ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܥܶܒܪ̈ܳܝܶܐ
ܝܒ: ܒܚ ـ ܒܛ܇ ܝܓ: ܐ ـ ܚ Hebrews 12:28-29, 13:1-8

ܡܶܛܽܠ ܗܳܟܺܝܠ ܕܩܰܒܶܠܢ ܡܰܠܟܽܘܬܐ ܕܠܐ ܡܶܬܙܺܝܥܳܐ܆ ܢܺܐܚܽܘܕ ܛܰܝܒܽܘܬܐ ܕܒܳܗ̇ ܢܫܰܡܶܫ ܘܢܶܫܦܰܪ ܠܐܠܳܗܳܐ ܒܬܰܚܡܶܨܬܐ ܘܰܒܕܶܚܠܬܐ. ܐܰ‌ܠܳܗܰܢ ܓܶܝܪ ܢܽܘܪܰܐ ܗ̱ܘ ܐܳܟܶ‍ܠܬܐ. ܚܽܘܒܳܐ ܕܰܐܚܶـ̈ܐ ܢܟܰ‍ܬܰܪ ܒܟܽܘܢ. ܘܪܶܚܡܬܐ ܕܰܐܟ̈ܣܢܳܝܶܐ ܠܐ ܬܶܛܥܽܘܢ. ܒܗܳܕܶܐ ܓܶܝܪ ܫܘܰܘ ܐ̱ܢܳܫܳܐ܆ ܕܟܰܕ ܠܐ ܪܓܺܝܫܺܝܢ ܢܩܰܒܠܽܘܢ ܡܰـ̈ܠܐܟܶܐ. ܥܶܗܰܕܘ ܠܰܐܝܠܶܝܢ ܕܰܐܣܺܝܪܺܝܢ ܐܰܝܟ ܗܰܘ ܕܥܰܡܗܽܘܢ ܐܰܣܺܝܪܺܝܢ ܐܢ̱ܬܘܢ. ܐܶܬܕܰܟ̱ܪܘ ܠܰܐܝܠܶܝܢ ܕܰܐ‌ܠܺܝܨܺܝܢ ܐܰܝܟ ܐ̱ܢܳܫܳܐ ܕܒܶܣܪܳܐ ܠܒܺܝܫܺܝܢ ܐܢ̱ܬܘܢ. ܡܝܰܩܰܪ ܗܽܘ ܙܽܘܘܳܓܳܐ ܒܟܽ‍ܠ. ܘܥܰܪܣܗܽܘܢ ܕܰܟܝܳܐ ܗ̱ܝ. ܠܙܰܢܳܝ̈ܶܐ ܕܶܝܢ ܘܰܠܓܰܝܳܪ̈ܶܐ ܕܳܐܷܢ ܐ‌ܠܳܗܳܐ. ܠܐ ܗܘܳܐ ܪܳܚܶܡ ܟܶܣܦܳܐ ܪܶܥܝܳܢܟܽܘܢ܆ ܐܶܠܐ ܢܶܣܦܰܩ ܠܟܽܘܢ ܡܶܕܶܡ ܕܺܐܝܬ ܠܟܽܘܢ. ܗܽܘ ܓܶܝܪ ܡܳܪܝܳܐ ܐܶܡܰܪ. ܕܠܐ ܐܶܫܒܩܳܟ ܘܠܳܐ ܐܰܪܦܶܐ ܒܳܟ ܐܺܝ̈ܕܰܝܳܐ. ܘܺܐܝܬ ܠܰܢ ܕܢܺܐܡܰܪ ܬܟܺܝܠܳܐܝܺܬ. ܡܳܪܝ ܡܥܰܕܪܳܢܝ ܠܐ ܐܶܕܚܰܠ. ܡܳܢܳܐ ܥܳܒܶܕ ܠܺܝ ܒܰܪܢܳܫܳܐ. ܗܘܰܝܬܘܢ ܥܳܗܕܺܝܢ ܠܰܡܕܰܒܪ̈ܳܢܰܝܟܽܘܢ. ܐܰܝܠܶܝܢ ܕܡܰܠܶ‍ܠܘ ܥܰܡܟܽܘܢ ܡܶܠܬܐ ܕܰܐܠܳܗܳܐ. ܐܶܬܒܰܩܰܘ ܒܫܽܘܠܳܡܳܐ ܕܕܽܘܒܳܪ̈ܰܝܗܽܘܢ. ܘܡܰܪܰܘ ܒܗܰܝܡܳܢܽܘܬܗܽܘܢ. ܝܶܫܽܘܥ ܡܫܺܝܚܳܐ ܐܶܬܡܳܠܝ ܘܝܰܘܡܳܢܳܐ ܗܽܘܝܽܘ ܘܰܠܥܳܠܰܡ܀