ܕܰܬܠܳܬܫܳܥܺܝ̈ܢ

ܩܳܠܳܐ ܒܩ̄: ܠܡܰܪܝܰܡ ܝܳܠܕܰܬ ܐܰܠܳܗܳܐ
ܠܡܰܪܝܰܡ ܝܳܠܕܰܬ ܐܰܠܳܗܳܐ

ܝܰܗ̱ܒܘ ܩܳܠܳܐ ܫܡܰܝ ܫܡܰܝ̈ܳܐ ܒܗܳܢܳܐ ܝܰܘܡܳܐ܆ ܕܰܚܙܰܐܽܘܟ ܕܶܐܬܰܝܬ ܕܬܶܥܡܰܕ ܡܶܢ ܝܽܘܚܰܢܳܢ܆ ܪܽܘܚܩܽܘܕܫܳܐ ܒܰܕܡܽܘܬ ܝܰܘܢܳܐ ܦܶܪܚܰܬ ܢܶܚܬܰܬ܆ ܘܥܰܠ ܪܺܝܫܳܟ ܫܶܟܢܰܬ ܩܰܘܝܰܬ ܟܰܕ ܥܳܡܶܕ ܗ̱ܘܰܝܬ܀

ܫܽܘܒܚܳܐ

ܒܗܳܢܳܐ ܝܰܘܡܳܐ ܬܕܽܘܨ ܐܰܪܥܳܐ ܘܬܶܚܙܶܐ ܫܡܰܝܳܐ܆ ܢܫܰܒܚܽܘܢ ܝܰܡ̱̈ܡܶܐ ܘܰܬܗܽܘ̈ܡܶܐ ܐܳܦ ܬܰܢܺܝ̈ܢܶܐ܆ ܠܝܰܠܕܳܐ ܕܰܕܢܰܚ ܡܶܢ ܡܰܪܝܰܡ ܒܚܰܪܰܬ ܙܰܒ̈ܢܶܐ܆ ܘܰܦܪܰܩ ܥܰܡ̱̈ܡܶܐ ܒܰܥܡܳܕܶܗ ܠܶܗ ܬܶܫܒܽܘܚܬܳܐ܀

ܒܳܥܽܘܬܳܐ ܕܡܳܪܝ ܐܰܦܪܶܝܡ
ܒܟܽܠ ܫܶܡ ܡܰܪܝܰܡ ܐܶܬܩܰܠܣܰܬ

ܡܳܪܰܢ ܐܶܬܪܰܚܰܡ ܥܠܰܝܢ ܒܪܳܐ ܕܒܰܥܡܳܕܶܗ ܚܰܪܰܪ ܠܰܢ܆

ܡܫܺܝܚܳܐ ܕܒܰܥܡܳܕܶܗ ܦܰܪܩܰܢ ܚܰܣܳܐ ܠܰܢ ܘܰܠܥܰܢܺܝ̈ܕܰܝܢ܀

ܡܶܚܕܳܐ ܕܰܚܙܳܝܗ̱ܝ ܦܳܪܽܘܩܰܢ܆ ܠܝܽܘܚܰܢܳܢ ܥܢܳܐ ܘܶܐܡܰܪ ܠܶܗ܆ ܩܪܽܘܒ ܝܽܘܚܰܢܳܢ ܐܰܥܡܶܕܰܝܢܝ܆ ܠܗܳܕܶܐ ܐܶܬܺܝܬ ܕܶܐܫܰܡܠܶܐ܆ ܕܒܺܝ ܬܶܬܡܰܠܶܐ ܢܒܺܝܽܘܬܳܐ܆ ܘܓܶܠܝܳܢ̈ܶܐ ܕܟܽܠ ܚܰܙܳܝ̈ܶܐ܀

ܒܪܺܝܟ ܐܰܒܳܐ ܕܫܰܠܚܳܟ ܨܶܐܕܰܝܢ܆ ܚܰܢܳܢܳܐ ܕܕܳܡܶܐ ܠܰܐܒܽܘܗ̱ܝ܆ ܒܪܺܝܟ ܐܺܝܩܳܪܳܟ ܡܶܢ ܐܰܬܪܳܟ܆ ܕܫܰܝܶܢܬ ܐܰܬܪܰܢ ܒܰܥܡܳܕܳܟ܆ ܣܓܺܝܕ ܐܰܢ̱ܬ ܥܰܡ ܐܰܒܽܘܟ ܘܪܽܘܚܳܟ܆ ܕܚܰܕ ܐܺܝܬܰܝܟ ܠܳܟ ܬܶܫܒܽܘܚܬܳܐ܀

ܡܳܪܰܢ ܐܶܬܪܰܚܰܡ ܥܠܰܝܢ ܒܪܳܐ ܕܒܰܥܡܳܕܶܗ ܚܰܪܰܪ ܠܰܢ܆

ܡܫܺܝܚܳܐ ܕܒܰܥܡܳܕܶܗ ܦܰܪܩܰܢ ܚܰܣܳܐ ܠܰܢ ܘܰܠܥܰܢܺܝ̈ܕܰܝܢ܀

ܫܠܶܡ ܛܶܟܣܳܐ ܕܚܰܕ ܒܫܰܒܳܐ ܩܰܕܡܳܝܳܐ ܕܒܳܬܰܪ ܕܶܢܚܳܐ