܰܥܕܰܡܳܐ ܠܥܳܠܰܡ ܥܳܠܡܺܝܢ ܐܰܡܺܝܢ:

ܥܶܩܒܳܐ

ܩܰܪܶܒܝ ܒܳܥܽܘܬ̣ܳܐ ܚܠܳܦܰܝܢ܇ ܐܳܘ ܫܽܘܒܗܳܪܳܐ ܕܰܡܗܰܝ̈ܡܢܶܐ܇ ܠܺܝܚܺܝܕܳܐ ܕܰܕܢܰܚ ܡܶܢܶܟ̣ܝ܇ ܕܢܶܥܒܶܕ ܪ̈ܰܚܡܶܐ ܥܰܠ ܟܽܠܰܢ܀

ܐ̱ܚܪܺܢܳܐ

ܠܳܐ ܬܶܫܠܶܝܢ ܐܳܘ ܩܰܕܺܝܫܬܳܐ ܡܶܢ ܒܳܥܽܘܬܳܐ ܕܰܚܠܳܦܰܝܢ. ܦܝܳܣܳܐ ܩܰܪܶܒܝ ܠܺܝܚܺܝܕܶܟܝ ܕܢܶܥܒܶܕ ܪ̈ܰܚܡܶܐ ܥܰܠ ܟܽܠܰܢ܀

ܣܛܳܘܡܶܢ ܩܰܐܠܳܘܣ ܩܽܘܪܶܝܐܠܰܝܣܳܘܢ

ܩܳܠܳܐ ܒܩ̄: ܥܰܠ ܥܶܛܪܳܐ ܕܒܶܣ̈ܡܶܐ

ܕܽܘܟܪܳܢܳܗ̇ ܕܡܰܪܝܰܡ܇ ܢܶܗܘܶܐ ܠܒܽܘܪ̈ܟܳܬ̣ܰܢ܇ ܘܰܨܠܽܘܬ̣ܳܗ̇ ܬܶܗܘܶܐ܇ ܫܽܘܪܳܐ ܠܢܰܦ̈ܫܳܬ̣ܰܢ܀

ܫܽܘܒܚܳܐ: ܪܺܝܚܳܐ ܒܰܣܺܝܡܳܐ܇ ܗܳܐ ܦܳܐܰܚ ܒܳܐܐܰܪ܇ ܠܰܒܬ̣ܽܘܠܬܳܐ ܡܰܪܝܰܡ܇ ܝܳܠܕܰܬ̣ ܐܰܠܳܗܳܐ܀

ܐ̱ܚܪܺܢܳܐ

ܛܽܘܒܰܝܟܝ ܫܽܘܒܗܳܪܰܢ܇ ܛܽܘܒܰܝܟܝ ܒܶܝܬ ܓܰܘܣܰܢ. ܛܽܘܒܰܝܟܝ ܕܰܗܘܰܝܬܝ ܠܶܗ܇ ܐܶܡܳܐ ܠܰܐܠܳܗܳܐ܀

ܫܽܘܒܚܳܐ: ܒܶܝܬ ܓܰܘܣܰܢ ܪܳܡܳܐ܇ ܘܥܽܘܫܢܰܢ ܬܰܩܺܝܦܳܐ. ܐܰܢ̱ܬܝ ܐܺܝܬܰܝܟܝ ܒܟܽܠܙܒܰܢ ܝܳܠܕܰܬ ܐܰܠܳܗܳܐ܀

ܐ̱ܚܪܺܢܳܐ ܩܳܠܳܐ ܒܩ̄: ܩܰܒܶܠܳܝܗܝ ܡܳܪܰܢ

ܗܰܘ ܪܺܝܫ ܡܰܠܰܐܟ̣̈ܶܐ܇ ܫܠܳܡܳܐ ܐܰܝܬܺܝ ܠܒܰܪ̱ܬ̣ ܕܰܘܺܝܕ܇ ܘܣܰܒܪܳܗ̇ ܘܶܐܡܰܪ ܠܳܗ̇܇ ܕܡܳܪܝ̱ ܥܰܡܶܟ̣ܝ ܘܡܶܢܶܟ̣ܝ ܕܳܢܰܚ܀

ܫܽܘܒܚܳܐ: ܐܶܠܦܳܐ ܗܘܳܬ̣ ܡܰܪܝܰܡ܇ ܘܛܶܥܢܰܬ̣ ܙܰܝܚܰܬ ܘܝܰܩܰܪܬܶܗ܇ ܠܗܰܘ ܩܽܘܒܰܪܢܺܝܛܺܝ܇ ܡܳܪܳܐ ܕܟܽܠܗܶܝܢ ܒܶܪ̈ܝܳܬ̣ܳܐ܀

ܐ̱ܚܪܺܢܳܐ

ܗܺܝ ܡܰܪܝܰܡ ܐܶܡܪܰܬ܇ ܕܠܰܘ ܐܶܢܳܐ ܛܥܶܢܬܶܗ ܠܰܒܪܳܐ܇ ܗܽܘܝܽܘ ܕܰܛܥܺܝܢ ܠܺܝ܇ ܘܰܡܕܰܒܰܪ ܣܰܘ̈ܦܶܐ ܕܰܐܪܥܳܐ܀

ܫܽܘܒܚܳܐ: ܣܰܢܝܳܐ ܗܰܘ ܕܰܚܙܳܐ܇ ܡܽܘܫܶܐ ܢܒܺܝܳܐ ܒܛܽܘܪ ܣܺܝܢܰܝ܇ ܠܶܟܝ ܗ̱ܽܘ ܨܳܐܰܪ ܗ̱ܘܳܐ܇ ܡܰܪܝܰܡ ܝܳܠܕܰܬ̣ ܐܰܠܳܗܳܐ܀

ܚܽܘܬܳܡܳܐ

ܡܳܪܝܳܐ ܪܰܚܶܡܥܠܰܝܢ ܘܥܰܕܰܪܰܝܢ

ܒܰܨܠܺܝܒܳܟ ܡܳܪܰܢ ܝܶܫܽܘܥ܇ ܘܒܰܨܠܽܘܬ̣ ܡܰܪܝܰܡ ܕܺܝܠܶܕܬܳܟ܇ ܐܰܥܒܰܪ ܐܳܦ ܒܰܛܶܠ ܡܶܢܰܢ܇ ܠܡܰܚܘ̈ܳܬ̣ܳܐ ܘܫܰܒ̈ܛܶܐ ܕܪܽܘܓ̣ܙܳܐ܀

ܐ̱ܚܪܺܢܳܐ

ܡܰܢܽܘ ܒܰܪ ܡܰܢܽܘ ܗܰܘ ܕܶܐܬܺܝܠܶܕ ܡܶܢ ܡܰܪܝܰܡ܇ ܐܺܝܬܰܘܗ̱ܝ ܐܰܠܳܗܳܐ ܡܶܢ ܐܰܠܳܗܳܐ ܫܰܪܺܝܪܳܐ܇ ܠܥܶܠ ܐܰܠܳܗܳܐ ܠܬܰܚܬ ܒܰܪܢܳܫܳܐ܇ ܚܪܶܡ ܗ̱ܘ ܐܰܝܢܳܐ ܕܒܳܨܶܐ ܠܶܗ܀

ܐ̱ܚܪܺܢܳܐ

ܒܬܽܘܠܬܳܐ ܝܳܠܕܰܬ̣ ܐܰܠܳܗܳܐ܇ ܐܰܦܺܝܣ ܥܰܡܰܢ ܠܺܝ̣ܚܺܝ̣ܕܶܟܝ. ܕܢܰܥܒܰܪ ܘܰܢܒܰܛܶܠ ܡܶܢܰܢ܇ ܡܰܚ̈ܘܳܬܳܐ ܘܫܰܒ̈ܛܶܐ ܕܪܽܘܓܙܳܐ܀