ܨܠܺܝܒܳܐ ܐܳܬܳܐ ܕܫܰܝܢܳܐ - H

ܨܠܺܝܒܳܐ ܐܳܬܳܐ ܕܫܰܝܢܳܐ. ܨܠܺܝܒܳܐ ܢܺܝܫܳܐ ܕܙܳܟܽܘܬܳܐ. ܨܠܺܝܒܳܐ ܕܒܶܗܽ ܗ̱ܘ ܦܪܺܝܩܺܝܢܰܢ. ܘܒܶܗ ܟܽܠܰܢ ܡܶܫܬܰܒܗܪܺܝܢܰܢ܀

ܒܗܰܘ ܢܽܘܗܪܳܐ ܓܰܐܝܳܐ - H

ܒܗܰܘ ܢܽܘܗܪܳܐ ܓܰܐܝܳܐ ܡܰܠܰܐܟ̈ܶܐ܆ ܡܫܰܡܫܺܝܢ ܠܰܐܠܳܗܽܘܬܳܟ. ܘܰܒܕܶܢܚܶܗ ܕܨܰܦܪܳܐ ܟܽܠ ܒܶܪ̈ܝܳܢ. ܡܩܰܕ̈ܡܳܢ ܣܳܓ̈ܕܳܢ ܠܺܐܝܩܳܪܳܟ܀

ܩܳܠܳܐ ܕܫܽܘܒܚܳܐ - H

ܩܳܠܳܐ ܕܫܽܘܒܚܳܐ: ܒܦܽܘܡ ܡܰܠܰܐܟ̈ܶܐ ܐܰܥܺܝܪܰܢܝ ܡܳܪܝ. ܕܰܒܨܰܦܪܳܐ ܫܽܘܒܚܳܟ ܐܶܙܡܰܪ. ܦܶܬܚܶܬ ܣܶܦ̈ܘܳܬܝ: ܠܰܡܫܰܒܳܚܽܘ ܟܰܕ ܡܰܘܕܶܐ ܐ̱ܢܳܐ. ܡܳܪܝ ܘܰܐ‌ܠܳܗܝ ܪܰܚܶܡܥܠܰܝ܀

ܝܳܗܽܘܒܳܐ ܕܟܰܟܪ̈ܶܐ - H

ܝܳܗܽܘܒܳܐ ܕܚܰܝ̈ܶܐ ܡܳܪܝܳܐ. ܚܰܝ̈ܶܐ ܝܰܗܒܠܰܢ ܒܰܩܝܳܡܬܶܗ. ܘܰܙܪܰܥ ܫܰܝܢܳܐ ܒܰܒܪܺܝܬܳܐ. ܘܰܫܠܳܡܳܐ ܒܰܝܢܳܬ ܥܰܡ̱̈ܡܶܐ. ܐܶܬܪܰܚܰܡܥܠܰܝܢ ܐܰ‌ܠܳܗܳܐ܀

ܩܝܳܡܬܳܐ ܕܶܢܚܰܬ ܐܰܘ ܫܠܺܝ̈ܚܶܐ ܐܶܡܪ̈ܶܐ. ܐܰܘ ܢܽܘܗܪܳܐ ܠܳܐ ܡܶܬܕܰܪܟܳܢܳܐ - H

ܩܝܳܡܬܳܐ ܕܶܢܚܰܬ ܒܰܒܪܺܝܬܳܐ. ܘܰܥܪܰܩ ܡܰܘܬܳܐ ܘܣܳ‍ܛܳܢܳܐ. ܘܥܺܕܬܳܐ ܚܳܕܝܳܐ ܕܶܐܬܦܰܪܩܰܬ. ܘܰܫܝܽܘܠ ܟܡܺܝܪܳܐ ܕܶܐܬܒܰܙܙܰܬ. ܒܢܽܘܚܳܡܶܗ ܫܒܺܝܚܳܐ ܕܰܡܫܺܝܚܳܐ: ܕܩܳܡ ܡܶܢ ܩܰܒܪܳܐ܀

ܝܰܘܡܳܢܳܐ - H

ܝܰܘܡܳܢܳܐ: ܡܰܠܰܐܟ̈ܶܐ ܒܚܶܘܳܪ̈ܶܐ ܢܚܶܬܘ ܗ̱ܘܰܘ ܨܶܝܕ ܩܰܒܪܳܟ. ܘܬܰܠܡܺܝ̈ܕܳܬܳܐ ܒܒܶܣܡܳܢܰܝ̈ܗܶܝܢ ܘܰܒܥܶܛܪ̈ܰܝܗܶܝܢ. ܐܰܘܕܰܥ ܐܶܢܶܝܢ ܡܰܠܰܐܟܳܐ: ܩܝܳܡܬܳܐ ܡܫܰܒܰܚܬܳܐ܀

ܒܓܰܘ ܥܺܕܰܬ ܩܽܘܕܫܳܐ - H

ܒܓܰܘ ܥܺܕܰܬ ܩܽܘܕܫܳܐ ܕܰܓܒܰܝܬ܆ ܢܗܶܐ ܕܽܘܟܪܳܢܳܐ ܠܛܽܘ̈ܒܳܢܶܐ. ܘܒܰܨ̈ܠܰܘܳܬܗܽܘܢ ܢܶܬܢܰܛܰܪ: ܡܶܢ ܟܽܠ ܒܺܝ̈ܫܳܢ ܘܣܽܘ̈ܓܦܳܢܶܐ܀