ܬܶܫܡܶܫܬܳܐ ܕܚܰܕ ܩܢܽܘܡܳܐ ܕܩܰܕܺܝ̈ܫܶܐ

ܚ

ܩܽܘܩܠܺܝܳܘܢ

ܙܰܕܺܝܩܳܐ ܐܰܝܟ ܕܶܩܠܳܐ ܢܰܦܪܰܥ ܗ̄ ܘܰܐܝܟ ܐܰܪ̈ܙܶܐ ܕܠܶܒܢܳܢ ܢܶܫܘܰܚ܀

ܢܰܦܪܥܽܘܢ ܬܽܘܒ ܢܶܬ̣ܪܰܒܽܘܢ ܒܣܰܝܒܽܘܬ̣ܳܐ ܗ̄ ܫܰܡܺܝ̣̈ܢܶܐ ܘܒܰܣܺܝ̈ܡܶܐ ܢܶܗܘܽܘܢ܀

ܐ̱ܚܪܺܢܳܐ

ܕܰܢܨܺܝܒܺܝܢ ܒܒܰܝܬܶܗ ܕܡܳܪܝܳܐ ܗ̄ ܘܰܒܕܳܪ̈ܰܘܗܝ ܕܰܐܠܳܗܰܢ܀

ܘܰܢܚܰܘܽܘܢ ܕܰܬܪܺܝܨ ܗ̱ܽܘ ܡܳܪܝܳܐ ܗ̄ ܥܰܫܺܝܢ ܗ̱ܽܘ ܘܠܰܝܬ ܒܶܗ ܥܰܘܠܳܐ܀

ܫܽܘܒܚܳܐ: ܡܶܢܥܳܠܰܡ ܘܰܥܕܰܡܳܐ ܠܥܳܠܰܡ ܥܳܠܡܺܝܢ ܐܰܡܺܝܢ:

ܥܶܩܒܳܐ

ܕܽܘܟܪܳܢܳܟ (ܐܳܘ) ܡܳܪܝ ܦܠܢ܇ (ܕܽܘܟܪܳܢܟܽܘܢ ܟܽܠ ܩܰܕܺܝ̈ܫܶܐ) ܗܳܪܟܳܐ ܘܰܠܥܶܠ ܒܰܫܡܰܝܳܐ܇ ܘܰܐܝܠܶܝܢ ܕܝܰܩܰܪܘ ܕܽܘܟܪܳܢܳܟ (ܕܽܘܟܪܳܢܟܽܘܢ)܇ ܢܶܬܥܰܕܪܽܘܢ ܒܰܨ̈ܠܰܘܳܬ̣ܳܟ (ܒܰܨ̈ܠܰܘܳܬܟܽܘܢ)܀

ܣܛܳܘܡܶܢ ܩܰܐܠܳܘܣ ܩܽܘܪܶܝܐܠܰܝܣܳܘܢ

ܩܳܠܳܐ ܒܩ̄: ܗܰܒܠܳܗ̇ ܠܥܺܕܬܳܟ

ܫܠܳܡܠܳܟ (ܐܳܘ) ܓܰܒܝܳܐ. ܬܰܓܳܪܳܐ ܕܰܗܘܳܐ ܒܬܺܒܶܝܠ ܓܰܙܳܐ ܪܰܒܳܐ: ܕܡܰܪܕܶܐ ܥܽܘܕܪ̈ܳܢܶܐ. ܐܰܣܳܐ ܠܕܰܟܪܺܝܗܺܝܢ: ܘܰܛܪܽܘܕ ܟܺܐܒ̈ܶܐ ܡ̣ܶܢ ܡܰܪ̈ܥܶܐ. ܒܰܨ̈ܠܰܘܳܬܳܟ: ܪ̈ܰܚܡܶܐ ܢܶܗܘܽܘܢ ܥܠܰܝܢ܀

ܫܽܘܒܚܳܐ: ܫܽܘܒܚܳܐ ܠܰܡܫܺܝܚܳܐ ܒܕܽܘܟܪܳܢ ܓܰܒܝܳܐ ܡܳܪܝ ܦܠܢ ܕܰܦܠܰܚ ܩܽܘܫܬܳܐ. ܘܫܰܡܠܺܝ ܟܺܐܢܽܘܬܳܐ. ܘܣܰܝܒܰܪ ܐܽܘܠ̈ܨܳܢܶܐ ܒܫܰܗܪܳܐ ܘܨܰܘܡܳܐ ܘܰܨܠܽܘܬܳܐ܇ ܡܶܛܽܠ ܚܰܝ̈ܶܐ ܡܠܺܝ̈ܟ̣ܶܐ ܕܰܠܥܳܠܰܡ܀

ܐ̱ܚܪܺܢܳܐ ܩܳܠܳܐ ܒܩ̄: ܠܡܰܪܝܰܡ ܝܳܠܕܰܬ ܐܰܠܳܗܳܐ

ܗܳܐ ܥܶܕܳܢܳܐ ܠܰܨܠܽܘܬܳܐ܇ ܡܳܪܝ ܦܠܢ. ܩܽܘܡ ܨܰܠܳܐ ܒܪܺܝܫ ܡܰܪܥܺܝܬܳܟ: ܐܰܝܟ ܕܰܡܥܳܕ ܐܰܢ̱ܬ. ܦܫܽܘܛ ܝܰܡܺܝܢܳܟ ܐܰܝܟ ܕܡܽܘܫܶܐ܇ ܘܒܰܪܶܟ ܠܥܳܢ̈ܳܐ. ܕܗܳܐ ܨܳܝܬܳܐ ܠܩܳܠ ܢܶܥ̈ܡܳܬܳܟ ܒܰܣܺܝ̈ܡܳܬܳܐ܀

ܫܽܘܒܚܳܐ: ܪܳܡ ܕܰܪܓܳܟ ܒܰܝܢܳܬ ܥܺܝܪ̈ܶܐ ܡܳܪܝ ܦܠܢ܇ ܘܰܡܥܰܠܰܝ ܬܳܓܳܟ ܘܰܢܛܺܝܪ ܒܶܝܬ ܪ̈ܽܘܚܳܢܶܐ. ܛܽܘܒܰܘܗܝ ܠܰܐܝܢܳܐ ܕܫܳܘܶܐ ܠܶܗ ܠܗܰܘ ܦܳܬܽܘܪܳܐ܇ ܕܰܥܠܰܘܗܝ ܐܰܒܽܘܢ ܡܶܬܒܰܣܡܰܬ ܒܶܝܬ ܡܰܠܟܽܘܬܳܐ܀

ܐ̱ܚܪܺܢܳܐ ܩܳܠܳܐ ܒܩ̄: ܡܳܪܶܗ ܕܪܰܡܫܳܐ

ܙܺܝܘܳܟ ܕܡܽܘܫܶܐ. ܘܢܰܟܦܽܘܬܳܟ ܕܝܰܘܤܶܦ. ܘܰܒܚܶܟ̈ܡܳܬܳܟ. ܚܰܒܪܳܐ ܠܕܳܢܺܝܐܝܶܠ. ܠܳܟ ܕܶܝܢ ܛܽܘܒܰܝܟ. ܓܰܒܝܳܐ ܡܳܪܝ ܦܠܢ. ܕܪܶܒܽܘ ܫܽܘܦܪ̈ܶܐ. ܨܺܝܪ̈ܺܝܢ ܒܰܩܢܽܘܡܳܟ܀

ܫܽܘܒܚܳܐ: ܐܰܝܟ ܕܶܐܬܥܰܕܰܪ. ܡܽܘܫܶܐ ܡܶܢ ܓܰܪ̈ܡܶܐ. ܕܰܛܥܶܢ ܘܰܥܒܰܪ. ܒܝܰܡܳܐ ܕܠܳܐ ܪܰܛܒܳܐ. ܚܢܰܢ ܢܶܬܥܰܕܰܪ. ܡܶܢܳܟ ܡܳܪܝ ܦܠܢ. ܘܡܶܢ ܗܰܘ ܚܰܝܠܳܐ. ܕܰܫܪܶܐ ܒܗܰܕܳܡܰܝ̈ܟ܀