ܕܰܬܠܳܬܫܳܥܺܝ̈ܢ

ܩܳܠܳܐ ܒܩ̄: ܣܳܗܕܰܘ̈ܗ̱ܝ ܐܰܢ̱ܬܽܘܢ
ܛܽܘܒ ܠܰܢ̈ܒܺܝܶܐ ܘܛܽܘܒ ܠܰܫܠܺܝ̈ܚܶܐ

ܒܪܺܝܟܽ ܗ̱ܘ ܡܫܺܝܚܳܐ. ܕܰܢܚܶܬ ܘܰܥܡܰܕ ܒܝܽܘܪܕܢܳܢ ܢܰܗܪܳܐ܆ ܘܰܠܡܰܝ̈ܳܐ ܩܰܕܶܫ܆ ܘܒܳܬܰܪ ܕܰܥܡܰܕ܆ ܠܥܺܕܬܳܐ ܐܶܡܰܪ ܕܬܳܝ ܐܶܬܶܠ ܠܶܟܝ܆ ܠܰܚܡܳܐ ܫܡܰܝܳܢܳܐ܆ ܕܒܶܗ ܬܶܬܒܰܣܡܺܝܢ܆ ܘܢܶܗܘܶܐ ܡܶܐܟܽܘܠܬܳܐ ܕܚܰܝ̈ܶܐ܆ ܐܳܦ ܪܰܗܒܽܘܢܳܐ ܕܢܽܘܚܳܡܳܐ܀

ܫܽܘܒܚܳܐ

ܒܪܽܘܚܳܐ ܕܓܳܡܰܪ܆ ܠܟܽܠ ܩܰܕܺܝ̈ܫܶܐ ܠܡܰܝ̈ܳܐ ܡܒܰܪܶܟ܆ ܘܰܠܦܰܓܪܳܐ ܡܩܰܕܶܫ܆ ܘܰܒܝܰܕ ܩܨܳܝܳܐ܆ ܕܦܰܓܪܶܗ ܘܰܕܡܶܗ ܒܪܽܘܚܳܐ ܕܩܽܘܕܫܳܐ܆ ܓܳܡܰܪ ܘܰܡܫܰܡܠܶܐ܆ ܗܳܐ ܟܽܠ ܥܰܡ̱̈ܡܺܝܢ܆ ܥܳܡܕܺܝܢ ܒܰܫܡܶܗ ܩܰܕܺܝܫܳܐ܆ ܘܡܶܬܛܰܒܥܺܝܢ ܒܪܽܘܫܡܶܗ ܚܰܝܳܐ܀

ܒܳܥܽܘܬܳܐ ܕܡܳܪܝ ܐܰܦܪܶܝܡ
ܡܫܺܝܚܳܐ ܕܰܐܣܗܶܕܘ ܥܰܠ ܩܶܛܠܶܗ

ܡܳܪܰܢ ܐܶܬܪܰܚܰܡ ܥܠܰܝܢ ܒܪܳܐ ܕܒܰܥܡܳܕܶܗ ܚܰܪܰܪ ܠܰܢ܆

ܡܫܺܝܚܳܐ ܕܒܰܥܡܳܕܶܗ ܦܰܪܩܰܢ ܚܰܣܳܐ ܠܰܢ ܘܰܠܥܰܢܺܝ̈ܕܰܝܢ܀

ܡܰܥܡܽܘܕܺܝܬܳܐ ܕܰܡܫܺܝܚܳܐ܆ ܒܢܰܝ̈ܳܐ ܘܰܐܚ̈ܶܐ ܥܶܒܕܰܬ ܠܰܢ܆ ܐܳܦ ܝܳܪ̈ܽܘܬܶܐ ܕܡܰܠܟܽܘܬܳܐ. ܘܰܓܢܽܘܢ ܢܽܘܗܪܳܐ ܐܰܘܪܬܰܬ ܠܰܢ܆ ܘܚܰܝ̈ܶܐ ܚܰܕ̱̈ܬܶܐ ܝܶܗܒܰܬ ܠܰܢ܆ ܘܒܰܣܦܰܪ ܚܰܝ̈ܶܐ ܟܶܬܒܰܬ ܠܰܢ܀

ܫܽܘܒܚܳܐ ܠܳܟ ܝܶܫܽܘܥ ܡܰܠܟܰܢ܆ ܕܶܐܣܛܰܠ ܫܽܘܒܚܳܐ ܐܰܠܒܶܫܬ ܠܰܢ܆ ܡܶܢ ܡܰܝ̈ܳܐ ܕܡܰܥܡܽܘܕܺܝܬܳܐ܆ ܘܰܐܚ̈ܶܐ ܕܺܝܠܳܟ ܥܒܰܕܬܳܢ ܠܰܢ܆ ܫܽܘܒܚܳܐ ܠܳܟ ܘܠܰܐܒܳܐ ܕܫܰܠܚܳܟ܆ ܒܪܺܝܟ ܐܺܝܩܳܪܳܟ ܡܶܢ ܐܰܬܪܳܟ܀

ܡܳܪܰܢ ܐܶܬܪܰܚܰܡ ܥܠܰܝܢ ܒܪܳܐ ܕܒܰܥܡܳܕܶܗ ܚܰܪܰܪ ܠܰܢ܆

ܡܫܺܝܚܳܐ ܕܒܰܥܡܳܕܶܗ ܦܰܪܩܰܢ ܚܰܣܳܐ ܠܰܢ ܘܰܠܥܰܢܺܝ̈ܕܰܝܢ܀

ܫܠܶܡ ܛܶܟܣܳܐ ܕܚܰܕ ܒܫܰܒܳܐ ܕܰܬܠܳܬܳܐ ܕܒܳܬܰܪ ܕܶܢܚܳܐ