ܪܒܝܥܝܐ - H

ܡܫܰܒܰܚ ܐܰܢ̱ܬ ܡܳܪܝܳܐ ܡܰܠܟܳܐ ܕܟܽܠ ܥܳܠ̈ܡܺܝܢ. ܡܶܛܽܠ ܕܰܕܒܰܪܬ ܠܥܰܡܳܐ ܕܰܦܪܰܩܬ. ܒܓܰܘ ܥܽܘܡܩܰܘ̈ܗ̱ܝ ܕܝܰܡܳܐ ܕܣܽܘܦ. ܟܰܣܺܝܬ ܕܶܝܢ ܐܳܦ ܠܪ̈ܰܟܫܳܐ ܘܡܰܪ̈ܟܒܳܬܶܗ ܕܦܶܪܥܽܘܢ ܘܰܠܟܽܠܶܗ ܚܰܝܠܶܗ܀

ܐ̱ܚܪܢܐ - H

ܩܛܰܠ ܕܰܘܺܝܕ ܐܰܪܝܳܐ ܘܕܺܐܒܳܐ. ܘܢܶܨܚܳܢܳܐ ܢܣܰܒ ܒܺܝܣܪܳܐܶܝܠ. ܐܳܦ ܡܳܪܰܢ ܝܶܫܽܘܥ ܩܰܛܠܶܗ ܠܡܰܘܬܳܐ ܘܣܳ‍ܛܳܢܳܐ. ܘܗܳܐ ܟܽܠ ܥܰܡ̱̈ܡܺܝܢ ܣܳܓܕܺܝܢ ܠܶܗ. ܡܒܰܪܰܟ ܐܰܢ̱ܬ ܡܳܪܝܳܐ ܡܪܰܝܡܳܐ ܐܰ‌ܠܳܗܳܐ ܕܰܐܒܳܗ̈ܳܬܰܢ܀

ܐ̱ܚܪܢܐ - H

ܠܳܟ ܕܰܐܨܡܰܚܬ ܢܽܘܗܪܳܟ ܒܰܐܪܥܳܐ. ܘܰܐܢܗܰܪܬ ܠܥܳܠܡܳܐ ܡܶܢ ܣܳܟܶܗ. ܘܚܰܘܺܝܬ ܒܬܺܒܶܝܠ ‌ܐܺܝܡܳܡܳܐ. ܫܽܘܒܚܳܐ ܠܳܟ ܫܽܘܒܚܳܐ ܠܳܟ. ܝܶܫܽܘܥ ܡܶܠܬܳܐ ܒܪܳܐ ܝܺܚܺܝܕܳܝܳܐ܀