ܕܰܬܠܳܬܫܳܥܺܝ̈ܢ

ܩܳܠܳܐ ܒܩ̄: ܠܡܰܪܝܰܡ ܝܳܠܕܰܬ ܐܰܠܳܗܳܐ
ܫܽܘܒܚܳܐ ܠܳܟ ܕܰܒܦܽܘܩܕܳܢܳܟ ܐܰܡܠܶܟ

ܡܳܪܳܟ ܐܰܣܗܶܕ ܥܰܠ ܨܰܘܡܳܟ ܘܰܢܙܺܝܪܽܘܬܳܟ܆ ܗܳܢܳܐ ܗܘܳܐ ܐܳܕܫܳܐ ܚܰܠܝܳܐ ܕܰܛܥܳܡ̈ܳܬܳܟ܆ ܕܶܒܫܳܐ ܕܡܰܪܺܝܪ ܒܰܟܝܳܢܶܗ ܘܩܰܡ̈ܨܶܐ ܕܒܰܪܳܐ܆ ܘܣܰܥܪܳܐ ܕܓܰܡ̈ܠܶܐ ܬܰܟܣܺܝܬܳܟ ܒܪܺܝܟܽ ܗ̱ܘ ܕܰܓܒܳܟ܀

ܫܽܘܒܚܳܐ

ܛܽܘܒܰܝܟ ܓܰܒܝܳܐ ܝܽܘܚܰܢܳܢ ܟܳܪܽܘܙ ܩܽܘܫܬܳܐ܆ ܕܕܽܘܝܳܪܳܟ ܥܰܡ ܪ̈ܽܘܚܳܢܰܐ ܗ̱ܘ ܒܶܝܬ ܡܰܠܟܽܘܬܳܐ܆ ܕܰܒܟܽܠ ܡܽܘ̈ܫܚܳܢ ܕܰܓ̈ܒܰܝܳܐ ܣܺܝܡܳܐ ܦܶܨܬܳܟ܆ ܘܕܽܘܟܪܳܢܳܟ ܗܳܐ ܡܶܬܢܰܨܰܚ ܒܰܐܪܒܰܥ ܦܶܢ̈ܝܳܢ܀

ܒܳܥܽܘܬܳܐ ܕܡܳܪܝ ܐܰܦܪܶܝܡ
ܫܽܘܒܚܳܐ ܠܳܟ ܒܽܘܟܪܶܗ ܕܰܐܒܳܐ

ܡܳܪܰܢ ܐܶܬܪܰܚܰܡ ܥܠܰܝܢ ܒܰܨܠܽܘܬܶܗ ܕܟܳܪܽܘܙ ܩܽܘܫܬܳܐ܆

ܒܰܨܠܽܘܬܶܗ ܘܰܒܒܳܥܽܘܬܶܗ ܚܰܣܳܐ ܠܰܢ ܘܰܠܥܰܢܺܝ̈ܕܰܝܢ܀

ܝܽܘܚܰܢܳܢ ܫܠܺܝܚܳܐ ܓܰܒܝܳܐ܆ ܒܓܰܘ ܚܽܘܪܒܳܐ ܫܠܳܡܳܐ ܐܰܟܪܶܙ܆ ܘܰܠܡܳܪܶܗ ܒܝܽܘܪܕܢܳܢ ܐܰܥܡܶܕ܆ ܘܰܫܪܳܪܳܐ ܒܓܶܠܝܳܐ ܐܰܟܪܶܙ܀

ܫܽܘܒܚܳܐ ܠܰܡܫܺܝܚܳܐ ܕܰܓܒܳܟ܆ ܘܰܨܒܳܐ ܕܡܶܢܳܟ ܢܶܥܡܰܕ ܗ̱ܘܳܐ܆ ܘܰܠܪܽܘܚ ܩܽܘܕܫܳܐ ܕܗܽܘ ܓܰܡܪܳܟ܆ ܒܫܽܘ̈ܟܳܢܶܐ ܐܰܠܳܗܳܝ̈ܶܐ܀

ܡܳܪܰܢ ܐܶܬܪܰܚܰܡ ܥܠܰܝܢ ܒܰܨܠܽܘܬܶܗ ܕܟܳܪܽܘܙ ܩܽܘܫܬܳܐ܆

ܒܰܨܠܽܘܬܶܗ ܘܰܒܒܳܥܽܘܬܶܗ ܚܰܣܳܐ ܠܰܢ ܘܰܠܥܰܢܺܝ̈ܕܰܝܢ܀

ܫܠܶܡ ܛܶܟܣܳܐ ܕܰܦܣܳܩ ܪܺܝܫܶܗ ܕܝܽܘܚܰܢܳܢ