ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܬܶܣܰܠܽܘܢܺܝ̈ܩܳܝܶܐ ܐ
ܕ: ܐ ـ ܝܒ 1Thessalonians 4:1-12

ܡܶܟܺܝܠ ܐܰܚܰـ̈ܝ ܒܳܥܶܝܢܰܢ ܡܶܢܟܽܘܢ܇ ܘܡܶܬܟܰܫܦܺܝܢܰܢ ܠܟܽܘܢ ܒܡܳܪܰܢ ܝܶܫܽܘܥ܆ ܕܰܐܝܟ ܕܩܰܒܶܠܬܘܢ ܡܶܢܰܢ܇ ܐܰܝܟܰܢ ܘܳܠܶܐ ܠܟܽܘܢ ܕܰܬܗܰܠܟܽܘܢ ܘܬܶܫܦܪܽܘܢ ܠܐܠܳܗܳܐ܇ ܕܝܰܬܝܪܳܐܝܺܬ ܬܰܘܣܦܽܘܢ. ܝܳܕܥܺܝܢ ܐܢ̱ܬܘܢ ܓܶܝܪ܆ ܐܰܝܠܶܝܢ ܦܽܘ̈ܩܕܳܢܶܐ ܝܰܗ̱ܒܢ ܠܟܽܘܢ ܒܡܳܪܰܢ ܝܶܫܽܘܥ. ܗܳܢܰܘ ܓܶܝܪ ܨܶܒܝܳܢܶܗ ܕܰܐܠܳܗܳܐ܆ ܩܰܕܺܝܫܽܘܬܟܽܘܢ. ܘܰܕܬܶܗܘܽܘܢ ܦܰܪܺܝܩܺܝܢ ܡܶܢ ܟܽ‍ܠ ܙܳܢܝܽܘܬܐ. ܘܢܶܗܘܶܐ ܝܳܕܰܥ ܐ̱ܢܳܫ ܐ̱ܢܳܫ ܡܶܢܟܽܘܢ ܠܡܶܩܢܳܐ ܡܳܐܢܶܗ ܒܩܰܕܺܝܫܽܘܬܐ ܘܒܺܐܝܩܳܪܳܐ܇ ܘܠܳܐ ܒܚ̈ܰܫܶܐ ܕܪܶܓܬܐ܇ ܐܰܝܟ ܫܰܪܟܳܐ ܕܥܰܡ̱̈ܡܶܐ ܗܳܢܽܘܢ ܕܠܐ ܝܳܕܥܺܝܢ ܠܐܠܳܗܳܐ. ܘܠܳܐ ܬܶܗܘܽܘܢ ܡܫܺܝܚܺܝܢ ܠܡܶܥܒܰܪ ܘܰܠܡܶܥܠܰܒ ܐ̱ܢܳܫ ܠܐܚܽܘܗܝ ܒܗܳܕܶܐ ܨܒܽܘܬܐ܇ ܡܶܛܽܠ ܕܡܳܪܰܢ ܗܽܘ ܬܳܒܽܘܥܳܐ ܥܰܠ ܗܳܠܶܝܢ ܟܽ‍ܠܗܶܝܢ. ܐܰܝܟܰܢܳܐ ܕܳܐܦ ܡܶܢ ܩܕܳܡ ܙܰܒܢܳܐ ܐܶܡܰܪܢ ܠܟܽܘܢ ܘܣܰܗܶܕܢ. ܠܐ ܓܶܝܪ ܩܪܳܟܽܘܢ ܐܠܳܗܳܐ ܠܛܰܢܦܽܘܬܐ܆ ܐܶܠܐ ܠܩܰܕܺܝܫܽܘܬܐ. ܡܶܟܺܝܠ ܡܰܢ ܕܛܳܠܶܡ܆ ܠܐ ܗ̱ܘܳܐ ܠܒܰܪܢܳܫܳܐ ܛܳܠܶܡ ܐܶܠܐ ܠܐܠܳܗܳܐ. ܗܰܘ ܕܝܰܗ̱ܒ ܒܟܽܘܢ ܪܽܘܚܶܗ ܩܰܕܺܝܫܬܐ. ܥܰܠ ܚܽܘܒܳܐ ܕܶܝܢ ܕܰܐܚܶـ̈ܐ܆ ܠܐ ܣܢܺܝܩܺܝܬܘܢ ܠܡܶܟ‍ܬܰܒ ܠܟܽܘܢ. ܐܰܢ̱ܬܘܢ ܓܶܝܪ ܩܢܽܘܡܟܽܘܢ ܡܰـ̈ܠܦܶܐ ܐܰܢ̱ܬܘܢ ܕܰܐܠܳܗܳܐ܆ ܕܬܰܚܒܽܘܢ ܚܰܕ ܠܚܰܕ. ܐܳܦ ܥܳܒܕܺܝܢ ܐܢ̱ܬܽܘܢ ܗܳܟܰܢܳܐ ܠܟܽ‍ܠܗܽܘܢ ܐܰܚܶـ̈ܐ ܕܰܒܟܽ‍ܠܳܗ̇ ܡܰܩܶܕܳܘܢܺܝܰܐ. ܒܳܥܶܐ ܐ̱ܢܳܐ ܕܶܝܢ ܡܶܢܟܽܘܢ ܐܰܚܰـ̈ܝ܆ ܕܬܶܬܝܰܬܪܽܘܢ ܘܬܶܬܚܰܦܛܽܘܢ܇ ܕܬܶܗܘܽܘܢ ܫܠܶܝܢ ܘܰܥܢܶܝܢ ܒܣܽܘܥܪ̈ܳܢܰܝܟܽܘܢ܇ ܘܰܗܘܰܝܬܘܢ ܦܳܠܚܺܝܢ ܒܺܐܝ̈ܕܰܝܟܽܘܢ ܐܰܝܟܰܢܳܐ ܕܦܰܩܶܕܢܳܟܽܘܢ܇ ܕܬܶܗܘܽܘܢ ܡܗܰܠܟܺܝܢ ܒܶܐܣܟܺܡܳܐ ܠܘܳܬ ܒܰܪ̈ܳܝܶܐ ܘܥܰܠ ܐ̱ܢܳܫ ܠܐ ܬܶܣܬܰܢܩܽܘܢ܀