ܬܠܳܬܫܳܥܺܝ̈ܢ

ܡܥܺܝܢܳܐ ܐܰܡܺܝܢܰܬ ܪܶܕܝܳܐ ܕܟܽܠ ܩܽܘ̈ܕܳܫܶܐ ܘܰܕܥܽܘܬܪ̈ܶܐ ܠܳܐ ܡܶܬܡܰܠ̈ـܠܳܢܶܐ ܡܳܪܝܳܐ ܐܰܠܳܗܳܐ. ܡܠܺܝ ܡܶܢ ܩܰܕܺܝܫܽܘܬܳܐ ܕܡܶܢܳܟ ܠܟܽܠܶܗ ܒܰܪܢܳܫܰܢ ܓܰܘܳܝܳܐ ܘܒܰܪܳܝܳܐ. ܘܫܰܟܶܢ ܠܰܢ ܓܰܢ̱ܒܳܪܽܘܬܳܐ ܘܚܰܝܠܬܳܢܽܘܬܳܐ ܥܰܠ ܪܳܡܽܘܬܳܐ ܘܰܡܫܰܩܠܽܘܬܳܐ ܕܳܐܟܶܠܩܰܪܨܳܐ ܘܰܕܫܺܐܕ̈ܶܐ ܐܰܝܟܰܢܳܐ ܕܟܰܕ ܒܚܰܝܠܳܐ ܕܺܝܠܳܟ ܠܳܐ ܡܶܙܕܰܟܝܳܢܳܐ ܙܳܟܶܝܢܰܢ ܘܡܶܬܟܰܠܠܺܝܢܰܢ. ܘܗܰܝܟ̈ܠܶܐ ܕܺܝܠܳܟ ܩܰܕܺܝ̈ܫܶܐ ܘܠܳܐ ܡܛܰܘ̈ܫܶܐ ܓܳܡܰܪ ܐܰܢ̱ܬ ܠܰܢ. ܠܳܟ ܢܶܫܦܰܪ ܥܕܰܡܳܐ ܠܰܢܫܰܡܬܳܐ ܐ̱ܚܪܳܝܬܳܐ ܘܰܢܫܰܒܰܚ ܕܠܳܐ ܫܶܠܝܳܐ ܠܛܳܒܽܘܬܳܟ ܐܰܒܳܐ ܘܰܒܪܳܐ ܘܪܽܘܚܳܐ ܩܰܕܺܝܫܳܐ ܠܥܳܠܡܺܝܢ܀

ܚܽܘܬܳܡܳܐ

ܨܒܺܝ ܡܳܪܝܳܐ ܕܬܶܥܡܰܪ ܘܰܬܕܰܝܰܪ ܒܰܢ ܘܰܡܠܺܝ ܠܰܢ ܚܶܟܡܬܳܐ ܘܓܰܢ̱ܒܳܪܽܘܬܳܐ ܘܨܰܒܶܬ ܢܰܦ̈ܫܳܬܰܢ ܒܪܶܚܡܬܳܟ ܘܦܰܓܪ̈ܰܝܢ ܒܩܰܕܺܝܫܽܘܬܳܐ ܕܡܶܢܳܟ. ܘܟܰܕ ܡܶܢ ܝܽܘܩܪܳܐ ܕܚܰܫ̈ܶܐ ܦܰܓܪ̈ܳܢܳܝܶܐ ܡܶܬܚܰܪܪܺܝܢܰܢ ܘܒܺܝܕܰܥܬܳܐ ܕܡܶܢܳܟ ܟܽܠܫܳܥ ܡܶܬܢܰܗܪܺܝܢܰܢ ܒܗܰܘ̈ܢܶܐ ܥܺܝܪ̈ܶܐ ܘܪ̈ܶܥܝܳܢܶܐ ܫܦܰܝ̈ܳܐ ܘܠܶܫܳܢ̈ܶܐ ܕܟܰܝ̈ܳܐ ܬܶܫ̈ܒܚܳܬܳܐ ܘܩܽܘ̈ܠܳܣܶܐ ܘܪܽܘܡܪ̈ܳܡܶܐ ܢܩܰܪܶܒ ܠܪܰܒܽܘܬܳܟ. ܐܰܒܳܐ ܘܰܒܪܳܐ ܘܪܽܘܚܳܐ ܩܰܕܺܝܫܳܐ܀