ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܐܶܦܶܣܳܝ̈ܶܐ
ܕ: ܟܗ ـ ܠܒ Ephesians 4:25-32

ܡܶܛܽܠ ܗܳܢܳܐ ܐܰܢܺܝܚܘ ܡܶܢܟܽܘܢ ܟܰܕܳܒܽܘܬܐ ܘܡܰܠܶ‍ܠܘ ܩܽܘܫܬܐ ܐ̱ܢܳܫ ܥܰܡ ܩܰܪܺܝܒܶܗ. ܗܰܕܳܡܶـ̈ܐ ܚܢܰܢ ܓܶܝܪ ܚܰܕ ܕܚܰܕ. ܪܓܰܙܘ ܘܠܳܐ ܬܶܚܛܽܘܢ܆ ܘܫܶܡܫܳܐ ܥܰܠ ܪܽܘܓܙܟܽܘܢ ܠܐ ܢܶܥܪܰܒ. ܘܠܳܐ ܬܶܬܠܽܘܢ ܐܰܬܪܳܐ ܠܳܐܟܶܠ ܩܰܪܨܳܐ. ܘܰܐܝܢܳܐ ܕܓܳܢܶܒ ܗܘܳܐ ܡܶܟܺܝܠ ܠܳܐ ܢܶܓܢܽܘܒ܆ ܐܶܠܐ ܢܶܠܷܐܐ ܒܺܐܝ̈ܕܰܘܗܝ ܘܢܶܦܠܽܘܚ ܛܳـ̈ܒܳܬܐ܇ ܕܢܶܗܘܶܐ ܠܶܗ ܠܡܶܬܰܠ ܠܡܰܢ ܕܰܣܢܺܝܩ. ܟܽ‍ܠ ܡܶܠܳܐ ܣܰܢܝܳܐ ܡܶܢ ܦܽܘܡܟܽܘܢ ܠܐ ܬܶܦܽܘܩ܆ ܐܶܠܐ ܐܰܝܕܳܐ ܕܫܰܦܺܝܪܳܐ ܘܚܳܫܚܳܐ ܠܒܶܢܝܳܢܳܐ܇ ܕܬܶܬܶܠ ܛܰܝܒܽܘܬܐ ܠܰܐܝܠܶܝܢ ܕܫܳܡܥܺܝܢ. ܘܠܳܐ ܬܶܗܘܽܘܢ ܡܥܺܝܩܺܝܢ ܠܪܽܘܚܳܐ ܩܰܕܺܝܫܬܐ ܕܰܐܠܳܗܳܐ܇ ܕܶܐܬܚܬܶܡܬܽܘܢ ܒܶܗ ܠܝܰܘܡܳܐ ܕܦܽܘܪܩܳܢܳܐ. ܟܽ‍ܠܳܗ̇ ܡܰܪܺܝܪܽܘܬܐ ܘܚܶܡܬܐ ܘܪܽܘܓܙܳܐ ܘܪܰܘܒܳܐ ܘܓܽܘܕܳܦܳܐ ܢܶܫܬܰܩܠܳܢ ܡܶܢܟܽܘܢ܇ ܥܰܡ ܟܽ‍ܠܳܗ̇ ܒܺܝܫܽܘܬܐ. ܘܰܗܘܰܝܬܘܢ ܒܰܣܺܝܡܺܝܢ ܚܰܕ ܠܘܳܬ ܚܰܕ ܘܰܡܪܰܚܡܳܢܺܝܢ܆ ܘܰܗܘܰܝܬܘܢ ܫܳܒܩܺܝܢ ܚܰܕ ܠܚܰܕ܇ ܐܰܝܟܰܢܳܐ ܕܰܐܠܳܗܳܐ ܒܰܡܫܺܝܚܳܐ ܫܒܰܩ ܠܰܢ܀