ܐܶܡܳܐ ܕܟܺܝܬܳܐ. ܐܰܘ ܗܰܘ ܕܰܒܫܽܘܒܚܳܐ - H

ܐܶܡܳܐ ܕܟܺܝܬܳܐ. ܒܬܽܘܠܬܳܐ ܕܠܳܐ ܡܽܘܡܳܐ. ܒܥܳܝ ܡܶܢ ܝܰܠܕܶܟܝ ܕܰܒܪ̈ܰܚܡܰܘܗ̱ܝ ܢܶܣܥܪܰܢ. ܨܠܽܘܬܶܟܝ ܫܽܘܪܳܐ ܬܶܗܘܶܐ ܠܰܢ܀

ܬܶܫܡܶܫܬܳܐ ܪܰܡܫܳܝܬܳܐ - H

ܬܶܫܡܶܫܬܳܐ ܪܰܡܫܳܝܬܳܐ. ܦܽܘܠܚܳܢ ܬܶܫܡܶܫܬܳܐ ܡܠܺܝܠܬܳܐ. ܠܳܟܽ ܗ̱ܘ ܡܫܺܝܚܳܐ ܡܩܰܪܒܺܝܢܰܢ. ܡܶܛܽܠ ܕܰܨܒܰܝܬ ܒܪ̈ܰܚܡܰܝܟ. ܕܰܬܪܰܚܶܡ ܘܰܕܬܶܚܽܘܢ ܠܰܢ. ܒܝܰܕ ܩܝܳܡܬܳܟ ܦܰܐܝܰܬ ܠܰܐܠܳܗܳܐ܀

ܒܝܰܕ ܢܽܘܗܪܳܐ ܕܦܽܘ̈ܩܕܳܢܶܐ - H

ܒܝܰܕ ܢܽܘܗܪܳܐ ܕܦܽܘ̈ܩܕܳܢܶܐ ܕܺܝܠܳܟ. ܝܶܫܽܘܥ ܡܰܠܟܰܢ ܙܰܟܳܝܳܐ. ܐܰܢܗܰܪ ܠܠܶܒܰܘ̈ܳܬܳܐ ܕܺܝܠܰܢ. ܡܳܪܝܳܐ ܘܶܐܬܪܰܚܰܡܥܠܰܝܢ܀

ܒܢܰܝ̈ ܢܽܘܗܪܳܐ - H

ܒܢܰܝ̈ ܢܽܘܗܪܳܐ. ܩܽܘܡܘ ܫܰܒܰܚܘ ܕܰܡܛܳܐ ܢܽܘܗܪܳܐ. ܘܗܰܒܘ ܬܶܫܒܽܘܚܬܳܐ ܠܡܰܢ ܕܰܒܪܳܐ ܢܽܘܗܪܳܐ܀

ܫܡܰܝ̈ܳܐ ܡܶܫܬܰܥܶܝܢ - H

ܫܡܰܝ̈ܳܐ ܡܶܫܬܰܥܶܝܢ ܫܽܘܒܳܚܟ܆ ܘܰܐܪܥܳܐ ܪܳܘܙܳܐ ܒܰܩܝܳܡܬܳܟ. ܐܳܘ ܕܡܶܢ ܟܽܘܠܳܐ ܡܶܫܬܰܒܰܚ. ܠܳܟܽ ܗ̱ܘ ܝܳܐܝܳܐ ܬܶܫܒܽܘܚܬܳܐ܀

ܣܠܶܩܬ ܠܰܨܠܺܝܒܳܐ - H

ܣܠܶܩܬ ܠܰܨܠܺܝܒܳܐ. ܡܫܺܝܚܳܐ ܐܰ‌ܠܳܗܳܐ ܕܺܝܠܰܢ. ܒܦܰܓܪܳܐ ܕܰܢܣܰܒܬ ܡܶܢ ܡܰܪܝܰܡ. ܒܨܶܒܝܳܢܶܗ ܕܰܐܒܳܐ ܘܪܽܘܚܳܐ. ܠܦܽܘܪܩܳܢܳܐ ܕܰܒܢܰܝ̈ܢܳܫܳܐ܀