ܚܛܺܝܬ ܠܳܟ - H

ܚܛܺܝܬ ܠܳܟ ܚܳܐܶܢ ܠܚܰܛܳܝ̈ܶܐ܆ ܩܰܒܶܠ ܒܳܥܽܘܬܝ ܘܰܫܒܽܘܩ ܠܺܝ ܣܰܟܠܽܘܬܝ. ܡܳܪܝܳܐ ܡܳܪܶܐ ܟܽܠ ܪܰܚܶܡܥܠܰܝ܀

ܟܽܠܗܶܝܢ ܢܒܺܝܰܘ̈ܳܬܳܐ - H

ܟܽܠܗܶܝܢ ܢܒܺܝܰܘ̈ܳܬܳܐ ܫܩܰܠ̈ܝ ܫܽܘܠܳܡܳܐ. ܝܰܘܡܳܢܳܐ ܒܶܪ̈ܝܳܬܳܐ ܗܳܐ ܡܫܰܒ̈ܚܳܢ. ܕܶܐܬܢܰܚܰܡ ܡܫܺܝܚܳܐ. ܬܰܘ ܢܶܒܪܽܘܟ ܘܢܶܣܓܽܘܕ ܠܶܗ܀

ܢܽܘܗܪܳܐ ܕܡܶܢ ܢܽܘܗܪܳܐ - H

ܢܽܘܗܪܳܐ ܕܡܶܢ ܢܽܘܗܪܳܐ. ܝܰܠܕܶܗ ܕܰܐܒܳܐ ܡܬܽܘܡܳܝܳܐ. ܕܰܨܡܰܚ ܒܥܳܠܡܰܢ ܚܶܫܽܘܟܳܐ. ܘܰܒܙܰܠܺܝ̈ܩܰܘܗ̱ܝ ܐܰܢܗܰܪ ܠܰܢ. ܬܰܘ ܟܽܠ ܥܰܡ̱̈ܡܺܝܢ܆ ܢܶܒܪܽܘܟ ܘܢܶܣܓܽܘܕ ܠܶܗ܀

ܡܰܠܰܐܟܳܐ ܕܢܽܘܗܪܳܐ ܘܕܰܪܘܳܙܳܐ - H

ܡܰܠܰܐܟܳܐ ܕܢܽܘܗܪܳܐ ܘܕܰܪܘܳܙܳܐ. ܥܰܓܶܠ ܗ̱ܘܳܐ ܟܺܐܦܳܐ ܡܶܢ ܩܰܒܪܳܐ. ܘܰܠ̈ܢܶܫܶܐ ܣܰܒܰܪ ܚܰܕܽܘܬܳܐ. ܕܩܳܡ ܠܶܗ ܓܶܝܪ ܡܶܢ ܩܰܒܪܳܐ: ܗܰܘ ܠܳܐ ܡܳܝܽܘܬܳܐ܀

ܒܪܳܐ ܕܰܫܪܳܐ ܒܡܰܪܒܥܳܐ - H

ܒܪܳܐ ܕܰܫܪܳܐ ܒܡܰܪܒܥܳܐ ܒܬܽܘܠܳܐ. ܘܶܐܬܺܝܠܶܕ ܘܠܳܐ ܫܪܳܐ ܒܬܽܘ̈ܠܶܐ. ܘܰܢܦܰܩ ܡܶܢ ܩܰܒܪܳܐ ܚܬܺܝܡܳܐ. ܘܠܳܐ ܫܪܳܐ ܛܰܒ̈ܥܶܐ ܘܰܚ̈ܬܳܡܶܐ. ܡܒܰܪܰܟ ܐܰܢ̱ܬ ܡܳܪܝܳܐ ܐܰ‌ܠܳܗܳܐ܀

ܩܰܕܺܝܫܳܐ ܕܰܐܫܪܺܝ ܫܟܺܝܢܬܶܗ - H

ܩܰܕܺܝܫܳܐ ܕܰܐܫܪܺܝ ܫܟܺܝܢܬܶܗ܆ ܒܓܰܘ ܩܰܒܪܳܐ ܒܠܶܒܳܗ̇ ܕܰܐܪܥܳܐ. ܐܰܫܪܳܐ ܫܟܺܝܢܬܳܟ ܥܰܠ ܥܰܒܕܰܝ̈ܟ܆ ܘܢܶܬܩܰܕܫܽܘܢ܀

ܚܽܘܣܳܝܳܐ ܗܘܺܝ ܠܺܝ - H

ܚܽܘܣܳܝܳܐ ܗܘܺܝ ܠܺܝ܆ ܒܗܳܢܳܐ ܥܺܐܕܳܐ ܕܰܩܝܳܡܬܳܟ ܡܫܺܝܚܳܐ ܐܰ‌ܠܳܗܳܐ. ܘܥܰܡ ܢܶܫ̈ܶܐ ܕܰܚܙܰܝ̈: ܠܰܩܝܳܡܬܳܟ ܚܰܠܶܛܰܝܢܝ ܘܪܰܚܶܡܥܠܰܝ܀

ܣܳܓܶܕ ܠܳܟ ܡܳܪܝܳܐ - H

ܣܳܓܶܕ ܠܳܟ ܡܳܪܝܳܐ ܢܽܘܗܪܳܐ. ܡܫܰܒܚܺܝܢ ܠܳܟ ܟܶܢ̈ܫܶܐ ܫܡܰܝ̈ܳܢܶܐ. ܘܣܳܓܕܳܐ ܠܳܟ ܟܽܠܳܗ̇ ܒܪܺܝܬܳܐ. ܒܨܰܦܪܳܐ ܕܒܶܗ ܕܳܢܰܚ ܢܽܘܗܪܳܟ܀

ܥܰܡ ܟܶܢ̈ܫܶܐ ܫܡܰܝ̈ܳܢܶܐ - H

ܥܰܡ ܟܶܢ̈ܫܶܐ ܫܡܰܝ̈ܳܢܶܐ܆ ܕܰܕܠܳܐ ܫܰܠܘܳܐ ܫܽܘܒܚܳܐ ܡܰܣܩܺܝܢ ܠܳܟ. ܐܰܫܘܳܐ ܠܰܢ ܕܢܶܙܡܰܪ ܠܳܟ ܫܽܘܒܚܳܐ: ܒܗܳܢܳܐ ܝܰܘܡܳܐ ܕܰܩܝܳܡܬܳܟ. ܥܰܡ̱̈ܡܶܐ ܫܰܒܚܽܘܗ̱ܝ: ܘܪܰܡܪܡܽܘܗ̱ܝ ܠܥܳܠܰܡ ܥܳܠܡܺܝܢ܀

ܣܳܓܕܺܝܢܰܢ ܠܰܨܠܺܝܒܳܐ - H

ܣܳܓܕܺܝܢܰܢ ܠܰܨܠܺܝܒܳܐ܆ ܕܒܶܗ ܗܘܳܐ ܦܽܘܪܩܳܢܳܐ ܠܢܰܦ̈ܫܳܬܰܢ. ܘܥܰܡ ܓܰܝܳܣܳܐ ܐܳܡܪܺܝܢܰܢ. ܡܫܺܝܚܳܐ ܐܶܬܕܰܟܪܰܝܢ ܡܳܐ ܕܳܐܬܶܐ ܐܰܢ̱ܬ܀