ܕܰܐܪܒܥܳܐ ܒܫܰܒܳܐ

ܕܦܶܠܓܶܗ ܕܝܰܘܡܳܐ

ܩܳܠܳܐ ܒܩ̄: ܠܡܰܠܟܽܘܬ ܪܰܘܡܳܐ
ܡܰܠܟܳܐ ܡܫܺܝܚܳܐ: ܒܬܰܪܥܶܗ ܕܰܚܢܳܢܳܟ (ܕܓܽܘܫܡܳܐ)

ܩ̈ܳܠܶܐ ܕܚܺܝ̈ܠܶܐ܆ ܫܕܳܐ ܗ̱ܘܳܐ ܒܰܪ ܡܰܬܰܝ. ܒܢܺܝܢܘܶܐ ܥܰܫܺܝܢܬܳܐ܆ ܙܳܥܰܬ ܢܳܕܰܬ ܐܳܦ ܪܶܥܠܰܬ܆ ܡܶܢ ܠܽܘܚܳܡܰܘ̈ܗ̱ܝ ܡܰܪܺܝܪ̈ܶܐ܆ ܘܰܐܝܟ ܕܡܶܢ ܫܶܢܬܳܐ ܐܶܬܬܥܺܝܪܰܬ܆ ܘܰܠܬܰܪܥܶܗ ܕܡܳܪܝܳܐ ܪܶܗܛܰܬ܆ ܘܰܒܕܶܡ̈ܥܶܐ ܘܣܰܩ̈ܶܐ ܐܶܬܐܰܣܝܰܬ܀

ܫܽܘܒܚܳܐ

ܡܫܺܝܚܳܐ ܕܫܰܝܶܢ܆ ܒܰܕܡܳܐ ܕܰܩܢܽܘܡܶܗ܆ ܪܰܘܡܳܐ ܐܳܦ ܥܽܘܡܩܳܐ܆ ܫܰܝܶܢ ܡܳܪܝ ܡܰܠ̈ܟܶܐ ܘܟܳܗ̈ܢܶܐ܆ ܘܥܺܕܬܳܟ ܩܰܝܶܡ ܒܰܚܢܳܢܳܟ܆ ܘܚܰܕ ܢܺܝܫܳܐ ܕܗܰܝܡܳܢܽܘܬܳܐ܆ ܢܶܗܘܶܐ ܒܟܽܠܳܗ̇ ܥܳܡܰܪܬܳܐ܆ ܒܛܰܝܒܽܘܬܳܟ ܐܰܟܡܳܐ ܕܶܐܫܬܰܘܕܺܝܬ܀

ܒܳܥܽܘܬܳܐ ܕܡܳܪܝ ܐܰܦܪܶܝܡ
ܐܰܨܶܕ ܗܰܘܢܳܟ ܚܰܟܺܝܡܳܐ

ܡܳܪܰܢ ܐܶܬܪܰܚܰܡܥܠܰܝܢ: ܡܳܪܰܢ ܩܰܒܶܠ ܬܶܫܡܶܫܬܰܢ܆

ܫܰܕܰܪ ܠܰܢ ܡܶܢ ܒܶܝܬ ܓܰܙܳܟ: ܚܢܳܢܳܐ ܘܪ̈ܰܚܡܶܐ ܘܫܽܘܒܩܳܢܳܐ܀

ܐܶܡܰܪ ܐܰܠܳܗܳܐ ܠܝܰܘܢܳܢ܆ ܩܽܘܡ ܙܶܠ ܠܢܺܝܢܘܶܐ ܘܰܐܟܪܶܙ ܒܳܗ̇܆ ܘܰܗܦܽܘܟܝܳܐ ܣܰܒܰܪ ܐܶܢܽܘܢ܆ ܠܡܳܪ̈ܶܝܗ̇ ܕܰܐܪܫܰܥܘ ܒܒܺܝ̈ܫܳܬܳܐ܀

ܠܳܐ ܬܶܕܚܰܠ ܡܶܢ ܪ̈ܺܝܫܳܢܶܐ܆ ܘܫܰܠܺܝ̈ܛܳܢܶܐ ܕܰܒܓܰܘܳܗ̇܆ ܠܳܐ ܬܶܬܟܰܚܰܕ ܡܶܢ ܡܰܠܟܳܐ܆ ܘܠܳܐ ܬܶܕܚܰܠ ܡܳܐ ܕܡܰܟܪܶܙ ܐܰܢ̱ܬ܀

ܫܳܡܽܘܥܳܐ ܕܰܨ̈ܠܰܘܳܬܳܐ܇ ܘܰܡܦܰܢܝܳܢܳܐ ܕܫ̈ܶܐܠܳܬܳܐ܆

ܫܡܰܥ ܨܠܽܘܬܰܢ ܘܶܐܬܪܰܥܳܐ ܠܰܢ܇ ܘܦܰܢܳܐ ܒܪ̈ܰܚܡܰܝܟ ܫ̈ܶܐܠܳܬܰܢ܀