ܘܕܽܘܟܪܳܢܳܐ ܕܡܳܪܝ ܒܰܣܶܝܠܺܝܳܘܣ ܘܡܳܪܝ ܓܪܺܝܓܳܘܪܺܝܳܘܣ

ܕܰܬܠܳܬܫܳܥܺܝ̈ܢ

ܩܳܠܳܐ ܒܩ̄: ܠܥܶܠ ܡܶܢ ܫܽܘܦܪ̈ܶܐ
ܫܽܘܒܚܳܐ ܠܳܟ ܕܰܒܦܽܘܩܕܳܢܳܟ. ܐܰܡܠܶܟ ܡܰܘܬܳܐ
(ܣܳܠܶܩ܆ ܒܡܰܪܝܰܡ ܝܳܠܕܰܬ ܐܰܠܳܗܳܐ)

ܒܗܳܢܳܐ ܝܰܘܡܳܐ ܕܕܽܘܟܪܳܢܟܽܘܢ ܩܰܕܺܝ̈ܫܶܐ܆ ܚܳܕܝܳܐ ܥܺܕܬܳܐ ܩܰܕܺܝܫܬܳܐ ܘܙܳܡܪܳܐ ܫܽܘܒܚܳܐ܆ ܠܰܡܫܺܝܚܳܐ ܕܰܥܒܰܕܟܽܘܢ ܒܳܗ̇ ܢܰܗܺܝܪ̈ܶܐ܆ ܘܰܒܝܽܘܠܦܳܢܟܽܘܢ ܐܶܬܚܰܪܪܰܬ ܡܶܢ ܛܳܥܝܽܘܬܳܐ܀

ܫܽܘܒܚܳܐ

ܒܪܺܝܟ ܡܳܪܟܽܘܢ ܕܰܐܘܪܶܒ ܝܰܘܡܳܐ ܕܕܽܘܟܪܳܢܟܽܘܢ܆ ܐܳܘ ܡܰܠ̈ܦܳܢܶܐ ܬܪ̈ܺܝܨܰܝ ܫܽܘܒܚܳܐ܆ ܒܥܰܘ ܪ̈ܰܚܡܶܐ ܡܶܢ ܗܰܘ ܚܰܝܠܳܐ ܕܰܫܪܶܐ ܒܟܽܘܢ܆ ܕܒܰܨ̈ܠܰܘܳܬܟܽܘܢ ܢܶܫܬܰܘܙܰܒ ܡܶܢ ܢܶܟ̈ܝܳܢܳܐ܀

ܒܳܥܽܘܬܳܐ ܕܡܳܪܝ ܐܰܦܪܶܝܡ
ܫܽܘܒܚܳܐ ܠܳܟ ܒܽܘܟܪܶܗ ܕܰܐܒܳܐ

ܡܳܪܰܢ ܐܶܬܪܰܚܰܡ ܥܠܰܝܢ ܒܰܨܠܽܘܬܗܽܘܢ ܕܡܰܠ̈ܦܰܝ ܩܽܘܫܬܳܐ܆

ܒܰܨܠܽܘܬܗܽܘܢ ܘܰܒܒܳܥܽܘܬܗܽܘܢ ܚܰܣܳܐ ܠܰܢ ܘܰܠܥܰܢܺܝ̈ܕܰܝܢ܀

ܒܪܺܝܟ ܫܶܡܫܳܐ ܕܙܰܕܺܝܩܽܘܬܳܐ܆ ܕܒܶܗ ܐܶܬܢܰܗܰܪܘ ܫܰܪܺܝܪ̈ܶܐ܆ ܘܰܠܚܶܫܽܘܟܳܐ ܕܛܳܥܝܽܘܬܳܐ܆ ܒܨܶܡ̈ܚܶܐ ܕܝܽܘܠܦܳܢܗܽܘܢ ܛܰܠܶܩܘ܆ ܩܰܕܺܝܫܳܐ ܒܰܣܶܝܠܺܝܳܘܣ܆ ܘܢܰܨܺܝܚܳܐ ܓܪܺܝܓܳܘܪܺܝܳܘܣ܆ ܘܰܫܪܳܪܳܐ ܒܓܶܠܝܳܐ ܐܰܟܪܶܙܘ: ܘܚܳܒܰܬ ܡܶܢܗܽܘܢ ܣܶܡܳܠܳܐ܀

ܒܪܺܝܟ ܣܳܦܪܳܐ ܕܫܰܪܺܝܪ̈ܳܬܳܐ܆ ܕܰܓܒܳܐ ܠܶܗ ܫܠܺܝ̈ܚܶܐ ܕܩܽܘܫܬܳܐ܆ ܘܒܰܫܪܳܪܶܗ ܚܰܟܶܡ ܐܶܢܽܘܢ܆ ܘܰܒܩܽܘܫܬܶܗ ܙܰܝܶܢ ܐܶܢܽܘܢ܆ ܘܰܐܝܟ ܐܰܬܠܺܝ̈ܛܶܐ ܢܰܨܺܝ̈ܚܶܐ܆ ܣܕܰܪܘ ܓܰܒܳܐ ܠܽܘܩܒܰܠ ܛܽܘܥܝܰܝ܀

ܡܳܪܰܢ ܐܶܬܪܰܚܰܡ ܥܠܰܝܢ ܒܰܨܠܽܘܬܗܽܘܢ ܕܡܰܠ̈ܦܰܝ ܩܽܘܫܬܳܐ܆

ܒܰܨܠܽܘܬܗܽܘܢ ܘܰܒܒܳܥܽܘܬܗܽܘܢ ܚܰܣܳܐ ܠܰܢ ܘܰܠܥܰܢܺܝ̈ܕܰܝܢ܀

ܫܠܶܡ ܛܶܟܣܳܐ ܕܡܳܪܝ ܒܰܣܶܝܠܺܝܳܘܣ ܘܡܳܪܝ ܓܪܺܝܓܳܘܪܺܝܳܘܣ