ܦܪܽܘ̣ܡܝܽܘܢ

ܬܶܫܒܘ̣ܚܬܳܐ ܠܗܰܘ̇ ܚܰܕ ܒܰܠܚܘ̣ܕܰܘܗ̱ܝ ܐܰܠܳܗܳܐ ܡܬܘ̣ܡܳܝܳܐ: ܚܰܕ ܐܝ̣ܬܝܳܐ ܚܰܕ ܟܝܳܢܳܐ: ܚܰܕ ܒܰܬܠܳܬ ܕܝ̣ܠܳܝ̈ܳܬܳܐ: ܐܰܒܳܐ ܡܬܘ̣ܡܳܝܳܐ ܕܥܳܠ̈ܡܶܐ: ܘܰܒܪܳܐ ܕܠܳܐ ܫܘ̣ܪܳܝܳܐ: ܘܪܘ̣ܚܳܐ ܦܰܪܰܩܠܝ̣ܛܳܐ ܬܠܝ̣ܬܳܝܳܐ ܕܰܐܠܳܗܘ̣ܬܳܐ: ܚܕܳܐ ܐܘ̣ܣܺܝܰܐ ܘܡܳܪܘ̣ܬܳܐ: ܚܰܕ ܟܝܳܢܳܐ ܕܠܳܐ ܒܘ̣ܠܒܳܠܳܐ: ܕܠܳܐ ܩܳܪܶܒ ܚܶܫܟܳܐ ܠܘܳܬܶܗ: ܘܠܳܐ ܠܺܠܝܳܐ ܠܒܶܝܬ ܠܶܓ̈ܝܽܘܢܰܘܗ̱ܝ: ܡܶܛܽܠ ܕܠܳܐ ܠܳܐܝܶܢ ܘܠܳܐ ܕܳܡܟܝ̣ܢ: ܘܡܶܢܳܗ̇ ܕܐܘ̣ܣܺܝܰܐ ܕܰܬܠܳܬܳܐ ܩܢܘ̣̈ܡܶܐ ܡܶܬܬܰܒܪܩܝ̣ܢ: ܛܳܒܳܐ ܕܠܶܗ ܢ̇ܶܬܕܟܰܪ: ܘܠܶܗ ܢ̇ܫܰܒܰܚ ܒܗܳܢܳܐ ܥܶܕܳܢܳܐ ܕܩܰܘܡܳܐ ܩܰܕܡܳܝܳܐ ܕܠܺܠܝܳܐ ܘܰܒܟܽܠܗܽܘܢ ܥܺܐܕ̈ܶܐ ܘܥܶܕ̈ܳܢܶܐ ܘܫܳܥ̈ܶܐ ܘܙܰܒ̈ܢܶܐ ܩܕܳܡܰܝܢ ܘܟܽܠܗܽܘܢ ܝܰܘܡ̈ܳܬܳܐ ܕܚܰܝܰܝ̈ܢ ܠܥܳܠܡܝ̣ܢ܀

ܣܶܕܪܳܐ

ܐܰܠܳܗܳܐ ܗܰܘ̇ ܕܰܚܘܝ̣ܚ ܐܰܢ̱ܬ ܠܡܶܬܰܠ: ܘܰܦܨܝ̣ܚ ܐܰܢ̱ܬ ܠܡܶܣܰܒ: ܗܰܘ̇ ܕܢ̣ܶܩܘ̣ܫ ܦܳܩܶܕ ܐܰܢ̱ܬ: ܘܰܠܡܶܦܬܰܚ ܡܶܫܬܰܘܕܶܐ ܐܰܢ̱ܬ: ܗܰܘ̇ ܕܰܠܡܶܒܥܳܐ ܡܚܰܦܶܛ ܐܰܢ̱ܬ: ܘܰܠܡܶܫܟܳܚܘ̣ ܡܳܠܶܟ ܐܰܢ̱ܬ: ܗܰܘ ܕܰܠܡܶܫܰܐܠ ܡܦܝ̣ܣ ܐܰܢ̱ܬ: ܟܰܕ ܒܬܰܪܥܳܐ ܕܰܬܝܳܒܘ̣ܬܳܐ ܢܳܩܫܝ̣ܢܰܢ: ܚܢܰܢ ܟܝ̣ܬ ܚܰܛܳܝ̈ܶܐ ܘܰܐܚ̈ܶܐ ܕܝ̣ܠܰܢ ܗܳܢܽܘܢ ܕܰܒܟܽܠ ܐܰܬܰܪ ܡܶܬܬܰܘܬܒܝ̣ܢ: ܦܬܰܚ ܠܰܢ ܥܰܡܗܽܘܢ ܡܳܪܝܳܐ ܐܳܦ ܠܪ̈ܰܚܡܶܐ ܕܚܰܝܽܘܣܬܳܢܘ̣ܬܳܐ ܕܝ̣ܠܳܟ: ܘܟܰܕ ܒܗܰܝܡܳܢܘ̣ܬܳܐ ܚܠܝ̣ܡܬܳܐ ܘܣܰܒܪܳܐ ܫܰܪܝ̣ܪܳܐ ܒܳܥܶܝܢܰܢ ܡܶܢܳܟ ܕܬ̣ܶܫܬܟܰܚ ܠܰܢ ܕܰܠܝ̣ܠܳܐܝ̣ܬ: ܘܰܐܝܟ ܕܰܠܥܘ̣ܕܪܳܢܳܐ ܝܰܬܝ̣ܪ ܡܛܰܝܒܳܐ: ܘܟܰܕ ܒܙܰܒ̈ܢܶܐ ܝܰܬܝ̣ܪܳܐܝ̣ܬ ܕܐܘ̣ܠܨܳܢܳܐ ܕܝ̣ܠܰܢ ܘܰܙܪܘ̣ܒܝܳܐ ܫܳܐܠܝ̣ܢܰܢ ܠܳܟ ܫܶܐܠ̈ܳܬܳܐ ܗܳܠܶܝܢ ܕܰܠܘܳܬ ܦܘ̣ܪܩܳܢܳܐ ܕܒܘ̣ܝ̈ܳܐܰܝܢ: ܠܳܐ ܬܶܟ̣ܠܶܐ ܡܶܢܰܢ: ܡܰܐܠܽܘܢ ܛܳܒܘ̣ܬܳܐ ܕܒܰܣܝ̣ܡܘ̣ܬܳܐ ܕܝ̣ܠܳܟ ܗܳܝ̇ ܕܰܠܟܽܠ ܒܢܝ̣ܚܘ̣ܬܳܐ ܙܳܟܝܳܐ: ܬܫܰܝܶܢ ܠܰܢ ܕܶܝܢ ܠܰܕܚܝ̣ܠܘ̣ܬܳܐ ܕܪܰܒܘ̣ܬܳܐ ܕܫܘ̣ܠܛܳܢܳܐ ܚܠܳܦܰܝܢ ܟܺܐܢܳܐ ܕܝ̣ܠܳܟ: ܗܰܘ̇ ܕܬܰܩܝ̣ܦܳܐܝ̣ܬ ܐܶܬ̣ܬܙܝ̣ܥ ܘܶܐܬ̣ܩܰܕܰܫ ܠܩܘ̣ܒܠܰܢ: ܒܳܥܶܝܢܰܢ ܡܶܢܳܟ ܐܳܘ ܡܳܪܝܳܐ ܙܓܘ̣ܪ ܠܪܘ̣ܓܙܳܐ ܘܒܰܛܶܠ: ܘܟܰܕ ܡܶܬܬܰܘܕܶܐ ܐܰܢ̱ܬ ܡܶܢܰܢ: ܘܟܰܕ ܡܶܬܬܘܶܐ ܐܰܢ̱ܬ ܥܰܠ ܗܳܝ̇ ܕܶܐܬ̣ܚܰܫܰܒܬ ܠܰܡܚܰܒܳܠܘ̣ ܘܰܠܡܰܓܡܳܪܘ̣ ܠܰܢ ܠܗܳܢܽܘܢ ܕܚܰܒ̣ܶܠܢ ܥܰܠ ܐܰܪܥܳܐ ܐܘ̣ܪܚܳܐ ܕܝ̣ܠܰܢ: ܟܠܝ̣ ܘܰܐܗܦܶܟ ܡܳܪܝܳܐ ܠܛܰܘܦܳܢܳܐ ܡܶܬܝܰܕܥܳܢܳܐ ܗܳܢܳܐ ܕܰܚܒܝ̣ܛܳܐܝ̣ܬ ܡܰܢ ܐܶܬܪܰܦܝ̣ ܥܠܰܝܢ: ܒܪ̈ܶܒܘ̣ ܐܳܕ̈ܫܰܝܢ ܕܰܡܣܳܡܒܪ̈ܝ̣ܫܶܐ ܡܬܝ̣ܚܳܐܝ̣ܬ ܠܰܢ ܐܰܛܝ̣ܦ: ܘܟܰܕ ܚܳܐܶܣ ܐܰܢ̱ܬ ܥܰܠ ܫܰܪܟܳܢܳܐ ܕܝ̣ܠܰܢ ܕܘܶܐ ܬܠܝ̣ܬܳܐܝ̣ܬ ܐܰܩܗܳܐ ܠܣܰܦܣܝ̣ܪܳܐ ܕܝ̣ܠܳܟ ܘܰܐܗܦܶܟܝ̣ܗ̇ ܡܪܚܡܳܢܳܐܝ̣ܬ: ܗܳܝ ܕܰܕܚܝ̣ܠܳܐܝ̣ܬ ܠܛܝ̣ܫܳܐ ܡܰܢ ܘܡܰܒܪܩܳܐ: ܘܡܶܢܟܰܕܽܘ̣ ܕܶܝܢ ܙܝ̣ܥܳܐܝ̣ܬ ܪܳܓܫܳܐ ܘܰܡܣܰܦܩܳܐ ܠܥܰܡܳܐ ܕܝ̣ܠܳܟ: ܘܟܽܠܡܳܐ ܕܰܕܒܘ̣ܝܳܐܳܐ ܘܰܕܪܶܚܡܰܬ݀ ܐ̱ܢܳܫܘ̣ܬܳܐ ܐܝ̣ܬܰܘܗ̱ܝ ܘܟܽܠܡܳܐ ܕܚܰܘܣܳܢܳܐ ܘܰܕܪ̈ܰܚܡܶܐ ܡ̇ܠܶܐ̣: ܟܰܕ ܬܘ̣ܒ ܡܶܛܽܠܳܬܰܢ ܗܳܦܶܟ ܐܰܢ̱ܬ ܡܶܬܚܰܫܰܒ ܐܰܢ̱ܬ: ܠܰܢܝܳܚ̈ܶܐ ܘܰܒܗܝ̣ܠ̈ܘܳܬܳܐ ܗܳܠܶܝܢ ܕܡ̣ܶܢ ܥܘ̣ܬܪܳܐ ܕܪܶܚܡܰܬ݀ ܐ̱ܢܳܫܘ̣ܬܳܐ ܕܝ̣ܠܳܟ ܠܡܰܕܢܳܚܘ̣ ܥܠܰܝܢ ܐܰܫܘܳܐ ܡܳܪܝܳܐ: ܠܳܐ ܬܶܬܢܰܬܰܥܝ̱ ܐܰܟܚܕܳܐ ܥܰܡ ܝܰܩܝ̣ܪܘ̣ܬܳܐ ܕܰܚܛܳܗ̈ܶܐ ܕܝ̣ܠܰܢ: ܒܳܥܘ̣ܬܳܐ ܕܥܰܒ̈ܕܶܐ ܕܝ̣ܠܳܟ ܡܳܪܝܳܐ: ܐܳܦܠܳܐ ܟܰܕ ܝܳܩܰܪ ܓܶܦܳܐ ܕܝ̣ܠܳܗ̇ ܟܰܕ ܬܰܟܫܶܦܬܰܢ ܒܥܰܒܝܘ̣ܬܳܐ ܕܫܘ̣ܪ̈ܥܳܬܳܐ ܕܝ̣ܠܰܢ ܬܶܬ̣ܡܚܶܠܝ̱ ܠܡܶܣܬܰܪܗܳܒܘ̣ ܠܘܳܬ ܡܰܪܕܝ̣ܬܳܐ ܕܰܠܥܶܠ: ܐܶܠܳܐ ܟܰܕ ܡܶܢ ܛܰܝܒܘ̣ܬܳܐ ܕܝ̣ܠܳܟ ܡܶܬܚܰܝܠܳܐ ܘܡܶܬܥܰܫܢܳܐ ܘܡܶܬܪܰܡܪܡܳܐ: ܨܠܘ̣ܬܳܐ ܐܰܘܟܝ̣ܬ ܒܳܥܘ̣ܬܳܐ ܕܝ̣ܠܰܢ ܥܰܒ̈ܕܶܐ ܕܝ̣ܠܳܟ ܡܳܪܝܳܐ: ܫܰܟܶܢ ܠܳܗ̇ ܕܟܰܕ ܠܥܶܠ ܡܶܢ ܟܽܠܳܗ̇ ܒܪܝ̣ܬܳܐ ܡܶܬܪܰܓܫܳܢܝ̣ܬܳܐ ܟܝ̣ܬ ܘܡܶܬܝܰܕܥܳܢܝ̣ܬܳܐ: ܛܳܝܣܳܐ ܘܦܳܪܚܳܐ ܩܕܳܡܶܝܗ̇ ܕܬܶܫܒܘ̣ܚܬܳܐ ܕܪܰܒܘ̣ܬ ܦܰܐܝܽܘ̣ܬܳܐ ܕܰܡܥܰܠܝܽܘ̣ܬܳܐ ܕܝ̣ܠܳܟ ܠܒܝ̣ܒܳܐܝ̣ܬ ܬ̣ܶܥܘ̣ܠܝ̱: ܘܟܰܕ ܝܰܬܝ̣ܪ ܡܫܰܝܢܳܐ ܠܳܟ ܡܶܫܟܚܳܐ: ܘܕܰܪܟܝ̣ܢܳܐܝ̣ܬ ܐܝ̣ܬ ܠܳܟ ܠܘܳܬ ܪ̈ܰܚܡܶܐ ܬ̣ܰܦܶܩܝ̱ ܬ̣ܰܝܬܶܐ ܠܰܢ ܡ̣ܶܢ ܠܘܳܬܳܟ: ܚܺܐܪܘ̣ܬܳܐ ܡܫܰܡܠܰܝܬܳܐ ܕܒܝ̣̈ܫܳܬܳܐ ܗܳܠܶܝܢ ܕܡܰܚ̈ܫܳܢ ܘܡܰܠ̈ܙܳܢ ܠܰܢ: ܬ̣ܰܘܫܶܛ ܠܰܢ ܕܶܝܢ ܐܰܟܚܕܳܐ ܐܳܦ ܙܘ̈ܳܕܶܐ ܡܫܰܪ̈ܬܚܶܐ ܕܙܰܕܝ̣ܩܘ̣ܬܳܐ ܘܰܕܚܰܝ̈ܶܐ ܕܰܠܥܳܠܰܡ: ܡܶܛܽܠ ܕܰܡܪܰܚܡܳܢܳܐ ܐܰܢ̱ܬ ܘܰܡܪܰܚܦܳܢܳܐ ܘܨܳܒܶܐ ܒܚܰܝ̈ܶܐ ܕܰܒܢܰܝ̈ܢܳܫܳܐ: ܘܠܳܟ ܫܘ̣ܒܚܳܐ ܡܰܣܩܝ̣ܢܰܢ ܠܥܳܠܰܡ ܥܳܠܡܝ̣ܢ ܐܰܡܝ̣ܢ܀