ܣܳܠܶܩ: ܒܰܫܠܳܡܶܗ ܕܰܐܒܳܐ ܐܰܘ ܐܶܢܳܐ ܐ̱ܢܳܐ ܢܽܘܗܪܳܐ ܫܰܪܺܝܪܳܐ

ܐ: ܒ: ܕܝܳܠܕܰܬ ܐܰܠܳܗܳܐ

ܒܰܨܠܽܘܬܳܗ̇ ܕܡܰܪܝܰܡ ܐܶܡܳܟ ܐܰ‌ܠܳܗܳܐ ܕܰܗܘܳܐ ܐ̱ܢܳܫܳܐ. ܐܰܫܪܳܐ ܫܰܝܢܳܟ ܒܰܒܪܺܝܬܳܐ܆ ܘܫܰܝܶܢ ܥܺܕܬܳܐ ܥܰܡ ܝܰܠ̈ܕܶܝܗ̇܆ ܘܰܛܪܽܘܕ ܡܶܢܳܗ̇ ܣܶܕ̈ܩܶܐ ܘܚܶܪ̈ܝܳܢܶܐ: ܕܬܶܥܒܶܕ ܥܺܐܕܳܐ ܕܶܐܡܳܐ ܕܺܝܠܶܕܬܳܟ܀

ܓ: ܕ: ܕܣܳܗ̈ܕܶܐ

ܛܽܘܒܰܝ̈ܟܽܘܢ ܣܳܗ̈ܕܶܐ ܒܪ̈ܺܝܟܶܐ. ܕܰܗܘܰܝܬܽܘܢ ܝܽܘ̈ܩܢܶܐ ܛܳܒ̈ܶܐ. ܗܳܐ ܢܳܨܚܺܝܢ ܕܽܘܟܪ̈ܳܢܰܝܟܽܘܢ܆ ܒܰܐܪ̈ܒܰܥܦܶܢܝܳܢ ܕܰܒܪܺܝܬܳܐ܆ ܐܰܦܺܝܣܘ ܚܠܳܦܰܝܢ ܒܳܥܶܝܢܰܢ. ܠܰܡܟܰܠܠܳܢܟܽܘܢ: ܕܢܶܥܒܶܕ ܥܠܰܝܢ ܪ̈ܰܚܡܶܐ܀

ܗ: ܘ: ܕܰܬܝܳܒܽܘܬܳܐ

ܒܰܣܺܝܡ ܢܺܝܪܶܗ ܕܰܐ‌ܠܳܗܳܐ. ܘܩܰܠܺܝܠܽ ܗ̱ܘ ܥܰܠ ܢܳܣܽܘܒܶܗ. ܘܚܰܒܺܝܒܺܝܢ ܥܰܡ̈ܠܶܐ ܕܩܽܘܫܬܳܐ܆ ܠܪ̈ܳܚܡܰܝ ܦܽܘܩܕܳܢ ܒܳܪܽܘܝܗܽܘܢ܆ ܛܽܘܒܰܘܗ̱ܝ ܠܰܐܝܢܳܐ ܕܶܐܬܬܰܓܰܪ: ܘܰܐܝܟ ܟܰܫܺܝܪܳܐ ܝܳܪܶܬ ܡܰܠܟܽܘܬܳܐ܀

ܙ: ܚ: ܕܥܰܢܺܝ̈ܕܶܐ

ܢܶܗܘܶܐ ܠܥܰܢܺܝ̈ܕܶܐ ܕܽܘܟܪܳܢܳܐ܆ ܘܰܠ̈ܚܰܝܶܐ ܣܰܒܪܳܐ ܛܳܒܳܐ. ܘܠܰܐܠܳܗܳܐ ܐܰܒܳܐ ܕܪ̈ܰܚܡܶܐ܆ ܢܶܬܶܠ ܫܽܘܒܚܳܐ ܘܺܐܝܩܳܪܳܐ܆ ܕܗܽܘܝܽܘ ܒܰܠܚܽܘܕ ܐܰ‌ܠܳܗܳܐ: ܣܰܒܪܳܐ ܕܡܺܝ̈ܬܶܐ ܘܝܳܗܽܘܒܳܐ ܕܚܰܝ̈ܶܐ܀