ܬܫܒܘܚܬܐ ܕܐܫܥܝܐ: ܡܒ: ܝ – ܝܓ܇ ܡܗ:ܚ
Isaiah 42: 10-13, 45:8

ܫܰܒܰܚܘ̱ ܠܡܳܪܝܳܐ ܬܶܫܒܽܘܚܬܳܐ ܚܕܰܬܳܐ: ܬܶܫܒܽܘܚܬܶܗ ܡܶܢ ܣܰܘܦܶܝ̈ܗ ܕܰܐܪܥܳܐ܀

ܢܳܚ̈ܬܰܝ ܝܰܡܳܐ ܒܰܡܠܳܐܶܗ: ܘܓܳܙܪ̈ܳܬܳܐ ܘܰܕܥܳܡܪܺܝܢ ܒܗܶܝܢ܀

ܢܶܚܕܶܐ ܡܰܕܒܪܳܐ ܘܩܽܘܪ̈ܝܶܗ: ܘܡܰܪ̈ܓܶܐ ܬܶܗܘܶܐ ܩܰܕܳܪ܀

ܢܫܰܒܚܽܘܢ ܝܳܬܒܰܝ̈ ܫܩܺܝ̈ܦܶܐ: ܘܡܶܢ ܪܺܫܳܐ ܕܛܽܘܪ̈ܶܐ ܢܶܩܥܽܘܢ܀

ܘܢܶܬܠܽܘܢ ܬܶܫܒܽܘܚܬܳܐ ܠܡܳܪܝܳܐ: ܘܬܶܫ̈ܒܚܳܬܶܗ ܢܚܰܘܽܘܢ ܒܓܳܙܪ̈ܳܬܳܐ܀

ܡܳܪܝܳܐ ܐܰܝܟ ܓܰܢ̱ܒܳܪܳܐ ܢܶܦܽܘܩ: ܘܰܐܝܟ ܓܰܒܪܳܐ ܩܪܰܒܬܳܢܳܐ ܢܓܰܪܶܓ ܛܢܳܢܳܐ܀

ܢܶܩܥܶܐ ܘܢܶܬܓܰܢ̱ܒܰܪ: ܘܢܶܩܛܽܘܠ ܠܰܒܥܶܠܕ̈ܒܳܒܰܘܗ̱ܝ܀

ܐܶܬܒܰܣܡܘ̱ ܫܡܰܝ̈ܳܐ ܡܶܢ ܠܥܶܠ: ܘܰܥܢܳܢ̈ܶܐ ܢܶܪ̈ܣܳܢ ܙܰܕܺܝܩܽܘܬܳܐ܀

ܬܶܬܦܬܰܚ ܐܰܪܥܳܐ ܘܢܶܣܓܶܐ ܦܽܘܪܩܳܢܳܐ܀

ܘܙܰܕܺܝܩܽܘܬܳܐ ܬܶܫܘܰܚ ܐܰܟܚܕܳܐ: ܐܶܢܳܐ ܐ̱ܢܳܐ ܡܳܪܝܳܐ ܕܰܒܪܺܝܬ ܗܳܠܶܝܢ: ܘܠܳܟ ܝܳܐܶܐ ܫܽܘܒܚܳܐ ܐܰܠܳܗܳܐ܇ ܒܰܪܟܡܳܪܝ܀