ܕܰܬܠܳܬܫܳܥܺܝ̈ܢ

ܩܳܠܳܐ ܒܩ̄: ܠܳܟ ܡܳܪܝܳܐ ܩܳܪܶܝܢܰܢ
ܟܰܗ̈ܢܶܐ ܘܰܡܫܰܡ̈ܫܳܢܶܐ ܕܫܰܡܫܽܘܟ ܡܳܪܰܢ

ܪܓܺܝܓ ܗ̱ܘܳܐ ܩܳܠܶܗ ܕܡܳܪܰܢ ܟܰܕ ܐܳܡܰܪ ܠܶܗ܆ ܠܫܶܡܥܽܘܢ ܪܺܝܫܳܐ ܕܰܫܠܺܝܚ̈ܶܐ ܡܶܛܽܠ ܟܳܗܢܽܘܬܳܐ܆ ܕܗܳܐ ܥܒܰܕܬܳܟ ܠܺܝ ܪܰܒܒܰܝܬܳܐ ܘܝܶܗܒܶܬ ܒܺܐܝܕܰܝ̈ܟ܆ ܩܠܺܝ̈ܕܶܐ ܕܪܰܘܡܳܐ ܘܰܕܥܽܘܡܩܳܐ ܘܐ̱ܪ̈ܳܙܶܐ ܫܡܰܝ̈ܳܢܶܐ܆ ܐܶܢ ܬܶܐܣܽܘܪ ܐܶܢܳܐ ܐܳܣܰܪ ܐ̱ܢܳܐ܆ ܘܶܐܢ ܬܶܫܪܶܐ ܐܶܢܳܐ ܫܳܪܶܐ ܐ̱ܢܳܐ܆ ܒܪܺܝܟܽ ܗ̱ܘ ܕܝܰܩܪܳܗ̇ ܠܟܳܗܢܽܘܬܳܐ ܒܰܫܡܰܝܳܐ ܘܒܰܐܪܥܳܐ܀

ܫܽܘܒܚܳܐ

ܡܳܐ ܦܐܶܐ ܠܳܗ̇ ܠܟܳܗܢܽܘܬܳܐ ܡܰܟܺܝܟܽܘܬܳܐ܆ ܘܕܰܟܝܽܘܬܳܐ ܘܩܰܕܺܝܫܽܘܬܳܐ ܘܝܽܘܠܦܳܢܳܐ ܓܡܺܝܪܳܐ܆ ܕܗܳܟܰܢܳܐ ܟܬܰܒ ܦܰܘܠܳܘܣ ܫܠܺܝܚܳܐ ܓܰܒܝܳܐ܆ ܠܛܺܝܡܳܬܶܐܘܳܣ ܬܰܠܡܺܝܕܶܗ ܘܛܺܝܛܽܘܣ ܚܰܒܺܝܒܶܗ܆ ܕܢܶܗܘܶܐ ܓܡܺܝܪ ܟܳܗܢܳܐ ܕܰܐܠܳܗܳܐ܆ ܘܰܡܫܰܡܠܰܝ ܒܰܥ̈ܒܳܕܶܐ ܛܳܒ̈ܶܐ܆ ܘܰܡܕܰܒܰܪ ܒܰܝܬܶܗ ܫܰܦܺܝܪ ܘܥܺܕܬܶܗ ܕܰܟܝܳܐܺܝܬ܀

ܒܳܥܽܘܬܳܐ ܕܡܳܪܝ ܐܰܦܪܶܝܡ
ܐܳܘ ܪܳܚܡܶܗ ܕܡܺܝܬܳܐ ܕܰܥܢܰܕ

ܡܳܪܰܢ ܐܶܬܪܰܚܰܡ ܥܠܰܝܢ ܐܰܠܳܗܳܐ ܚܰܣܳܐ ܠܟܳܗܢܰܝ̈ܟ܆

ܘܰܐܩܺܝܡ ܐܶܢܽܘܢ ܦܳܪܽܘܩܰܢ ܡܶܢ ܗܰܘ ܓܰܒܳܐ ܕܝܰܡܺܝܢܳܟ܀

ܥܰܡ ܐܰܗܪܽܘܢ ܟܳܗܢܳܐ ܙܰܗܝܳܐ܆ ܘܰܒܓܰܘ ܥܽܘܒܶܗ ܕܰܐܒܪܳܗܳܡ܆ ܢܶܬܒܰܣܡܽܘܢ ܟܽܠܗܽܘܢ ܐܰܚܰܝ̈ܢ܆ ܘܰܐܒܳܗܰܝ̈ܢ ܕܡܺܝܬܘ ܒܰܫܠܳܡܳܐ܆ ܘܰܦܛܰܪܘ ܡܶܢ ܚܰܝ̈ܶܐ ܕܙܰܒܢܳܐ܆ ܥܰܠ ܬܽܘܟܠܳܢܶܗ ܕܰܚܢܳܢܳܟ܆ ܘܰܒܥܺܕܬܳܐ ܗܳܝ ܕܒܰܫܡܰܝܳܐ܆ ܢܫܰܒܚܽܘܢ ܠܳܟ ܥܰܡ ܡܰܠܰܐܟ̈ܶܐ܀

ܫܽܘܒܚܳܐ ܠܳܟ ܡܳܪܳܐ ܛܳܒܳܐ܆ ܕܰܐܓܥܶܠܬ ܬܶܫܡܶܫܬܳܐ ܙܗܺܝܬܳܐ܆ ܠܟܳܗ̈ܢܶܐ ܘܝܰܗ̱ܒܬ ܠܗܽܘܢ ܫܽܘܠܛܳܢܳܐ܆ ܕܰܢܫܰܡܫܽܘܢܳܟ ܒܕܰܟܝܽܘܬܳܐ܆ ܬܶܫܒܽܘܚܬܳܐ ܡܰܣܩܺܝܢܰܢ ܠܳܟ܆ ܒܝܰܘܡܳܐ ܪܰܒܳܐ ܕܽܥ̱ܘܗܕܳܢܗܽܘܢ܆ ܘܠܰܐܒܽܘܟ ܡܒܰܪܟܳܐ ܘܰܠܪܽܘܚܳܟ܆ ܕܚܰܕ ܐܺܝܬܰܝܟ ܕܠܳܐ ܦܽܘܠܳܓܳܐ܀

ܡܳܪܰܢ ܐܶܬܪܰܚܰܡ ܥܠܰܝܢ ܐܰܠܳܗܳܐ ܚܰܣܳܐ ܠܟܳܗܢܰܝ̈ܟ܆

ܘܰܐܩܺܝܡ ܐܶܢܽܘܢ ܦܳܪܽܘܩܰܢ ܡܶܢ ܗܰܘ ܓܰܒܳܐ ܕܝܰܡܺܝܢܳܟ܀

ܫܠܶܡ ܛܶܟܣܳܐ ܕܚܰܕ ܒܫܰܒܳܐ ܕܟܳܗ̈ܢܶܐ