ܕܰܬܠܳܬܫܳܥܺܝ̈ܢ

ܩܳܠܳܐ ܒܩ̄: ܠܰܬܚܽܘܡܳܐ ܕܗܰܝܡܳܢܽܘܬܳܐ
ܐ̱ܪ̈ܳܙܶܐ ܘܛܽܘܦ̈ܣܶܐ ܘܦ̈ܶܠܳܐܬܳܐ

ܒܪܺܝܟܽ ܗ̱ܘ ܚܰܬܢܳܐ ܫܡܰܝܳܢܳܐ܆ ܕܰܢܚܶܬ ܘܰܡܟܰܪ ܠܶܗ ܥܺܕܬܳܐ܆ ܘܰܒܟܽܠ ܨܶܒܬܺܝ̈ܢ ܪ̈ܺܝܫܳܝܶܐ ܨܰܒܬܳܗ̇܆ ܘܡܰܠ̈ܟܶܝܗ̇ ܕܰܐܪܥܳܐ ܘܪ̈ܺܝܫܳܢܶܝܗ̇܆ ܗܳܐ ܣܳܓܕܺܝܢ ܠܟܽܘܒܫܳܐ ܕܪ̈ܶܓܠܶܝܗ̇܆ ܘܰܡܩܰܪܒܺܝܢ ܒܳܗ̇ ܕܳܫ̈ܢܶܐ ܘܩܽܘܪ̈ܒܳܢܶܐ܆ ܠܰܡܫܺܝܚܳܐ ܕܶܐܬܳܐ ܘܦܰܪܩܳܗ̇܆ ܡܶܢ ܛܳܥܝܽܘܬܳܐ ܕܰܦܬܰܟܪ̈ܶܐ ܘܰܐܠܦܳܗ̇ ܕܬܶܣܓܽܘܕ܆ ܩܕܳܡ ܨܠܺܝܒܳܐ ܚܰܝܳܐ܆ ܘܒܶܗ ܗ̱ܽܘ ܡܶܬܢܰܛܪܺܝܢ ܝܰܠ̈ܕܶܝܗ̇܆ ܡܶܢ ܒܺܝܫܳܐ ܘܚܰܝ̈ܠܰܘܳܬܶܗ܆ ܗ̄ ܘܡܶܢ ܟܽܠ ܢܶܟܝܳܢܺܝ̈ܢ܀

ܫܽܘܒܚܳܐ

ܫܽܘܒܚܳܐ ܠܰܐܒܳܐ ܕܰܒܚܽܘܒܶܗ܆ ܡܟܰܪ ܥܺܕܬܳܐ ܠܺܝܚܺܝܕܳܝܶܗ܆ ܘܒܰܕܡܳܐ ܕܰܒܪܶܗ ܚܰܣܺܝ ܠܳܗ̇ ܚܰܘ̈ܒܶܝܗ̇܆ ܛܰܪܕܳܗ̇ ܠܨܶܗܝܽܘܢ ܨܳܠܽܘܒܬܳܐ܆ ܗܳܝ ܙܳܢܺܝܬܳܐ ܘܓܰܝܳܪܬܳܐ܆ ܘܰܓܒܳܐ ܠܥܺܕܬܳܐ ܕܰܡܟܰܬܡܳܐ ܒܛܽܘܥܝܰܝ܆ ܒܰܨܠܺܝܒܽܘܬܶܗ ܐܶܬܡܰܟܪܰܬ܆ ܒܡܶܫܚܳܐ ܕܡܽܘܪܽܘܢ ܐܶܬܡܰܫܚܰܬ܆ ܘܒܰܕܡܳܐ ܚܰܝܳܐ ܘܰܒܪܽܘܚܳܐ ܕܩܽܘܕܫܳܐ܆ ܘܶܐܬܚܰܘܪܰܬ ܒܡܰܥܡܽܘܕܺܝܬܳܐ܆ ܘܶܐܬܩܰܕܫܰܬ ܡܶܢ ܛܰܡܽܐܘܬܳܐ ܗ̄ ܒܪܺܝܟ ܡܳܪܝܳܐ ܕܰܓܒܳܗ̇܀

ܒܳܥܽܘܬܳܐ ܕܡܳܪܝ ܝܰܥܩܽܘܒ
ܬܶܟܪܶܐ ܠܳܟ ܡܳܪܝ ܥܰܠ ܥܺܕ̈ܳܬܳܐ

ܐܰܘܕܳܝ ܥܺܕܬܳܐ ܒܰܙܡܺܝܪ̈ܳܬܶܟܝ ܫܰܦܺܝܪ̈ܳܬܳܐ܆

ܘܩܰܪܶܒܝ ܠܰܒܪܳܐ ܕܳܫ̈ܢܶܐ ܕܫܽܘܒܚܳܐ ܒܝܽܘܡ ܚܽܘܕܳܬܶܟܝ܀

ܡܰܠܟܳܐ ܡܫܺܝܚܳܐ ܒܳܟ ܬܶܬܪܰܡܪܰܡ ܥܺܕܰܬ ܩܽܘܕܫܳܐ܆ ܘܒܳܗ̇ ܢܶܫܬܰܝܢܽܘܢ ܟܽܠܗܽܘܢ ܪ̈ܺܝܫܶܐ ܘܫܰܠܺܝ̈ܛܳܢܶܐ܆ ܬܶܐܚܽܘܕ ܣܰܘ̈ܦܶܐ ܘܡܰܠ̈ܟܶܐ ܘܥܰܡ̱̈ܡܶܐ ܒܳܗ̇ ܢܶܫܬܰܝܢܽܘܢ܆ ܘܠܳܗ̇ ܢܶܨܛܰܝܒܽܘܢ ܟܽܠܗܽܘܢ ܬܳܓ̈ܶܐ ܕܡܳܪ̈ܰܘܳܬܳܐ܀

ܢܶܣܓܶܐ ܫܰܝܢܳܗ̇ ܘܢܶܪܥܰܡ ܟܶܢܫܳܗ̇ ܢܕܽܘܨܽܘܢ ܝܰܠ̈ܕܶܝܗ̇܆ ܢܶܬܬܪܺܝܡ ܪܺܝܫܳܗ̇ ܢܶܥܫܰܢ ܫܽܘܒܚܳܗ̇ ܢܶܪܒܶܐ ܟܠܺܝܠܳܗ̇܆ ܢܶܬܡܠܶܐ ܥܽܘܒܳܗ̇ ܘܰܒ̈ܢܶܝܗ̇ ܢܶܣܓܽܘܢ ܘܣܳܐܢܶܝ̈ܗ̇ ܢܶܦܠܽܘܢ. ܬܕܽܘܫ ܣܳܩܽܘܪ̈ܶܝܗ̇ ܘܰܒܥܶܠܕܒܳܒܶܝ̈ܗ̇ ܒܒܶܗܬܬܳܐ ܢܶܗܘܽܘܢ܀

ܐܰܝܢܳܐ ܕܡܰܩܪܶܒ ܥܰܡܶܟܝ ܥܺܕܬܳܐ ܣܽܘܣܝܶܗ ܢܶܦܶܠ܆

ܘܰܒܗܰܘ ܓܶܐܪܳܐ ܕܡܳܬܚܳܐ ܩܶܫܬܶܗ ܒܣܶܛܪܶܗ ܢܶܒܠܰܥ܀

ܫܠܶܡ ܛܶܟܣܳܐ ܕܚܰܕ ܒܫܰܒܳܐ ܕܚܽܘܕܳܬ ܥܺܕܬܳܐ