ܕܣܽܘܬܳܪܳܐ

ܡܳܪܰܢ ܝܶܫܽܘܥ ܡܫܺܝܚܳܐ ܦܪܽܘܩ ܠܰܢ ܡܶܢ ܚܶܫܟܳܐ ܡܰܘܒܕܳܢܳܐ ܕܰܚܛܺܝܬܳܐ. ܘܫܰܠܳܐ ܡܶܢܰܢ ܚܰܫ̈ܶܐ ܒܺܝ̈ܫܶܐ܆ ܘܗܰܒܠܰܢ ܢܝܳܚܳܐ ܕܦܰܓܪܳܐ ܒܫܶܢܬܰܢ܆ ܘܕܰܟܝܽܘܬܳܐ ܒܢܰܦ̈ܫܳܬܰܢ܆ ܘܙܰܗܝܽܘܬܳܐ ܒܡܰܚܫ̈ܒܳܬܰܢ܆ ܘܰܐܥܺܝܪܰܝܢ ܠܬܶܫܒܽܘܚܬܳܐ ܕܰܫܡܳܟ ܩܰܕܺܝܫܳܐ܀

ܚܽܘܬܳܡܳܐ

ܦܳܪܽܘܩܳܐ ܕܰܠܗܺܝܩ ܠܦܽܘܪܩܳܢ ܣܳܓܽܘ̈ܕܰܘܗ̱ܝ܆ ܦܪܽܘܩܰܝܢ ܒܪ̈ܰܚܡܰܝܟ. ܘܚܰܣܳܢ ܘܕܰܟܳܢ ܡܶܢ ܟܽܠܗܶܝܢ ܟܽܘ̈ܬܡܳܬܰܢ. ܘܚܰܣܳܐ ܐܳܦ ܠܟܽܠܗܽܘܢ ܐܰܝܠܶܝܢ ܕܰܐܣܟܶܠܘ̱ ܒܰܢ ܒܟܽܠ ܡܽܘܢ ܕܗܽܘ. ܘܰܐܛܶܐܒ ܠܰܐܝܠܶܝܢ ܕܰܐܛܶܐܒܘ̱ ܘܡܰܛܶܐܒܺܝܢ ܠܰܢ. ܘܗܰܒ ܠܗܽܘܢ ܣܰܓܺܝ ܚܠܳܦ ܩܰܠܺܝܠ ܕܝܰܗ̱ܒܘ. ܘܰܐܓܪܳܐ ܥܳܠܡܺܝܢܳܝܳܐ ܚܠܳܦ ܫܽܘܟܳܢܗܽܘܢ ܙܰܒܢܳܝܳܐ܆ ܕܰܐܢ̱ܬܽ ܗ̱ܘ ܦܳܪܽܘܥܳܐ ܕܟܽܠ. ܘܠܳܟ ܡܶܬܬܚܺܝܒ ܫܽܘܒܚܳܐ ܘܩܽܘܒܳܠܛܰܝܒܽܘܬܳܐ ܠܥܳܠܡܺܝܢ܀