ܕܰܬܪܶܝܢ ܒܫܰܒܳܐ

ܕܦܶܠܓܶܗ ܕܝܰܘܡܳܐ

ܩܳܠܳܐ ܒܩ̄: ܠܡܰܪܝܰܡ ܝܳܠܕܰܬ ܐܰܠܳܗܳܐ
ܡܳܪܝܳܐ ܠܳܐ ܒܪܽܘܓܙܳܟ ܬܰܟܣܰܢܝ ܙܰܡܰܪ

ܨܳܡܘ ܢܺܝܢ̈ܘܳܝܶܐ ܘܶܐܬܦܰܨܺܝܘ ܡܶܢ ܝܰܕ ܪܽܘܓܙܳܐ܆ ܘܰܐܫܦܰܥܘ ܕܶܡ̈ܥܶܐ ܘܟܰܪܝܽܘܬܳܐ ܩܕܳܡ ܐܰܠܳܗܳܐ܆ ܒܨܰܘܡܳܐ ܐܰܚܰܝ̈ ܢܶܬܟܰܫܰܪ ܕܢܺܐܪܰܬ ܚܰܝ̈ܶܐ܆ ܘܢܶܬܒܰܣܰܡ ܒܰܓܢܽܘܢ ܢܽܘܗܪܳܐ ܥܰܡ ܩܰܕܺܝ̈ܫܶܐ܀

ܫܽܘܒܚܳܐ

ܨܳܡܘ ܢܺܝܢ̈ܘܳܝܶܐ ܘܶܐܫܬܰܘܙܰܒܘ ܡܶܢ ܐܽܘܠܨܳܢܳܐ܆ ܘܰܐܪܦܺܝܘ ܐܺܝܕܳܐ ܒܒܺܝ̈ܫܳܬܳܐ ܕܠܳܐ ܢܶܬܦܰܠ̈ܚܳܢ܆ ܟܡܳܐ ܢܶܙܕܰܗܶܐ ܒܶܗ ܒܨܰܘܡܳܐ ܐܰܝܢܳܐ ܕܰܐܚܒܶܗ܆ ܘܰܐܫܦܰܥ ܕܶܡ̈ܥܶܐ ܥܰܠ ܚܰܘ̈ܒܰܘܗ̱ܝ ܒܰܬܘܳܬ ܢܰܦܫܳܐ܀

ܒܳܥܽܘܬܳܐ ܕܡܳܪܝ ܐܰܦܪܶܝܡ
ܐܰܨܶܕ ܗܰܘܢܳܟ ܚܰܟܺܝܡܳܐ

ܡܳܪܰܢ ܐܶܬܪܰܚܰܡܥܠܰܝܢ: ܡܳܪܰܢ ܩܰܒܶܠ ܬܶܫܡܶܫܬܰܢ܆

ܫܰܕܰܪ ܠܰܢ ܡܶܢ ܒܶܝܬ ܓܰܙܳܟ: ܚܢܳܢܳܐ ܘܪ̈ܰܚܡܶܐ ܘܫܽܘܒܩܳܢܳܐ܀

ܗܳܝ ܛܰܝܒܽܘܬܳܐ ܕܰܣܡܰܟܬܳܗ̇܆ ܠܢܺܝܢܘܶܐ ܡܕܺܝܢ̱ܬܳܐ ܕܠܳܐ ܬܶܦܶܠ܆ ܗܺܝ ܬܶܣܡܽܘܟ ܠܥܺܕܬܳܐ ܘܝܰܠ̈ܕܶܝܗ̇܆ ܡܶܟܺܝܠ ܘܰܥܕܰܡܳܐ ܠܥܳܠܰܡ܀

ܗܰܘ ܪܶܡܙܳܐ ܕܕܰܠܺܝ ܠܝܰܘܢܳܢ܆ ܡܶܢ ܝܰܡܳܐ ܘܡܶܢ ܡܥܰܝ̈ ܢܽܘܢܳܐ܆ ܗܽܘ ܢܕܰܠܶܐ ܠܰܢ ܡܶܢ ܒܺܝܫܬܶܗ܆ ܕܗܳܢܳܐ ܥܳܠܡܳܐ ܕܰܚܛܺܝܬܳܐ܀

ܫܳܡܽܘܥܳܐ ܕܰܨ̈ܠܰܘܳܬܳܐ܇ ܘܰܡܦܰܢܝܳܢܳܐ ܕܫ̈ܶܐܠܳܬܳܐ܆

ܫܡܰܥ ܨܠܽܘܬܰܢ ܘܶܐܬܪܰܥܳܐ ܠܰܢ܇ ܘܦܰܢܳܐ ܒܪ̈ܰܚܡܰܝܟ ܫ̈ܶܐܠܳܬܰܢ܀