ܩܝܢܬܐ ܘ

ܦܬܓܡܐ:

ܦܓܰܥܘ ܒܶܗ ܓܰܪ̈ܒܶܐ ܘܶܐܬܕܰܟܺܝܘ. ܘܰܣ̈ܡܰܝܳܐ ܘܰܚܙܰܘ ܢܽܘܗܪܳܐ ܗ̄܀

ܦܬܓܡܐ ܐܚܪܢܐ:

ܣܰܓܺܝ̈ܐܳܢ ܐܶܢܶܝܢ ܕܰܥܒܰܕܬ ܡܳܪܝܳܐ ܐܰܠܳܗܰܢ: ܬܶܕܳܡܪ̈ܳܬܳܟ ܘܡܰܚܫ̈ܒܳܬܳܟ ܥܠܰܝܢ ܘܠܰܝܬ ܐܰܟܘܳܬܳܟ ܗ̄܀

ܬܒܪܬ‌ܐ:

ܡܫܺܝܚܳܐ ܕܶܐܬܳܐ ܘܗܰܠܶܟ ܒܰܐܪܥܳܐ ܡܕܰܒܪܳܢܳܐܺܝܬ: ܘܰܐܣܺܝ ܟܪ̈ܺܝܗܶܐ ܘܕܰܟܺܝ ܓܰܪ̈ܒܶܐ ܘܰܐܚܺܝ ܡܺܝ̈ܬܶܐ܀

ܡܫܺܝܚܳܐ ܕܶܐܬܳܐ ܘܰܐܣܺܝ ܘܰܐܚܠܶܡ ܠܰܡܡܰܚܰܝ̈ܳܐ: ܐܰܣܳܐ ܟܺܐܒܰܝ̈ܢ ܘܰܥܨܽܘܒ ܫܽܘܚ̈ܢܰܝܢ ܘܪܰܚܶܡܥܠܰܝܢ܀

ܒܬܪ ܐܘܢܓܠܝܘܢ ܒܩ̄: ܛܽܘܒܰܝܟܝ ܥܺܕܬܳܐ - H

ܛܺܝܡܰܝ ܣܰܡܝܳܐ: ܓܥܳܐ ܒܚܰܫܳܐ ܠܘܳܬ ܐܳܣܝܳܐ ܕܟܽܠ. ܐܳܘ ܫܶܡܫܳܐ ܕܙܰܕܺܝܩܽܘܬܳܐ. ܩܰܪܡܰܢܝ ܚܶܫܟܳܐ ܕܣܰܡܝܽܘܬܳܐ. ܐܰܕܢܰܚ ܒܺܝ ܢܗܽܘܪ ܛܰܝܒܽܘܬܳܟ: ܘܫܰܡܠܺܝܗ̇ ܠܰܓܒܺܝܠܬܳܐ ܕܺܐܝܕܰܝ̈ܟ. ܕܰܕܠܳܐ ܚܛܳܗܳܐ ܚܰܣܺܝܪܳܐ ܗܝ: ܐܶܠܳܐ ܕܰܫܡܳܟ ܢܶܫܬܰܒܰܚ. ܬܪܽܘܨ ܙܰܠܓܰܝ̈ܟ ܠܚܶܫܟܳܐ ܕܣܰܡܝܽܘܬܝ. ܢܽܘܗܪܳܐ ܘܚܰܝ̈ܶܐ ܕܒܶܪ̈ܝܳܬܳܐ܀

ܠܘܛܢܝܐ ܒܩ̄: ܠܬܶܫܒܽܘܚܬܳܐ ܕܡܳܪܝܳܐ - H

ܒܚܰܫܳܐ ܓܥܳܐ ܣܰܡܝܳܐ ܒܰܪ ܛܺܝܡܰܝ: ܠܝܶܫܽܘܥ ܢܶܒܥܳܐ ܕܛܳܒ̈ܳܬܳܐ. ܡܳܪܝ ܒܰܪ ܕܰܘܺܝܕ ܪܰܚܶܡܥܠܰܝ: ܘܫܰܟܶܢ ܢܽܘܗܪܳܐ ܠܒܳܒ̈ܳܬܳܐ܀

ܦܰܐܝܳܐ ܗܝ ܟܰܝ ܕܶܐܗܘܶܐ ܒܥܰܡܛܳܢܳܐ: ܘܰܐܢ̱ܬ ܗܽܘ ܢܽܘܗܪܳܐ ܫܰܪܺܝܪܳܐ. ܡܰܘܕܶܐ ܐ̱ܢܳܐ ܕܺܐܝܬܰܝܟ ܚܰܢܳܢܳܐ: ܘܰܒܫܽܘ̈ܟܳܢܶܐ ܥܰܬܺܝܪܳܐ܀

ܡܶܢ ܕܶܐܬܝܰܠܕܶܬ ܒܳܒ̈ܳܬܳܐ ܠܰܝܬ: ܓܠܺܝܙ ܡܶܢ ܢܽܘܗܪܳܐ ܒܰܣܺܝܡܳܐ. ܬܰܩܶܢ ܟܰܘ̈ܶܐ ܠܒܰܝܬܳܐ ܕܰܒܢܰܝܬ: ܐܳܘ ܐܰܪܕܺܟܠܳܐ ܚܰܟܺܝܡܳܐ܀

ܒܰܪ ܛܳܒܳܐ ܕܰܒܝܰܕ ܬܽܘܩܳܢܳܐ: ܦܰܬܰܚ ܥܰܝ̈ܢܶܐ ܕܰܣ̈ܡܰܝܳܐ. ܦܩܽܘܕ ܒܪ̈ܰܚܡܰܝܟ ܚܰܝ̈ܶܐ ܘܦܽܘܪܩܳܢܳܐ: ܠܰܪ̈ܫܺܝܡܰܝ ܒܰܫܡܳܟ ܚܰܝܳܐ܀

ܚܘܬܡܐ ܒܩ̄: ܐܳܘ ܬܰܓܳܪ̈ܶܐ - H

ܓܥܳܐ ܒܰܪ ܛܺܝܡܰܝ: ܠܘܳܬ ܐܳܣܝܳܐ ܕܟܽܠ ܟܺܐܒܺܝ̈ܢ. ܡܳܪܝ ܒܰܪ ܕܰܘܺܝܕ ܚܰܘܳܐ ܒܺܝ ܛܰܝܒܽܘܬܳܟ: ܗܰܘ ܓܰܪܒܳܐ ܒܪܶܡܙܳܟ ܐܶܬܕܰܟܺܝ. ܘܰܡܫܰܪܝܳܐ ܒܡܶܠܬܳܟ ܐܶܬܰܐܣܺܝ. ܘܡܶܢܝ ܐܰܥܒܰܪ ܠܣܰܡܝܽܘܬܳܐ ܕܰܒܢܽܘܗܪܳܟ ܐܶܬܒܰܣܰܡ܀

ܚܘܬܡܐ ܐܚܪܢܐ ܒܩ̄: ܠܡܰܪܝܰܡ ܝܳܠܕܰܬ ܐܰܠܳܗܳܐ - H

ܗܰܘ ܕܝܰܗܒ ܗܘܳܐ ܢܽܘܗܪܳܐ ܠܣܰܡܝܳܐ ܘܫܶܡܥܳܐ ܠܕܽܘܓܳܐ ܘܰܦܫܰܛ ܠܶܫܳܢܶܗ ܕܦܺܐܩܳܐ. ܘܠܰܡܫܰܪܝܳܐ ܐܰܚܠܶܡ. ܗܽܘ ܢܶܪܽܘܣ ܛܰܠܳܐ ܕܪ̈ܰܚܡܶܐ ܥܰܠ ܓܰܪ̈ܡܰܝܗܽܘܢ. ܕܟܽܠܗܽܘܢ ܥܰܢܺܝ̈ܕܶܐ ܡܗܰܝ̈ܡܢܶܐ ܕܰܫܟܶܒܘ ܥܰܠ ܣܰܒܪܶܗ܀