ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܩܳܘܪ̈ܺܝܢܬܳܝܶܐ ܐ
ܕ: ܘ ـ ܝܘ 1Corinthians 4:6-16

ܗܳܠܶܝܢ ܕܶܝܢ ܐܰܚܰـ̈ܝ܆ ܡܶܛܽܠܳܬܟܽܘܢ ܗ̱ܘ ܣܳܡܶܬ ܥܰܠ ܦܰܪܨܽܘܦܳܐ ܕܺܝܠܝ ܘܕܰܐܦܳܠܳܘ ܕܒܰܢ ܬܻܐܠܦܽܘܢ܆ ܕܠܐ ܬܶܬܪܰܥܽܘܢ ܝܰܬܝܪ ܡܶܢ ܡܳܐ ܕܰܟܬܺܝܒ܇ ܘܐܢܳܫ ܥܰܠ ܚܰܒܪܶܗ ܠܐ ܢܶܬܪܺܝܡ ܡܶܛܽܠ ܐ̱ܢܳܫ. ܡܰܢܽܘ ܓܶܝܪ ܒܨܳܟ. ܐܰܘ ܡܳܢܳܐ ܐܺܝܬ ܠܳܟ ܕܠܐ ܢܣܰܒܬ. ܘܶܐܢ ܢܣܰܒܬ܆ ܠܡܳܢܳܐ ܡܶܫܬܰܒܗܰܪ ܐܰܢ̱ܬ ܐܰܝܟ ܗܰܘ ܕܠܐ ܢܣܰܒܬ. ܡܶܢ ܟܰܕܽܘ ܣܒܰܥܬܽܘܢ ܠܟܽܘܢ ܘܰܥܬܰܪܬܘܢ܆ ܘܒܶܠܥܳܕܰܝܢ ܐܰܡܠܶܟ‍ܬܽܘܢ܆ ܐܶܫܬܽܘܦ ܕܶܝܢ ܐܰܡܠܶܟܬܘܢ܆ ܕܳܐܦ ܚܢܰܢ ܢܰܡܠܶܟ ܥܰܡܟܽܘܢ. ܣܳܒܰܪ ܐ̱ܢܳܐ ܓܶܝܪ ܕܠܰܢ ܠܰܫܠܺܝ̈ܚܶܐ܆ ܐ̱ܚܪ̈ܳܝܶܐ ܗ̱ܘ ܣܳܡܰܢ ܐܠܗܳܐ ܐܰܝܟ ܕܰܠܡܰܘܬܐ. ܕܰܗܘܰܝܢ ܬܶܐܰܛܪܳܘܢ ܠܥܳܠܡܳܐ܇ ܘܰܠـܡܰܠܐܟ̈ܶܐ ܘܠܰܒܢܰܝ̈ܢܳܫܳܐ. ܚܢܰܢ ܫܳـ̈ܛܰܝܳܐ ܡܶܛܽܠ ܡܫܺܝܚܳܐ. ܐܰܢ̱ܬܘܢ ܕܶܝܢ ܚܰܟܺܝ̈ܡܶܐ ܒܰܡܫܺܝܚܳܐ. ܚܢܰܢ ܟܪ̈ܺܝܗܶܐ. ܘܰܐܢ̱ܬܘܢ ܚܰܝ̈ܠܬܢܶܐ. ܐܰܢ̱ܬܘܢ ܡܶܫܬܰܒܚܺܝܢ. ܘܰܚܢܰܢ ܡܶܨܛܰܥܪܺܝܢ. ܥܕܰܡܳܐ ܠܗܳܕܶܐ ܫܳܥܬܳܐ܆ ܟܰܦܢܺܝܢܰܢ. ܘܰܨܗܶܝܢܰܢ. ܘܥܰܪܛܶܠܳܝܺܝܢܰܢ. ܘܡܶܬܩܰܦܚܺܝܢܰܢ. ܘܒܶܝܬ ܩܝܳܡܳܐ ܠܰܝܬ ܠܰܢ. ܘܠܳ‍ܐܷܝܢܰܢ ܟܰܕ ܦܳܠܚܺܝܢܰܢ ܒܺܐܝ̈ܕܰܝܢ. ܡܨܰܥܪܺܝܢ ܠܰܢ ܘܰܡܒܰܪܟܺܝܢܰܢ. ܪܳܕܦܺܝܢ ܠܰܢ ܘܰܡܣܰܝܒܪܺܝܢܰܢ. ܡܨܰܚܶܝܢ ܠܰܢ ܘܒܳܥܶܝܢܰܢ ܡܶܢܗܽܘܢ. ܐܰܝܟ ܢܦܳܬܳܐ ܕܥܳܠܡܳܐ ܗܘܰܝܢ ܘܟܽܘܦܳܪܳܐ ܕܟܽ‍ܠܢܳܫ ܥܕܰܡܳܐ ܠܗܳܫܳܐ. ܠܐ ܗ̱ܘܳܐ ܐܰܝܟ ܕܰܐܒܗܶܬܟܽܘܢ ܟܳܬܶܒ ܐ̱ܢܳܐ ܗܳܠܶܝܢ܆ ܐܶܠܐ ܐܰܝܟ ܕܠܰܒ̈ܢܰܝܳܐ ܚܰܒܺܝ̈ܒܶܐ ܡܰܪܬܶܐ ܐ̱ܢܳܐ. ܐܶܢ ܓܶܝܪ ܪܶܒܽܘ ܬܳܪ̈ܶܐܐ ܢܶܗܘܽܘܢ ܠܟܽܘܢ ܒܰܡܫܺܝܚܳܐ܆ ܐܶܠܐ ܠܐ ܣܰـ̈ܓܺܝܶܐܐ ܐܰܒܳـ̈ܗܶܐ. ܒܝܶܫܽܘܥ ܓܶܝܪ ܡܫܺܝܚܳܐ܆ ܐܶܢܰܐ ܗ̱ܘ ܐܰܘܠܶܕܬܟܽܘܢ ܒܰܣܒܰܪܬܐ. ܒܳܥܶܐ ܐ̱ܢܳܐ ܗܳܟܺܝܠ ܡܶܢܟܽܘܢ ܕܒܺܝ ܬܶܬܕܰܡܽܘܢ܀