ܫܒܝܥܝܐ - H

ܐ: ܕܶܐܬܦܢܺܝ ܒܪ̈ܰܚܡܰܘܗ̱ܝ ܥܰܠ ܡܽܘܟܳܟܳܐ ܕܰܐܡܬܶܗ. ܗܽܘ ܡܰܘܪܶܒ ܠܝܳܠܶܕܬܶܗ: ܩܰܕܺܝܫܳܐ ܐܰ‌ܠܳܗܳܐ܀

ܐܚܪܢܐ - H

ܒ: ܝܳܠܕܰܬ ܐܰ‌ܠܳܗܳܐ: ܫܽܘܒܗܳܪܶܗ ܕܥܳܠܡܳܐ: ܠܰܐܝܠܶܝܢ ܕܡܰܘܪܒܺܝܢ ܠܶܟܝ. ܥܠܰܝܟܝ ܗܽܘ ܬܟܺܝܠܺܝܢܰܢ. ܒܶܟܝ ܡܶܬܓܰܘܣܺܝܢܰܢ. ܐܶܬܟܰܫܦܝ ܘܰܒܥܳܝ. ܠܗܰܘ ܕܡܶܢܶܟܝ ܐܶܬܺܝܠܶܕ: ܕܢܶܥܒܶܕ ܥܠܰܝܢ ܪ̈ܰܚܡܶܐ܀

ܐܚܪܢܐ - H

ܓ: ܠܗܰܘ ܕܶܐܬܺܝܠܶܕ ܓܰܠܝܳܐܺܝܬ ܡܶܢ ܒܬܽܘܠܬܳܐ ܕܠܳܐ ܙܽܘܘܳܓܳܐ. ܬܰܘ ܢܫܰܒܰܚ. ܠܗܰܘ ܫܶܡܫܳܐ ܕܙܰܕܺܝܩܽܘܬܳܐ ܕܰܕܢܰܚ ܡܶܢ ܥܽܘܒܳܐ ܒܬܽܘܠܳܐ. ܟܽܠܰܢ ܢܶܣܓܽܘܕ: ܘܰܕܠܳܐ ܫܶܠܝܳܐ: ܢܫܰܒܚܺܝܘܗ̱ܝ ܠܥܳܠܰܡ ܥܳܠܡܺܝܢ܀

ܐܚܪܬܐ ܝܘܢܝܬܐ - H

ܕ: ܡܰܢ ܗ̱ܺܝ ܕܰܐܟܘܳܬܝ ܥܰܫܺܝܢܳܐ. ܘܰܛܥܺܝܢܳܐ ܠܡܳܪܳܐ ܕܡܰܠ̈ܟܶܐ. ܐܶܡܪܰܬ ܡܰܪܝܰܡ. ܕܒܺܝ ܨܺܝܪܺܝܢ ܐ̱ܪ̈ܳܙܶܐ ܘܛܽܘ̈ܦܣܶܐ. ܘܦ̈ܶܠܳܐܬܳܐ ܕܟܽܠ ܚܰܙܳܝ̈ܶܐ. ܘܕܰܢܒܺܝ̈ܶܐ ܟܽܠܗܽܘܢ. ܪܳܡܳܐ ܘܕܰܟܝܳܐ ܡܶܢ ܥܺܝܪ̈ܶܐ. ܘܡܶܢ ܬܶܓܡܰܝ̈ܗܽܘܢ ܕܰܣܪ̈ܳܦܶܐ: ܡܰܪܝܰܡ ܗ̱ܺܝ ܒܰܪܬܶܗ ܕܕܰܘܺܝܕ. ܕܺܝܥܳܐ ܒܳܗ̇ ܢܽܘܪܒܳܐ ܕܚܰܝ̈ܶܐ܆ ܕܠܶܗܽ ܗ̱ܘ ܡܫܰܒܚܺܝܢܰܢ. ܘܰܠܗܳܝ ܕܺܝܠܶܕܬܶܗ. ܛܽܘܒܳܐ ܝܳܗܒܺܝܢܰܢ܀

ܐܚܪܬܐ ܕܪܘܫܡܗ - H

ܗ: ܟܽܠ ܢܶܫܡܳܐ ܡܫܰܒܚܳܐ. ܠܡܳܪܝܳܐ ܡܪܰܝܡܳܐ ܘܰܕܚܺܝܠܳܐ. ܕܰܢܚܶܬ ܘܰܫܪܳܐ ܒܰܒܬܽܘܠܬܳܐ. ܘܰܕܢܰܚ ܡܶܢܳܗ̇ ܘܰܢܛܺܝܪܳܐ. ܘܺܝܢܶܩ ܚܰܠܒܳܐ ܐܰܝܟ ܫܰܒܪܳܐ. ܗܰܘ ܕܣܰܒܰܥ ܐܰܠ̈ܦܶܐ ܒܕܰܒܪܳܐ. ܘܥܰܠܗܳܝ ܟܽܠܰܢ ܫܰܘܝܳܐܺܝܬ: ܡܫܰܒܚܺܝܢܰܢ ܠܶܗ܀