ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܩܳܘܪ̈ܺܝܢܬܳܝܶܐ ܐ
ܝܓ: ܕ ـ ܝ 1Corinthians 13:4-10

ܚܽܘܒܳܐ ܢܰܓܺܝܪܳܐ ܗ̱ܝ ܪܽܘܚܶܗ ܘܒܰܣܺܝܡ. ܚܽܘܒܳܐ ܠܳܐ ܚܳܣܶܡ. ܚܽܘܒܳܐ ܠܳܐ ܡܶܫܬܓܶܫ ܘܠܳܐ ܡܶܬܚܬܰܪ. ܘܠܳܐ ܣܳܥܰܪ ܕܒܶܗܬܬܳܐ ܘܠܳܐ ܒܳܥܶܐ ܕܺܝܠܗ. ܘܠܳܐ ܡܶܬܬܦܺܝܪ. ܘܠܳܐ ܡܶܬܪܰܥܶܐ ܕܒܺܝܫ. ܠܳܐ ܚܳܕܶܐ ܒܥܰܘܠܳܐ܆ ܐܶܠܳܐ ܚܳܕܶܐ ܒܩܽܘܫܬܳܐ. ܟ‍ܠ ܡܶܕܶܡ ܡܣܰܝܒܰܪ. ܟ‍ܠܡܶܕܡ ܡܗܰܝܡܶܢ ܟ‍ܠ ܡܣܰܒܰܪ. ܟ‍ܠ ܣܳܒܶܠ. ܚܽܘܒܳܐ ܡܶܡܬܽܘܡ ܠܳܐ ܢܳܦܶܠ. ܢܒܺܝܰܘ̈ܳܬܳܐ ܓܶܝܪ ܢܶܬܒܰܛ̈ܠܳܢ. ܘܠܶܫ̈ܳܢܶܐ ܢܶܫܬܰܬܩܽܘܢ. ܘܺܝܕܰܥܬܳܐ ܬܶܬܒܰܛܰܠ. ܩܰܠܺܝܠ ܗ̱ܽܘ ܓܶܝܪ ܡܶܢ ܣܰܓܺܝ ܝܳܕܥܺܝܢܰܢ ܘܩܰܠܺܝܠ ܡܶܢ ܣܰܓܺܝ ܡܶܬܢܰܒܶܝܢܰܢ. ܐܶܡܰܬܝ ܕܶܝܢ ܕܬܺܐܬܶܐ ܓܡܺܝܪܽܘܬܳܐ܆ ܗܳܝܕܝܢ ܢܶܬܒܰܛܰܠ ܗܰܘ ܡܶܕܡ ܕܩܰܠܺܝܠ ܗ̱ܘܳܐ܀