ܣܳܠܶܩ: ܒܡܰܠܰܐܟܳܐ ܫܰܪܺܝܪܳܐ ܐܰܘ ܐܶܢܳܐ ܐ̱ܢܳܐ ܢܽܘܗܪܳܐ ܫܰܪܺܝܪܳܐ܀

ܩܕܡܝܐ

ܩܰܒܶܠܳܝܗ̱ܝ ܡܳܪܝ: ܠܦܺܝܪܡܳܐ ܗܳܢܳܐ ܡܶܢ ܐܺܝ̈ܕܰܝܢ: ܐܰܝܟ ܦܺܝܪܡܶܗ ܕܰܐܗܪܽܘܢ܆ ܕܰܟܠܳܐ ܡܰܘܬܳܐ ܡܶܢ ܥܰܡܳܐ܀

ܬܪܝܢܐ

ܒܬܽܘܠܬܳܐ ܡܰܪܝܰܡ. ܪܳܡ ܫܰܪܒܶܟܝ ܡܶܢ ܡ̈ܰܠܳܠܶܐ. ܕܰܗܘܰܝܬܝ ܠܶܗ ܐܶܡܳܐ. ܠܡܳܪܳܐ ܕܟܽܠܗܶܝܢ ܒܶܪ̈ܝܳܬܳܐ܀

ܬܠܝܬܝܐ

ܒܟܽܠ̈ܥܶܕܳܢܺܝܢ. ܕܟܺܝܪܺܝܢ ܢܒܺܝ̈ܶܐ ܘܰܫܠܺܝ̈ܚܶܐ. ܥܰܡ ܣܳܗ̈ܕܶܐ ܒܪ̈ܺܝܟܶܐ. ܨܠܽܘܬܗܽܘܢ ܫܽܘܪܳܐ ܬܶܗܘܶܐ ܠܰܢ܀

ܪܒܝܥܝܐ

ܐܳܡܪܺܝܢ ܣܳܗ̈ܕܶܐ. ܡܳܐ ܕܥܳܐܠܺܝܢ ܩܕܳܡ ܕܰܝ̈ܳܢܶܐ. ܫܽܘܒܚܳܐ ܠܳܟ ܡܳܪܰܢ܆ ܕܠܳܐ ܒܳܗܬܺܝܢ ܕܰܡܣܰܒܪܺܝܢ ܒܳܟ܀

ܚܡܝܫܝܐ

ܬܽܘܒܽܘܢ ܬܽܘܒܽܘܢ܆ ܚܰܛܳܝ̈ܶܐ ܐܶܡܰܪ ܡܳܪܰܢ. ܕܡܳܐ ܕܕܳܢܰܚ ܚܰܬܢܳܐ܆ ܥܰܡܶܗ ܬܶܥܠܽܘܢ ܠܰܓܢܽܘܢܳܐ܀

ܫܬܝܬܝܐ

ܒܝܰܘܡܳܐ ܕܒܳܗܬܺܝܢ܆ ܚܰܛܳܝ̈ܶܐ ܒܓܰܘ ܒܶܝܬ ܕܺܝܢܳܐ. ܚܽܘܢ ܠܰܢ ܒܛܰܝܒܽܘܬܳܟ܆ ܝܶܫܽܘܥ ܡܰܠܟܰܢ ܙܰܟܳܝܳܐ܀

ܫܒܝܥܝܐ

ܡܶܢ ܝܰܡܺܝܢܳܟ܆ ܐܰܩܺܝܡ ܡܳܪܰܢ ܒܡܶܐܬܺܝܬܳܟ. ܠܟܽܠܗܽܘܢ ܥܰܢܺܝ̈ܕܶܐ܆ ܕܰܐܘܕܺܝܘ ܒܰܬܠܺܝܬܳܝܽܘܬܳܐ܀

ܬܡܝܢܝܐ

ܝܰܠ̈ܕܰܘܗ̱ܝ ܕܳܐܕܳܡ: ܠܳܟ ܡܳܪܝ ܡܰܣܩܺܝܢ ܬܶܫܒܽܘܚܬܳܐ. ܕܰܐܢ̱ܬܽ ܗ̱ܘ ܡܢܰܚܡܳܢܳܐ. ܕܦܰܓܪ̈ܰܝܗܽܘܢ ܡܶܢ ܕܰܚܺܝܚܳܐ܀