ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܛܺܝܡܳܬܶܐܳܘܣ ܐ
ܘ: ܝܓ ـ ܟܒ 1Timothy 6:13-22

ܡܣܰܗܶܕ ܐ̱ܢܳܐ ܠܳܟ ܩܕܳܡ ܐܠܗܳܐ ܗܰܘ ܕܡܰܚܶܐ ܟܽ‍ܠ: ܘܝܶܫܽܘܥ ܡܫܺܝܚܳܐ ܗܰܘ ܕܰܐܣܗܶܕ ܩܕܳܡ ܦܳܢܛܺܝܳܘܣ ܦܺܝܠܰܛܳܘܣ ܣܳܗܕܽܘܬܐ ܫܰܦܺܝܪܬܐ܆ ܕܬܶܛܪܺܝܘܗ̱ܝ܆ ܦܽܘܩܕܳܢܳܐ ܕܠܳܐ ܛܽܘܠܫܳܐ ܘܰܕܠܳܐ ܡܽܘܡܳܐ܇ ܥܕܰܡܳܐ ܠܓܶ‍ܠܝܳܢܶܗ ܕܡܳܪܰܢ ܝܶܫܽܘܥ ܡܫܺܝܚܳܐ. ܗܰܘ ܕܰܥܬܺܝܕ ܒܙܰܒܢܶܗ ܢܚܰܘܶܝܘܗܝ ܐܰܠܗܳܐ ܡܒܰܪܟܳܐ ܘܚܰܝܠܬܢܳܐ ܒܰܠܚܽܘܕܰܘܗܝ܇ ܡܰܠܟܳܐ ܕܡܰܠܟ̈ܶܐ ܘܡܳܪܳܐ ܕܡܳܪ̈ܰܘܳܬܐ. ܗܰܘ ܕܗܽܘ ܒܰܠܚܽܘܕܰܘܗ̱ܝ ܠܐ ܡܶܬܚܰܒܰܠ. ܘܥܳܡܰܪ ܒܢܽܘܗܪܳܐ: ܕܐ̱ܢܳܫ ܠܐ ܡܶܫܟܰܚ ܕܢܶܬܩܰܪܰܒ ܠܶܗ. ܘܐ̱ܢܳܫ ܡܶܢ ܒܢܰܝ̈ܢܳܫܳܐ ܠܐ ܚܙܳܝܗ̱ܝ ܘܐܳܦܠܳܐ ܡܨܶܐ ܠܡܶܚܙܝܶܗ. ܗܰܘ ܕܠܶܗ ܐܺܝܩܳܪܐ ܘܫܽܘܠܛܳܢܐ ܠܥܳܠܡ ܥܳܠܡܝܢ ܐܰܡܝܢ. ܠܥܰܬܝܪ̈ܶܐ ܕܥܳܠܡܳܐ ܗܳܢܳܐ ܦܰܩܶܕ܆ ܕܠܐ ܢܶܬܪܺܝܡܽܘܢ ܒܪ̈ܶܥܝܳܢܰܝܗܽܘܢ܇ ܘܠܐ ܢܶܬܬܰܟ‍ܠܽܘܢ ܥܰܠ ܥܽܘܬܪܳܐ ܕܠܰܝܬ ܥܠܰܘܗܝ ܬܽܘܟ‍ܠܳܢܳܐ܇ ܐܶܠܐ ܥܰܠ ܐܰܠܳܗܳܐ ܚܰܝܳܐ ܗܰܘ ܕܝܰܗ̱ܒ ܠܰܢ ܟܽ‍ܠ ܥܰܬܺܝܪܳܐܝܺܬ ܠܰܢܝܳܚܰܢ܆ ܘܢܶܥܒܕܽܘܢ ܥܒܴ̈ܕܶܐ ܛܳܒ̈ܶܐ. ܘܢܶܥܬܪܽܘܢ ܒܣܽܘܥܪ̈ܳܢܶܐ ܫܰܦܺܝܪ̈ܶܐ. ܘܢܶܗܘܽܘܢ ܕܠܺܝܠܺܝܢ ܠܡܶܬܰܠ ܘܰܠܡܶܫܬܰܘܬܳܦܽܘ. ܘܰܢܣܺܝܡܽܘܢ ܠܢܰܦܫܗܽܘܢ ܫܶܬܶܐܣܬܳܐ ܛܳܒܬܐ ܠܡܶܕܶܡ ܕܰܥܬܺܝܕ܇ ܕܢܰܕܪܟܽܘܢ ܚܰـ̈ܝܶܐ ܫܰܪܺܝܪ̈ܶܐ. ܐܳܘ ܛܺܝܡܳܬܶܐܐ ܐܶܙܕܰܗ̱ܪ ܒܡܶܕܶܡ ܕܶܐܬܓ‍ܥܶܠ ܠܳܟ܆ ܘܰܥܪܽܘܩ ܡܶܢ ܒ̈ܢܳܬ ܩܳـ̈ܠܐܷ ܣܪ̈ܺܝܩܳܬܐ܇ ܘܡܶܢ ܗ̈ܦܳܟܳ‍ܬܐ ܕܺܝܕܰܥܬܐ ܕܰܓܳ‍ܠܬܳܐ. ܐܰܝܠܶܝܢ ܓܶܝܪ ܕܡܶܫܬܰܘܕܶܝܢ ܠܳܗ̇ ܛܥܰܘ ܠܗܽܘܢ ܡܶܢ ܗܰܝܡܳܢܽܘܬܐ. ܛܰܝܒܽܘܬܐ ܥܰܡܳܟ ܐܰܡܺܝܢ܀