ܩܝܢܬܐ ܐ

ܦܬܓܡܐ:

ܐܶܬܕܟܰܪ ܠܥܺܕܬܐ ܗܳܝ ܕܰܩܢܰܝܬ: ܘܰܦܪܰܩܬܳܗ̇ ܒܫܰܒܛܳܐ ܕܝܳܪܬܽܘܬܳܟ ܗ̄܀

ܬܒܪܬ‌ܐ:

ܐܰܘܕܳܝ ܥܺܕܬܳܐ ܒܰܙܡܝܺܪ̈ܳܬܶܟܝ ܫܰܦܺܝܪ̈ܳܬܳܐ: ܘܩܰܪܶܒ ܠܰܒܪܳܐ ܕܳܫ̈ܢܶܐ ܕܫܽܘ̣ܒܚܳܐ ܒܝܽܘܡ ܩܽܘܕܳܫܶܟܝ܀

ܐܰܝܢܳܐ ܕܡܰܩܪܶܒ ܥܰܡܶܟܝ ܥܺܕܬܳܐ ܣܽܘܣܝܶܗ ܢܶܦܶܠ: ܘܰܒܗܰܘ ܓܶܐܪܳܐ ܕܡܳܬܚܳܐ ܩܶܫܬܶܗ ܒܣܶܛܪܶܗ ܢܶܒܠܰܥ܀

ܒܬܪ ܐܘܢܓܠܝܘܢ ܒܩ̄: ܛܽܘܒܰܝܟܝ ܥܺܕܬܳܐ - H

ܛܽܘܒܰܝܟܝ ܥܺܕܬܳܐ ܟܰܠܰܬ ܡܰܠܟܳܐ ܫܡܰܝܳܢܳܐ. ܕܥܰܠ ܫܽܘܥܳܐ ܕܫܶܡܥܽܘܢ ܣܺܝܡܰܬܝ: ܘܫܽܘܪܶܟܝ ܪܳܡܳܐ ܠܳܐ ܡܶܬܬܙܺܝܥ: ܕܒܰܢ̈ܒܺܝܶܐ ܣܺܝܡܺܝܢ ܐܶܣܰܝ̈ܟܝ. ܘܒܰܫܠܺܝ̈ܚܶܐ ܡܰܬܩܢܺܝܢ ܕܽܘܡܣܰܝ̈ܟܝ. ܘܰܨܠܺܝܒܳܐ ܢܺܝܫ ܙܳܟܽܘܬܳܐ: ܕܰܩܒܰܥ ܒܶܟܝ ܚܰܬܢܳܐ ܕܪܰܘܡܳܐ: ܗܽܘܝܽܘ ܙܰܝܢܶܟܝ ܚܰܣܺܝܢܳܐ. ܕܣܳܚܶܦ ܠܟܽܠ ܕܡܰܩܪܶܒ ܥܰܡܶܟܝ܀

ܒܬܪ ܐܘܢܓܠܝܘܢ ܒܩ̄: ܒܰܥܪܽܘܒܬܳܐ ܒܪܺܝܫܺܝܬ - H

ܩܪܳܐ ܠܶܗ ܐܰܠܳܗܳܐ: ܠܡܽܘܫܶܐ ܡܶܢ ܣܰܢܝܳܐ: ܘܗܳܟܰܢ ܐܶܡܰܪ ܠܶܗ. ܗܺܘܝ ܠܺܝ ܪܰܒܒܰܝܬܳܐ: ܥܰܠ ܡܰܫܟܰܢܙܰܒܢܳܐ: ܘܥܰܠ ܟܽܠ ܡܳܐ ܕܺܐܝܬ ܒܶܗ: ܗ̄ܘܗ̄ ܘܫܰܡܶܫ ܟܳܗܢܽܘܬܳܐ܀

ܩܪܺܝ ܠܟܳܗ̈ܢܶܐ ܕܥܳܐܠܺܝܢ: ܠܓܰܘ ܒܶܝܬ ܩܕܽܘܫܩܽܘܕܫܺܝ̈ܢ: ܘܗܳܟܰܢ ܐܶܡܰܪ ܠܗܽܘܢ. ܐܰܫܺܝܓܘ ܐܺܝ̈ܕܰܝܟܘܢ: ܘܕܰܟܰܘ ܠܶܒܰܝ̈ܟܽܘܢ: ܠܡܰܕܒܚܳܐ ܥܳܐܠܺܝܬܽܘܢ: ܗ̄ܘܗ̄ ܘܢܽܘܪܳܐ ܡܫܰܡܫܺܝܬܽܘܢ܀

ܠܘܛܢܝܐ ܒܩ̄: ܕܰܚܛܳܐ ܠܐ ܢܶܚܛܶܐ - H

ܥܰܠ ܬܰܪ̈ܥܰܝܟܝ ܥܺܕܬܳܐ. ܢܳܛܽܘܪ̈ܶܐ ܩܳܝܡܺܝܢ: ܒܠܺܠܝܳܐ ܘܒܺܐܝܡܳܡܳܐ ܡܶܢ ܒܺܝܫܳܐ ܢܳܛܪܺܝܢ. ܫܶܡܥܽܘܢ ܫܶܬܶܐܣܬܳܐ ܘܦܰܘܠܳܘܣ ܐܰܪܕܺܝܟܠܳܐ. ܘܝܽܘܚܰܢܳܢ ܕܰܥܒܺܝܕ ܫܰܘܫܒܺܝܢܳܐ ܘܪܳܚܡܳܐ ܗ̄ܘܗ̄ ܘܕܰܘܺܝܕ ܟܶܢܳܪܳܐ ܕܪܽܘܚܳܐ ܩܰܕܺܝܫܳܐ܀

ܥܰܠ ܫܶܡܥܽܘܢ ܟܺܐܦܳܐ: ܡܳܪܰܢ ܥܺܕܬܶܗ ܒܢܳܐ. ܘܥܰܠ ܫܰܒܥܝܺܢ ܘܰܬܪܶܝܢ ܥܰܡܽܘܕܺܝ̈ܢ ܐܰܬܩܢܳܗ̇. ܡܶܢ ܛܽܘܪ̈ܰܝ ܩܰܪܕܽܘ ܪܳܡܳܐ ܘܰܡܥܰܠܝܳܐ. ܐܰܪܕܺܝܟܠܳܐ ܕܰܒܢܳܐ ܒܰܡܪ̈ܰܘܡܶܐ ܡܰܥܡܪܶܗ ܗ̄ܘܗ̄ ܒܪܺܝܟ ܕܰܒܢܳܐ ܠܥܺܕܬܶܗ ܘܰܐܬܩܶܢ ܒܳܗ̇ ܡܰܕܒܚܳܐ܀

ܠܘܛܢܝܐ ܒܩ̄: ܠܬܶܫܒܽܘܚܬܳܐ ܕܡܳܪܝܳܐ - H

ܛܽܘܒܰܝܟܝ ܥܺܕܬܳܐ ܕܰܒܢܶܐ ܕܽܘܡܣܶܟܝ: ܥܰܠ ܫܽܘܥܳܐ ܕܫܶܡܥܽܘܢ ܟܺܐܦܳܐ: ܘܥܽܘܫܢܶܟܝ ܪܰܒܳܐ ܐܳܦ ܒܶܝܬ ܓܰܘܣܶܟܝ. ܟܶܢܦܰܐ ܗ̱ܘ ܪܳܡܳܐ ܕܰܙܩܺܝܦܳܐ܀

ܡܽܘܟ̈ܠܶܐ ܕܰܫܝܽܘܠ ܠܳܐ ܚܳܣܢܺܝܢ ܠܶܟܝ: ܕܒܰܫܡܶܗ ܕܰܡܫܺܝܚܳܐ ܚܬܺܝܡܰܬܝ. ܘܢܶܟ̈ܠܶܐ ܒܺܝ̈ܫܶܐ ܠܳܐ ܩܳܪܒܺܝܢ ܠܶܟܝ: ܕܒܰܕܡܶܗ ܙܰܟܳܝܳܐ ܪܫܺܝܡܰܬܝ܀

ܗܰܝܡܳܢܽܘܬܶܗ ܬܪܺܝܨܬܳܐ ܕܦܶܛܪܳܘܣ: ܘܚܽܘܒܳܐ ܕܝܽܘܚܰܢܳܢ ܙܥܽܘܪܳܐ. ܘܝܽܘܠ̈ܦܳܢܶܐ ܫܰܪܺܝܪ̈ܶܐ ܕܦܰܘܠܳܘܣ: ܚܕܺܝܪܺܝܢ ܠܶܟܝ ܒܰܕܡܽܘܬ ܫܽܘܪܳܐ܀

ܫܽܘܒܚܳܐ ܠܳܟ ܟܽܘܡܪܳܐ ܕܰܫܪܳܪܳܐ: ܕܰܒܕܶܒܚܳܟ ܡܟܰܪܬܳܗ̇ ܠܥܺܕܬܳܐ. ܬܰܘܕܺܝ ܠܳܟ ܕܝܰܗܒܬ ܠܳܗ̇ ܚܽܘܪܳܪܳܐ: ܘܦܰܓܪܳܟ ܘܰܕܡܳܟ ܦܶܪܢܺܝܬܳܐ܀

ܚܘܬܡܐ ܒܩ̄: ܒܬܽܘܠܬܳܐ ܒܰܪܬ ܕܰܘܺܝܕ - H

ܕܽܘܨܝ ܟܰܠܰܬ ܡܰܠܟܳܐ: ܒܗܳܢܳܐ ܝܰܘܡܳܐ ܕܩܽܘܕܳܫܶܟܝ: ܕܚܰܬܢܳܐ ܕܡܶܢ ܪܰܘܡܳܐ: ܥܰܠ ܦܰܣܰܬ ܐܺܝ̈ܕܰܘܗ̱ܝ ܣܳܡܶܟܝ. ܣܕܰܪ ܒܶܟܝ ܦܳܬܽܘܪܳܐ: ܕܐ̱ܪܳܙ ܦܰܓܪܶܗ ܘܰܕܡܶܗ: ܠܪܰܗܒܽܘܢܳܐ ܕܚܰܝ̈ܶܐ ܚܰܕ̈ܬܶܐ܀

ܚܘܬܡܐ ܐܚܪܢܐ ܒܩ̄: ܠܳܟ ܡܳܪܝܳܐ ܩܳܪܶܝܢܰܢ - H

ܟܰܕ ܒܳܢܶܐ ܗ̱ܘܳܐ ܡܽܘܫܶܐ ܡܰܫܟܰܢ ܙܰܒܢܳܐ. ܟܽܠ ܐ̱ܢܳܫ ܐܰܝܬܺܝ ܪܽܘܡܝܳܢܳܐ ܡܶܕܶܡ ܕܺܐܝܬ ܗܘܳܐ ܠܶܗ. ܥܰܬܺܝܪ̈ܶܐ ܐܰܪܡܺܝܘ ܕܰܗܒܳܐ. ܐ̱ܚܪ̈ܳܢܶܐ ܣܺܐܡܳܐ. ܘܰܐܚܪ̈ܳܢܶܐ ܒܽܘܨܳܐ ܥܙܺܝܠܳܐ ܡܶܕܶܡ ܕܺܐܝܬ ܗܘܳܐ ܠܗܽܘܢ. ܐܰܪܡܰܠܬܳܐ ܐܰܪܡܝܰܬ ܫܳܡܽܘܢܳܐ. ܘܰܒܗܳܠܶܝܢ ܥܺܕܬܳܐ ܪܫܺܝܡܳܐ ܗܘܳܬ. ܒܪܺܝܟ ܕܰܒܢܳܐ ܠܥܺܕܰܬ ܩܽܘܕܫܳܐ ܒܰܫܡܰܝܳܐ ܘܒܰܐܪܥܳܐ܀