ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܩܳܘܪ̈ܺܝܢܬܳܝܶܐ ܐ
ܐ: ܝܒ ـ ܝܙ 1Corinthians 1:12-17

ܗܳܕܶܐ ܕܶܝܢ ܐܳܡܰܪ ܐ̱ܢܳܐ܆ ܕܺܐܝܬ ܡܶܢܟܽܘܢ ܕܳܐܡܰܪ ܐܶܢܳܐ ܕܦܰܘܠܳܘܣ ܐ̱ܢܳܐ܆ ܘܺܐܝܬ ܕܳܐܡܰܪ ܐܶܢܳܐ ܕܰܐܦܳܠܳܘ ܐ̱ܢܳܐ܆ ܘܺܐܝܬ ܕܳܐܡܰܪ ܐܶܢܳܐ ܕܟܺܐܦܳܐ ܐ̱ܢܳܐ܆ ܘܺܐܝܬ ܕܳܐܡܰܪ ܐܶܢܳܐ ܕܰܡܫܺܝܚܳܐ ܐ̱ܢܳܐ. ܕܰܠܡܳܐ ܐܶܬܦܰܠܰܓ ܠܶܗ ܡܫܺܝܚܳܐ. ܐܰܘ ܠܡܳܐ ܦܰܘܠܳܘܣ ܐܶܙܕܩܶܦ ܥܰܠ ܐܰܦܰܝ̈ܟܽܘܢ. ܐܰܘ ܒܰܫܡܶܗ ܕܦܰܘܠܳܘܣ ܥܡܰܕܬܽܘܢ. ܡܰܘܕܶܐ ܐ̱ܢܳܐ ܠܰܐܠܳܗܝ ܕܰܠܐ̱ܢܳܫ ܡܶܢܟܽܘܢ ܠܳܐ ܐܰܥܡܕܶܬ܆ ܐܶܠܳܐ ܠܰܟܪܺܝܣܦܳܘܣ ܘܰܠܓܰܐܻܝܳܘܣ. ܕܠܳܐ ܐ̱ܢܳܫ ܢܺܐܡܰܪ ܕܰܒܫܶܡܝ ܐܰܥܡܕܶܬ. ܐܰܥܡܕܶܬ ܕܶܝܢ ܐܳܦ ܠܒܰܝܬܶܗ ܕܶܐܣܛܶܦܰܢܰܐ. ܬܽܘܒ ܕܶܝܢ ܠܳܐ ܝܳܕܰܥ ܐ̱ܢܳܐ ܐܶܢ ܠܐ̱ܢܳܫ ܐ̱ܚܪܺܝܢ ܐܰܥܡܕܶܬ. ܠܐ ܓܶܝܪ ܫܰܕܪܰܢܝ ܡܫܺܝܚܳܐ ܠܡܰܥܡܳܕܽܘ ܐܶܠܳܐ ܠܰܡܣܰܒܳܪܽܘ. ܠܳܐ ܒܚܶܟܡܰܬ ܡ̈ܶܠܷܐ܇ ܕܠܳܐ ܢܶܣܬܰܪܰܩ ܙܩܺܝܦܶܗ ܕܰܡܫܺܝܚܳܐ܀