ܦܢܩܝܬܐ ܕܥܐܕܐ ܕܡܥܠܬܗ ܕܡܪܢ - ܕܬܠܬܫܥܝ̈ܢ


ܕܰܬܠܳܬܫܳܥܺܝ̈ܢ

ܩܳܠܳܐ ܒܩ̄: ܡܳܪܝܳܐ ܡܳܪܰܢ
ܡܳܪܝܳܐ ܡܳܪܰܢ ܐܰܝܟ ܠܰܡܦܺܝ̈ܕܶܐ

ܡܳܪܝܳܐ ܡܳܪܰܢ܆ ܒܝܰܕ ܦܽܘܩܕܳܢܳܟ ܐܶܬܶܐܣܰܪ܆ ܫܶܡܥܽܘܢ ܣܳܒܳܐ ܢܽܘܓܪܳܐ ܕܰܫܢܰܝ̈ܳܐ܆ ܘܰܡܣܰܟܶܐ ܗ̱ܘܳܐ܆ ܕܬܺܐܬܶܐ ܬܶܫܪܶܝܘܗ̱ܝ ܡܶܢ ܚܰܝ̈ܶܐ܆ ܕܙܰܒܢܳܐ ܗܳܢܳܐ ܘܢܺܐܙܰܠ ܒܰܫܠܳܡܳܐ܆ ܗ̄ ܠܳܟ ܫܽܘܒܚܳܐ ܕܰܒܦܽܘܩܕܳܢܳܟ܆ ܫܪܰܝܬܳܝܗ̱ܝ ܘܶܐܬܬܢܺܝܚ ܡܶܢ ܚܰܝ̈ܶܐ ܕܙܰܒܢܳܐ܀

ܫܽܘܒܚܳܐ

ܡܳܪܰܢ ܝܶܫܽܘܥ܆ ܠܳܟܽ ܗ̱ܘ ܚܙܳܐ ܗ̱ܘܳܐ ܕܳܢܺܝܐܶܝܠ܆ ܒܰܕܡܽܘܬ ܣܳܒܳܐ ܥܰܬܺܝܩ ܝܰܘ̈ܡܳܬܳܐ܆ ܘܕܰܨܒܰܘ ܪ̈ܰܚܡܰܝܟ܆ ܗܘܰܝܬ ܒܰܪܢܳܫܳܐ ܡܶܢ ܡܰܪܝܰܡ܆ ܘܫܶܡܥܽܘܢ ܣܳܒܳܐ ܗܳܟܰܢ ܐܶܡܰܪ ܠܳܟ܆ ܗ̄ ܫܪܺܝ ܡܳܪܝ ܣܰܝܒܽܘܬܝ ܒܰܫܠܳܡܳܐ܆ ܕܗܳܐ ܚܙܰܝ̈ ܥܰܝܢܰܝ̈ ܠܰܚܢܳܢܳܟ ܪܰܒܳܐ܀


ܒܳܥܽܘܬܳܐ ܕܡܳܪܝ ܐܰܦܪܶܝܡ
ܡܫܺܝܚܳܐ ܕܰܐܣܗܶܕܘ ܥܰܠ ܩܶܛܠܶܗ

ܡܳܪܰܢ ܐܶܬܪܰܚܰܡ ܥܠܰܝܢ ܒܗܳܢܳܐ ܥܺܐܕܳܐ ܩܰܕܺܝܫܳܐ܆

ܘܰܒܗܰܘ ܥܺܐܕܳܐ ܕܠܳܐ ܥܳܒܰܪ ܐܰܩܺܝܡ ܠܰܢ ܡܶܢ ܝܰܡܺܝܢܳܟ܀

ܥܺܐܕܳܟ ܙܰܡܢܰܢܝ ܠܰܚܠܽܘܠܳܟ܆ ܒܗܳܢܳܐ ܝܰܘܡܳܐ ܩܰܕܺܝܫܳܐ܆ ܒܥܺܐܕܳܟ ܥܺܕܬܳܐ ܬܰܘܕܶܐ ܠܳܟ܆ ܒܪܺܝܟ ܐܰܢ̱ܬ ܡܳܪܳܐ ܕܥܰܕ̈ܥܺܐܕܶܐ܆ ܕܥܺܐܕܳܟ ܚܰܕܺܝ ܠܰܟܡܺܝܪ̈ܶܐ܆ ܘܰܫܪܳܐ ܚܒܺܝ̈ܫܶܐ ܕܢܰܘܕܽܘܢ ܠܳܟ܀

ܫܽܘܒܚܳܐ ܠܳܟ ܒܽܘܟܪܳܐ ܕܥܺܐܕ̈ܶܐ܆ ܕܰܐܘܪܶܒ ܥܺܕܬܶܗ ܒܥܰܕܥܺܐܕܰܘ̈ܗ̱ܝ܆ ܫܽܘܒܚܳܐ ܠܳܟ ܡܳܪܶܐ ܚܰܓ̈ܶܐ܆ ܡܢܰܛܰܪ ܝܰܠ̈ܕܶܝܗ̇ ܒܰܚܢܳܢܶܗ܀

ܡܳܪܰܢ ܐܶܬܪܰܚܰܡ ܥܠܰܝܢ ܒܗܳܢܳܐ ܥܺܐܕܳܐ ܩܰܕܺܝܫܳܐ܆

ܘܰܒܗܰܘ ܥܺܐܕܳܐ ܕܠܳܐ ܥܳܒܰܪ ܐܰܩܺܝܡ ܠܰܢ ܡܶܢ ܝܰܡܺܝܢܳܟ܀


ܫܠܶܡ ܛܶܟܣܳܐ ܕܥܺܐܕܳܐ ܕܡܰܥܰܠܬܶܗ ܕܡܳܪܰܢ ܕܰܠܗܰܝܟܠܳܐ

ktobesuryoye.nl