ܚܕ ܒܫܒܐ ܬܡܝܢܝܐ ܕܩܝܡܬܐ
ܩܝܢܬܐ ܚ
ܦܬܓܡܐ:
ܢܶܚܕܽܘܢ ܫܡܰܝܳܐ ܘܰܬܕܽܘܨ ܐܰܪܥܳܐ ܒܰܩܝܳܡܬܶܗ ܕܡܰܠܟܳܐ ܡܫܺܝܚܳܐ ܗ̄܀
ܒܪܳܐ ܕܒܰܩܝܳܡܬܶܗ ܦܰܪܩܳܗ̇ ܠܥܺܕܬܶܗ ܡܶܢ ܛܳܥܝܽܘܬܳܐ: ܗܰܒ ܒܳܗ̇ ܫܰܝܢܳܐ ܘܢܰܛܰܪ ܝܰܠ̈ܕܶܝܗ̇ ܒܰܩܝܳܡܬܳܟ ܡܳܪܝ܀
ܫܰܝܢܳܐ ܕܫܰܝܶܢ ܠܰܫ̈ܡܰܝܳܢܶܐ ܘܠܰܐܪ̈ܥܳܢܳܝܶܐ: ܫܰܝܶܢ ܠܥܺܕܬܳܟ ܘܢܰܛܰܪ ܝܰܠ̈ܕܶܝܗ̇ ܒܰܩܝܳܡܬܳܟ ܡܳܪܝ܀
ܒܬܪ ܐܘܢܓܠܝܘܢ ܒܩ̄: ܩܽܘܩܳܝܳܐ - H
ܪܰܒ ܗܽܘ ܝܰܘܡܶܗ ܕܚܰܕ ܒܫܰܒܳܐ: ܡܶܢ ܟܽܠ ܝܰܘܡܺܝ̈ܢ. ܕܒܶܗ ܐܶܫܬܰܟܰܢ̈ܝ̱ ܛܳܒ̈ܳܬܳܐ ܠܒܶܪ̈ܝܳܬܳܐ ܟܽܠܗܶܝܢ. ܒܶܗ ܐܶܨܛܰܒܰܬ: ܬܪܽܘܢܽܘܣ ܕܰܐܠܳܗܳܐ. ܘܒܶܗ ܐܶܬܝܰܗܒܰܬ ܪܽܘܚܳܐ ܠܰܫܠܺܝ̣̈ܚܶܐ: ܘܒܶܗ ܗܘܳܐ ܢܽܘܚܳܡܳܐ ܠܡܺܝ̈ܬܶܐ: ܐܳܦ ܣܰܒܪܳܐ ܠܚܰܝ̈ܶܐ. ܕܒܶܗ ܩܳܡ ܡܳܪܰܢ ܡܶܢ ܩܰܒܪܳܐ: ܘܰܦܪܰܩ ܒܶܪ̈ܝܳܬܶܗ ܗ̄ܘܗ̄܀
ܠܘܛܢܝܐ ܒܩ̄: ܠܬܶܫܒܽܘܚܬܳܐ ܕܡܳܪܝܳܐ - H
ܒܫܰܦܪܳܐ ܗܰܘ ܕܢܳܓܰܗ ܚܰܕ ܒܫܰܒܳܐ: ܐܶܣܬܚܶܦ ܓܰܝܣܳܐ ܕܥܰܡܛܳܢܳܐ. ܕܩܳܡ ܒܰܪ ܚܰܝܳܐ ܒܫܽܘܒܚܳܐ ܪܰܒܳܐ: ܘܰܐܦܪܶܓܘ ܢܺܝ̈ܫܶܐ ܕܦܽܘܪܩܳܢܳܐ܀
ܛܳܣ ܢܽܘܪ̈ܳܢܶܐ ܘܰܢܚܶܬܘ ܒܚܺܐܦܳܐ: ܘܰܛܪܰܦܘ ܓܶܦ̈ܶܐ ܥܰܠ ܩܰܒܪܳܐ. ܘܰܩܪܶܒ ܥܺܝܪܳܐ ܘܥܰܓܶܠ ܠܟܺܐܦܳܐ: ܘܗܳܐ ܐܰܨܡܰܚ ܢܽܘܗܪܳܐ ܕܣܰܒܪܳܐ܀
ܠܡܽܘܢ ܒܳܥܝ̈ܳܬܶܝܢ ܐܳܘ ܢܰܟ̈ܦܳܬܳܐ: ܠܚܰܝܳܐ ܒܰܝܢܳܬ ܥܰܢܺܝ̈ܕܶܐ. ܗܳܐ ܠܰܝܬܰܘܗܝ ܬܢܳܢ ܩܳܡ ܒܙܳܟܽܘܬܳܐ: ܙܶܠܝ̱̈ ܣܰܒܰܪ̈ܶܝܢ ܠܬܰܠܡܺܝ̈ܕܶܐ܀
ܫܽܘܒܚܳܐ ܠܪܳܡܳܐ ܕܶܐܬܳܐ ܠܘܳܬܰܢ: ܘܰܗܘܳܐ ܐܢܳܫܳܐ ܡܶܢ ܒܬܽܘܠܬܳܐ. ܘܕܰܨܒܳܐ ܘܡܺܝܬ ܘܩܳܡ ܡܶܛܽܠܳܬܰܢ: ܘܰܐܩܺܝܡܰܢ ܡܶܢ ܡܰܦܽܘܠܬܳܐ܀
ܚܘܬܡܐ ܒܩ̄: ܐܳܐܰܪ ܕܢܽܘܚܳܡܳܐ - H
ܝܰܘܡܳܢ ܒܰܪ ܚܰܝܳܐ ܢܚܶܬ ܠܰܫܝܽܘܠ. ܘܕܳܫ ܥܽܘܩܣܶܗ ܕܡܰܘܬܳܐ ܒܓܰܘ ܥܽܘܡܪܶܗ: ܘܶܐܬܢܰܚܰܡ ܒܫܽܘܒܚܳܐ ܘܰܐܩܺܝܡ ܠܰܢ: ܒܪܺܝܟ ܗܽܘ ܕܒܰܩܝܳܡܬܶܗ ܚܰܪܰܪ ܟܽܠ܀