ܨܠܽܘܬܳܐ ܕܨܰܦܪܳܐ

ܡܰܘܕܶܐ ܐ̱ܢܳܐ ܠܳܟ ܐܰܒܳܐ ܐܰܚܺܝܕ ܟܽܠ܆ ܗܰܘ ܢܽܘܗܪܳܐ ܡܬܽܘܡܳܝܳܐ ܘܰܕܠܳܐ ܫܽܘܪܳܝ ܕܰܢܛܰܪܬܳܢܝ̱ ܒܠܺܠܝܳܐ ܗܳܢܳܐ ܡܶܢ ܟܽܠ ܓܶܕ̈ܫܶܐ ܙܰܒ̈ܢܳܝܶܐ ܘܰܐܩܺܝܡܬܳܢܝ̱ ܗܳܫܳܐ ܩܕܳܡܰܝܟ ܐܰܝܟ ܕܰܒܚܰܝ̈ܶܐ ܚܰܕ̱̈ܬܶܐ ܘܰܡܬܽܘ̈ܡܳܝܶܐ. ܘܠܳܟ ܡܩܰܪܶܒ ܐ̱ܢܳܐ ܟܽܠ ܙܰܘ̈ܥܶܐ ܘܡ̈ܶܠܶܐ ܕܢܳܒܗܺܝܢ ܒܺܝ ܝܰܘܡܳܢܳܐ. ܟܰܕ ܒܳܥܶܐ ܐ̱ܢܳܐ ܛܰܝܒܽܘܬܳܐ ܕܒܰܣܺܝܡܽܘܬܳܟ ܒܝܰܕ ܚܰܫܰܘ̈ܗ̱ܝ ܕܝܶܫܽܘܥ ܡܫܺܝܚܳܐ ܦܳܪܽܘܩܝ̱ ܐܰܝܟܰܢܳܐ ܕܒܳܗ̇ ܐܶܬܡܨܶܐ ܠܰܡܫܰܡܠܳܝܽܘ ܨܶܒܝܳܢܳܟ. ܘܶܐܫܰܠܶܡ ܠܺܐܝܡܳܡܳܐ ܗܳܢܳܐ ܒܢܳܛܽܘܪܽܘܬ ܦܽܘ̈ܩܕܳܢܶܐ ܕܡܳܪܽܘܬܳܟ ܘܰܐܣܶܩ ܠܳܟ ܫܽܘܒܚܳܐ ܘܬܰܘܕܺܝܬܳܐ ܗܳܫܳܐ ܘܰܒܟܽܠܙܒܰܢ ܠܥܳܠܡܺܝܢ܀

ܚܽܘܬܳܡܳܐ

ܐܰܒܳܐ ܡܪܰܚܡܳܢܳܐ ܗܰܘ ܕܰܒܪܶܚܡܰܬ ܐ̱ܢܳܫܽܘܬܳܟ ܠܳܐ ܡܶܬܡܰܠܠܳܢܺܝܬܳܐ ܠܺܝܚܺܝܕܳܝܳܐ ܒܪܳܐ ܕܺܝܠܳܟ ܡܶܛܽܠ ܓܶܢܣܰܢ ܫܰܕܰܪܬ. ܐܰܝܟܰܢܳܐ ܕܢܶܗܘܶܐ ܕܶܒܚܳܐ ܡܪܰܥܝܳܢܳܐ ܘܢܰܪܥܶܝܟ ܥܰܡܰܢ ܘܰܒ̈ܢܰܝܳܐ ܕܡܰܠܟܽܘܬܳܟ ܢܶܥܒܶܕ ܠܰܢ. ܐܶܬܦܰܢ ܗܳܟܺܝܠ ܥܰܠ ܫܰܦܠܽܘܬܝ̱ ܒܥܶܕܳܢܳܐ ܗܳܢܳܐ ܒܝܰܕ ܕܶܒܚܳܐ ܬܰܘܕܺܝܬܳܢܳܝܳܐ ܕܚܰܒܺܝܒܳܟ܆ ܗܰܘ ܕܰܚܠܳܦ ܚܽܘܣܳܝܶܗ ܕܥܳܠܡܳܐ ܓܰܘܳܢܳܐܺܝܬ ܡܶܢ ܟܳܗ̈ܢܶܐ ܫܰܪܺܝܪ̈ܶܐ ܕܥܺܕܬܳܟ ܡܶܬܩܰܪܰܒ ܠܳܟ ܘܶܐܬܪܰܥܳܐ ܒܶܗ ܠܚܰܝܳܒܽܘܬܝ̱. ܘܚܰܣܳܢܝ̱ ܘܕܰܟܳܢܝ̱ ܡܶܢ ܟܽܠܗܶܝܢ ܟܽܘ̈ܬܡܳܬܝ̱. ܘܰܐܫܘܳܢܝ̱ ܠܫܰܘܬܳܦܽܘܬܳܐ ܕܒܶܗ ܐܰܝܟܰܢܳܐ ܕܟܰܕ ܠܚܽܘܝܳܕܳܐ ܓܡܺܝܪܳܐ ܕܒܶܗ ܡܶܫܬܘܶܐ ܐ̱ܢܳܐ. ܐܳܦ ܒܰܪ ܝܳܪܬܽܘܬܶܗ ܕܠܳܐ ܟܶܠܝܳܢ ܗܳܘܶܐ ܐ̱ܢܳܐ ܘܠܳܟ ܒܪܳܐ ܫܰܪܺܝܪܳܐ ܕܛܰܝܒܽܘܬܳܐ ܡܶܫܬܰܡܠܶܐ ܐ̱ܢܳܐ. ܠܳܟ ܫܽܘܒܚܳܐ ܡܶܢ ܟܽܠ ܥܰܡ ܒܪܳܟ ܘܪܽܘܚܳܟ ܩܰܕܺܝܫܳܐ ܗܳܫܳܐ ܘܰܒܟܽܠܙܒܰܢ܀