ܕܰܬܠܳܬܫܳܥܺܝ̈ܢ

ܩܳܠܳܐ ܒܩ̄: ܥܰܡ ܕܟܽܠܗܽܘܢ ܩܰܕܺܝܫܰܝ̈ܟ
ܡܽܘܫܶܐ ܒܣܰܢܝܳܐ ܡܰܬܠܶܟܝ̱ ܗ̱ܘܳܐ (ܣܳܠܶܩ ܒܶܐܢܳܐ ܐ̱ܢܳܐ ܢܽܘܗܪܳܐ ܫܰܪܺܝܪܳܐ)

ܝܰܘܡܳܢܳܐ ܬܗܰܪܘ ܥܶܠܳܝ̈ܶܐ܆ ܘܰܢܦܰܠ ܙܰܘܥܳܐ ܘܰܪܬܺܝܬܳܐ܆ ܒܬܶܓ̈ܡܶܐ ܟܽܠܗܽܘܢ ܕܰܣܪ̈ܳܦܶܐ܆ ܕܰܚܙܰܐܽܘܗ̱ܝ ܠܒܰܪ ܐܰܠܳܗܳܐ܆ ܕܰܥܡܰܕ ܡܶܢ ܐܺܝ̈ܕܰܝ ܥܰܒܕܶܗ܆ ܕܰܢܚܰܣܶܐ ܥܰܘܠܳܐ ܕܥܳܠܡܳܐ܀

ܫܽܘܒܚܳܐ

ܒܗܳܢܳܐ ܝܰܘܡܳܐ ܢܰܘܕܽܘܢ ܠܳܟ܆ ܝܰܠ̈ܕܰܘܗ̱ܝ ܕܳܐܕܳܡ ܥܰܦܪܳܢܳܐ܆ ܕܰܗܘܰܘ ܝܳܪ̈ܬܶܐ ܒܡܰܠܟܽܘܬܳܟ܆ ܕܒܰܥܡܳܕܳܟ ܐܰܠܳܗܳܝܳܐ܆ ܚܰܣܺܝܬ ܚܰܘ̈ܒܶܐ ܕܡܰܪܥܺܝܬܳܟ܆ ܘܗܳܐ ܙܳܡܪܳܐ ܠܳܟ ܬܶܫܒܽܘܚܬܳܐ܀

ܒܳܥܽܘܬܳܐ ܕܡܳܪܝ ܐܰܦܪܶܝܡ
ܟܺܐܦܳܐ ܕܰܚܙܳܐ ܕܳܢܺܝܐܶܝܠ

ܡܳܪܰܢ ܐܶܬܪܰܚܰܡ ܥܠܰܝܢ ܒܪܳܐ ܕܒܰܥܡܳܕܶܗ ܚܰܪܰܪ ܠܰܢ܆

ܡܫܺܝܚܳܐ ܕܒܰܥܡܳܕܶܗ ܦܰܪܩܰܢ ܚܰܣܳܐ ܠܰܢ ܘܰܠܥܰܢܺܝ̈ܕܰܝܢ܀

ܡܰܠܰܐܟ̈ܶܐ ܘܥܺܝܪ̈ܶܐ ܚܳܕܶܝܢ܆ ܒܝܰܠ̈ܕܶܐ ܕܪܽܘܚܳܐ ܘܰܕܡܰܝ̈ܳܐ܆ ܚܳܕܶܝܢ ܬܶܓ̈ܡܶܐ ܫܡܰܝܳܢ̈ܶܐ܆ ܕܥܰܦܪ̈ܳܢܶܐ ܗܘܰܘ ܪ̈ܽܘܚܳܢܶܐ܆ ܘܰܣܪ̈ܳܦܶܐ ܡܩܰܕܫܺܝܢ ܘܚܳܕܶܝܢ܆ ܕܰܡܩܰܕ̈ܫܳܢܶܐ ܣܽܘܓܳܐܐ ܗܘܰܘ܆ ܘܡܰܠܰܐܟ̈ܶܐ ܒܪܰܘܡܳܐ ܚܳܕܶܝܢ܆ ܒܚܰܕ ܚܰܛܳܝܳܐ ܡܳܐ ܕܬܳܐܶܒ܀

ܫܽܘܒܚܳܐ ܠܛܰܝܒܽܘܬܳܟ ܡܳܪܰܢ܆ ܟܡܳܐ ܐܰܪܟܶܢܬܳܟ ܨܶܝܕ ܫܰܦ̈ܠܶܐ܆ ܕܡܶܢ ܓܰܘ ܐܰܪܥܳܐ ܕܡܽܘܟܳܟܳܐ܆ ܬܰܝܬܶܐ ܐܶܢܽܘܢ ܠܪܽܘܡܪܳܡܳܐ܆ ܣܳܓܕܳܐ ܠܳܟ ܥܺܕܰܬ ܩܽܘܕܫܳܐ: ܒܦܽܘܡܳܐ ܕܝܰܠ̈ܕܶܝܗ̇ ܟܰܕ ܩܳܥܝܳܐ܀

ܡܳܪܰܢ ܐܶܬܪܰܚܰܡ ܥܠܰܝܢ ܒܪܳܐ ܕܒܰܥܡܳܕܶܗ ܚܰܪܰܪ ܠܰܢ܆

ܡܫܺܝܚܳܐ ܕܒܰܥܡܳܕܶܗ ܦܰܪܩܰܢ ܚܰܣܳܐ ܠܰܢ ܘܰܠܥܰܢܺܝ̈ܕܰܝܢ܀

ܫܠܶܡ ܛܶܟܣܳܐ ܕܥܺܐܕܳܐ ܕܕܶܢܚܳܐ