ܐܰܢ̱ܬ ܕܠܰܒܬܽܘܠܬܳܐ ܡܰܪܝܰܡ - H

ܐܰܢ̱ܬ ܕܠܰܒܬܽܘܠܬܳܐ ܡܰܪܝܰܡ܆ ܕܺܝܠܶܕܬܳܟ ܒܰܒܬܽܘܠܽܘܬܳܗ̇. ܢܰܨܰܚܬ ܘܰܐܘܪܶܒܬ. ܒܰܐܪܒܰܥ ܦܶܢ̈ܝܳܢ ܕܰܒܪܺܝܬܳܐ. ܐܰ‌ܠܳܗܳܐ ܐܶܬܪܰܚܰܡܥܠܰܝܢ܀

ܡܫܺܝܚܳܐ ܐܶܬܺܝܠܶܕ - H

ܡܫܺܝܚܳܐ ܐܶܬܺܝܠܶܕ: ܒܓܰܘ ܒܶܝܬܠܚܶܡ܆ ܘܡܶܢ ܡܰܕܢܚܳܐ ܡܓܽܘ̈ܫܶܐ ܐܶܬܰܘ ܠܺܐܝܩܳܪܶܗ. ܡܫܰܐܠܺܝܢ ܗ̱ܘܰܘ ܘܳܐܡܪܺܝܢ. ܕܰܐܝܟܳܐ ܐܶܬܺܝܠܶܕ܆ ܡܰܠܟܳܐ ܕܠܰܫܠܳܡܶܗ ܐܶܬܰܝܢ܆ ܕܢܶܒܪܽܘܟ ܘܢܶܣܓܽܘܕ ܠܶܗ܀

ܗܳܢܰܘ ܒܰܫܪܳܪܳܐ - H

ܗܳܢܰܘ ܒܰܫܪܳܪܳܐ܆ ܐܶܡܪܶܗ ܚܰܝܳܐ ܕܰܐ‌ܠܳܗܳܐ. ܗܰܘ ܫܳܩܶܠ ܚܛܺܝܬܶܗ ܕܥܳܠܡܳܐ. ܕܶܐܬܳܐ ܠܰܐܪܥܳܐ ܒܨܶܒܝܳܢܶܗ: ܕܢܶܦܪܽܘܩ ܠܰܓܒܺܝܠܬܳܐ ܕܺܐܝ̈ܕܰܘܗ̱ܝ. ܓܶܢܣܶܗ ܕܳܐܕܳܡ ܥܰܦܪܳܢܳܐ. ܡܶܢ ܐܺܝ̈ܕܰܝ ܒܺܝܫܳܐ ܘܡܰܘܬܳܐ: ܘܢܰܡܠܟܺܝܘܗ̱ܝ ܥܰܡܶܗ ܒܫܽܘܒܚܳܐ. ܕܡܰܠܟܽܘܬܶܗ ܠܥܳܠܰܡ ܥܳܠܡܺܝܢ܀

ܫܠܳܡܠܶܟܝ̱ ܡܰܠܝܰܬ ܛܰܝܒܽܘܬܳܐ - H

ܫܠܳܡܠܶܟܝ̱ ܡܰܠܝܰܬ ܛܰܝܒܽܘܬܳܐ. ܐܳܡܰܪ ܗ̱ܘܳܐ ܠܳܗ̇ ܥܺܝܪܳܐ ܠܰܒܬܽܘܠܬܳܐ܆ ܕܡܳܪܝ ܥܰܡܶܟܝ ܘܡܶܢܶܟܝ ܕܳܢܰܚ: ܗܰܘ ܦܳܪܽܘܩܳܐ ܕܟܽܠܗܶܝܢ ܒܶܪ̈ܝܳܬܳܐ܀

ܗܰܘ ܕܥܽܘܗܕܳܢܳܐ - H

ܗܰܘ ܕܥܽܘܗܕܳܢܳܐ ܕܶܐܡܳܐ ܕܺܝܠܶܕܬܳܟ. ܒܰܒܬܽܘܠܽܘܬܳܗ̇ ܕܠܳܐ ܛܽܘܠܫܳܐ. ܡܰܘܪܶܒ ܐܰܢ̱ܬ ܘܰܡܝܰܩܰܪ ܐܰܢ̱ܬ. ܠܘܳܬܳܟ ܩܰܕܡܶܬ ܪܰܚܶܡܥܠܰܝ܀

ܢܚܶܬ ܡܰܠܰܐܟܳܐ ܡܶܢ ܪܰܘܡܳܐ - H

ܙܟܰܪܝܳܐ ܢܒܺܝܳܐ ܩܥܳܐ ܠܨܶܗܝܽܘܢ܆ ܕܗܳܐ ܡܰܠܟܶܟܝ ܐܳܬܶܐ ܘܰܪܟܺܝܒ ܥܰܠ ܥܺܝܠܳܐ. ܫܺܐܝܠܳܐ ܡܫܰܠܚܳܐ ܕܰܐܬܳܢܳܐ. ܘܩܳܥܶܝܢ ܝܰܠܽܘ̈ܕܶܐ ܩܽܘܕܡܰܘܗ̱ܝ܆ ܐܽܘܫܰܥܢܳܐ ܠܰܒܪܶܗ ܕܕܰܘܺܝܕ. ܒܪܺܝܟ ܕܶܐܬܳܐ ܒܰܫܡܶܗ ܕܡܳܪܝܳܐ܀

ܒܢܰܝ̈ܳܐ ܕܰܐܒܳܐ ܫܡܰܝܳܢܳܐ - H

ܒܢܰܝ̈ܳܐ ܕܰܐܒܳܐ ܫܡܰܝܳܢܳܐ. ܐܰܝܠܶܝܢ ܕܨܶܒܝܳܢܶܗ ܕܡܳܪܝܳܐ ܥܳܒܕܺܝܢ. ܫܰܒܰܚܽܘܢܳܝܗ̱ܝ ܘܰܐܘܕܰܘ ܠܶܗ. ܪܰܡܪܡܽܘܗ̱ܝ ܘܒܰܪܟܽܘܗ̱ܝ ܠܥܳܠܰܡ ܥܳܠܡܺܝܢ܀

ܠܗܰܘ ܕܰܛܥܺܝܢܳܐ ܡܰܪܟܰܒܬܳܐ - H

ܠܗܰܘ ܕܰܛܥܺܝܢܳܐ ܡܰܪܟܰܒܬܳܐ܆ ܒܰܡܪ̈ܰܘܡܶܐ ܥܰܡ ܝܳܠܽܘܕܶܗ. ܥܺܝܪ̈ܶܐ ܘܐ̱ܢܳܫ̈ܳܐ ܗܳܐ ܡܫܰܒܚܺܝܢ. ܕܩܳܡ ܡܶܢ ܩܰܒܪܳܐ ܒܬܶܫܒܽܘܚܬܳܐ ܗ̄ܘܗ̄܀

ܠܗܳܝ ܒܰܪܬ ܩܳܠܳܐ - H

ܠܗܳܝ ܒܰܪܬ ܩܳܠܳܐ ܫܒܺܝܚܬܳܐ. ܕܶܐܡܪܰܬ ܠܓܰܒܪܳܐ ܒܫܽܘܠܛܳܢܳܐ ܪܰܒܳܐ. ܕܨܳܒܶܐ ܐ̱ܢܳܐ ܒܳܟ ܐܶܬܕܰܟܳܐ. ܘܒܳܗ̇ ܒܫܳܥܬܳܐ ܐܶܬܕܰܟܝ: ܘܰܙܡܰܪ ܬܶܫܒܽܘܚܬܳܐ܀