ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܩܳܘܪ̈ܺܝܢܬܳܝܶܐ ܒ
ܐ: ܐ ـ ܝܙ 2Corinthians 1:1-7

ܦܰܘܠܳܘܣ ܫܠܺܝܚܳܐ ܕܝܶܫܽܘܥ ܡܫܺܝܚܳܐ ܒܨܶܒܝܳܢܶܗ ܕܰܐܠܳܗܳܐ ܘܛܺܝܡܳܬܘܣ ܐܰܚܳܐ܆ ܠܥܺܕ̱ܬܐ ܕܰܐܠܳܗܳܐ ܕܺܐܝܬ ܒܩܳܘܪܺܢܬܘܣ܇ ܘܰܠܟܽ‍ܠܗܽܘܢ ܩܰܕܺܝ̈ܫܶܐ ܕܺܐܝܬ ܒܰܐܟܰܐܻܝܰܐ ܟܽ‍ܠܳܗ̇. ܛܰܝܒܽܘܬܐ ܥܰܡܟܽܘܢ ܘܰܫܠܳܡܳܐ ܡܶܢ ܐܠܳܗܳܐ ܐܰܒܽܘܢ܆ ܘܡܶܢ ܡܳܪܰܢ ܝܶܫܽܘܥ ܡܫܺܝܚܳܐ. ܡܒܰܪܰܟ ܗܽܘ ܐܠܳܗܳܐ ܐܰܒܽܘܗܝ ܕܡܳܪܰܢ ܝܶܫܽܘܥ ܡܫܺܝܚܳܐ: ܐܰܒܳܐ ܕܪ̈ܰܚܡܶܐ܆ ܘܰܐܠܳܗܳܐ ܕܟܽ‍ܠ ܒܽܘܝܳܐܐ. ܗܰܘ ܕܰܡܒܰܝܰܐ ܠܰܢ ܒܟܽ‍ܠܗܽܘܢ ܐܽܘܠܨܳܢܰܝ̈ܢ. ܕܳܐܦ ܚܢܰܢ ܢܶܫܟܰܚ ܢܒܰܝܰܐ ܠܰܐܝܠܶܝܢ ܕܰܒܟܽ‍ܠ ܐܽܘܠܨܳܢܰܝ̈ܢ ܐܶܢܽܘܢ܇ ܒܗܰܘ ܒܽܘܝܳܐܴܐ ܕܰܚܢܰܢ ܡܶܬܒܰܝܐܻܝܢܰܢ ܡܶܢ ܐܠܳܗܳܐ. ܐܰܝܟܰܢܳܐ ܓܶܝܪ ܕܡܶܬܝܰܬܪܺܝܢ ܒܰܢ ܚܰܫܰܘ̈ܗ̱ܝ ܕܰܡܫܺܝܚܳܐ܆ ܗܳܟܰܢܳܐ ܒܝܰܕ ܡܫܺܝܚܳܐ ܡܶܬܝܰܬܰܪ ܐܳܦ ܒܽܘܝܳܐܰܢ. ܐܳܦܶܢ ܕܶܝܢ ܡܶܬܐܰܠܨܺܝܢܰܢ܆ ܥܰܠ ܐܰܦ̈ܰܝ ܒܽܘܝܳܐܟܽܘܢ ܗܽܘ ܘܥܰܠ ܐܰܦ̈ܰܝ ܚܰܝܰܝ̈ܟܽܘܢ ܡܶܬܐܰܠܨܺܝܢܰܢ. ܘܶܐܢ ܡܶܬܒܰܝܐܻܝܢܰܢ܆ ܡܶܛܽܠ ܕܰܐܢ̱ܬܘܢ ܬܶܬܒܰܝܐܘܽܢ܇ ܘܬܶܗܘܶܐ ܒܟܽܘܢ ܚܦܺܝܛܽܘܬܐ ܕܰܬܣܰܝܒܪܽܘܢ ܐܶܢܽܘܢ ܠܚ̈ܰܫܶܐ܇ ܗܳܢܽܘܢ ܕܳܐܦ ܚܢܰܢ ܚܳܫܺܝܢܰܢ ܠܗܽܘܢ. ܘܣܰܒܪܰܢ ܕܰܥܠܰܝܟܽܘܢ ܫܰܪܺܝܪ ܗ̱ܽܘ. ܝܳܕܥܺܝܢܰܢ ܓܶܝܪ ܕܶܐܢ ܫܰܘܬܳܦܺܝܢ ܐܰܢ̱ܬܘܢ ܒ̈ܚܰܫܶܐ܆ ܫܰܘܬܳܦܺܝܢ ܐܰܢ̱ܬܘܢ ܐܳܦ ܒܒܽܘܝܳܐܴܐ܀