ܪܒܝܥܝܐ - H

ܐ: ܠܶܟܝ ܢܶܬܟܰܫܰܦ: ܕܥܰܡܰܢ ܘܰܚܠܳܦܰܝܢ ܬܶܗܘܶܝܢ ܡܦܺܝܣܳܢܺܝܬܳܐ܆ ܠܰܡܠܶܟ ܡܰܠ̈ܟܶܐ. ܕܢܰܫܪܶܐ ܫܰܝܢܶܗ ܘܰܫܠܳܡܶܗ ܒܥܳܠܡܳܐ ܟܽܠܶܗ. ܘܢܰܥܒܰܪ ܫܰܒ̈ܛܶܐ ܕܪܽܘܓܙܳܐ. ܡܶܢ ܟܽܠܳܗ̇ ܥܳܡܰܪܬܳܐ. ܒܰܡܪܰܚܡܳܢܽܘܬܶܗ܀

ܐܚܪܢܐ ܟܲܝܠܐ - H

ܒ: ܐܰܝܟ ܡܶܠܬܳܐ ܕܺܝܠܶܟܝ ܝܳܠܕܰܬ ܐܰ‌ܠܳܗܳܐ. ܟܽܠܗܶܝܢ ܫܰܪ̈ܒܳܬܳܐ ܕܰܐܪܥܳܐ ܛܽܘܒܳܐ ܝܳܗ̈ܒܳܢ ܠܶܟܝ. ܡܶܛܽܠ ܕܰܒܥܽܘܒܶܟܝ ܐܰܓܶܢ: ܗܰܘ ܕܒܰܡܪ̈ܰܘܡܶܐ ܥܶܠܳܝ̈ܶܐ ܥܳܡܰܪ: ܠܥܳܠܰܡ ܥܳܠܡܺܝܢ܀

ܐܚܪܢܐ ܡܫܘܚܬܐ - H

ܓ: ܠܶܟܝ ܦܰܐܝܳܐ ܕܰܢܩܰܠܶܣ: ܝܳܠܕܰܬ ܐܰ‌ܠܳܗܳܐ ܒܬܽܘܠܬܳܐ. ܡܶܛܽܠ ܕܒܺܐܝܕܰܝ̈ܟܝ ܐܶܬܪܰܥܺܝ ܠܓܶܢܣܳܐ ܕܺܝܠܰܢ ܒܢܰܝ̈ܢܳܫܳܐ. ܐܰ‌ܠܳܗܳܐ ܐܰܒܳܐ܀