ܩܕܡܝܐ

ܫܽܘܚܠܳܦܳܐ: ܕܰܠܥܶܠ ܡܶܢ ܟܝܳܢܳܐ ܘܰܬܡܺܝܗܳܐ. ܚܰܘܺܝ ܐܰܬܽܘܢܳܐ: ܐܰܝܢܳܐ ܕܪܰܣ ܛܰܠܳܐ ܒܰܙܒܰܢ. ܠܳܐ ܓܶܝܪ ܐܰܘܩܶܕ ܠܰܛܠܳܝ̈ܶܐ ܗܳܢܽܘܢ ܕܩܰܒܶܠ. ܐܰܝܟ ܕܳܐܦܠܳܐ ܢܽܘܪܳܐ ܕܰܐܠܳܗܽܘܬܳܐ ܠܰܛܠܺܝܬܳܐ ܕܟܺܝܬܳܐ ܕܥܶܡܪܰܬ ܒܳܗ̇. ܘܥܰܠܗܳܝ ܒܬܶܫ̈ܒܚܳܬܳܐ ܡܙܰܡܪܺܝܢܰܢ ܘܳܐܡܪܺܝܢܰܢ: ܕܒܰܪܶܟܘ ܘܰܐܘܕܰܘ ܥܰܡ̱̈ܡܶܐ ܘܶܐܡ̈ܘܳܬܳܐ. ܠܡܳܪܝܳܐ ܡܳܪܳܐ ܕܰܗ̈ܘܰܝܳܐ܀

ܒܡܶܨܥܰܬ ܫܰܠܗܶܒܺܝܬܳܐ (ܒܰܐܝܟܳܐ ܕܗܝ)

ܒܡܶܨܥܰܬ ܫܰܠܗܶܒܺܝܬܳܐ. ܒܓܰܘ ܐܰܬܽܘܢܳܐ ܕܰܒܒܳܒܶܝܠ. ܛܠܳܝ̈ܶܐ ܬܠܳܬܳܐ ܠܒܺܝ̈ܫܰܝ ܫܽܘܒܚܳܐ: ܒܰܕܡܽܘܬ ܓܶܝܪ ܡܰܠܰܐܟܳܐ ܥܛܺܝܦ ܢܽܘܗܪܳܐ ܒܡܶܨܥܰܬܗܽܘܢ ܩܳܡ ܗ̱ܘܳܐ. ܡܗܰܝ̈ܡܢܶܐ ܠܡܳܪܝܳܐ ܫܰܒܰܚܘ: ܘܰܐܘܕܰܘ ܠܶܗ ܘܪܰܡܪܡܽܘܗ̱ܝ ܘܒܰܪܟܽܘܗ̱ܝ ܠܥܳܠܰܡ ܥܳܠܡܺܝܢ܀