ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܩܳܘܪ̈ܺܝܢܬܳܝܶܐ ܐ
ܙ: ܟܗ ـ ܠܕ 1Corinthians 7:25-34

ܥܰܠ ܒܬܘܠܽܘܬܳܐ ܕܶܝܢ܆ ܦܽܘܩܕܳܢܳܐ ܡܶܢ ܐܰ‌ܠܗܳܐ ܠܐ ܐܰܚܺܝܕ ܐ̱ܢܳܐ. ܡܶܠܟܳܐ ܕܶܝܢ ܝܳܗܶܒ ܐ̱ܢܳܐ܆ ܐܰܝܟ ܓܰܒܪܳܐ ܕܶܐܬܚܰܢܢܶܬ ܡܶܢ ܐܰ‌ܠܗܳܐ ܕܶܐܗܘܶܐ ܡܗܰܝܡܰܢ. ܘܣܳܒܰܪ ܐ̱ܢܳܐ ܕܗܳܕܶܐ ܫܰܦܺܝܪܳܐ܇ ܡܶܛܽܠ ܐܰܢܰܢܩܺܐ ܕܙܰܒܢܳܐ܆ ܕܦܰܩܳܚ ܠܶܗ ܠܒܰܪܢܳܫܳܐ ܕܗܳܟܰܢܳܐ ܢܶܗܘܶܐ. ܐܰܣܺܝܪ ܐܰܢ̱ܬ ܒܰܐܢ̱ܬܬܳܐ܆ ܠܳܐ ܬܶܒܥܶܐ ܫܪܳܝܳܐ. ܫܪܶܐ ܐܰܢ̱ܬ ܡܶܢ ܐܰܢ̱ܬܬܳܐ܆ ܠܐ ܬܶܒܥܶܐ ܐܰܢ̱ܬܬܳܐ. ܘܶܐܢ ܬܶܣܰܒ ܐܰܢ̱ܬܬܳܐ ܠܐ ܚܳܛܶܐ ܐܰܢ̱ܬ܇ ܘܶܐܢ ܒܬܽܘܠܬܐ ܬܶܗܘܶܐ ܠܓܰܒܪܳܐ ܠܐ ܚܳܛܝܳܐ܆ ܐܽܘܠܨܳܢܳܐ ܕܶܝܢ ܒܰܦܓܰܪ ܗܳܘܶܐ ܠܰܐܝܠܶܝܢ ܕܗܳܟܰܢܳܐ ܐܶܢܽܘܢ. ܐܶܢܳܐ ܕܶܝܢ ܥܠܰܝܟܽܘܢ ܚܳܐܷܣ ܐ̱ܢܳܐ. ܘܗܳܕܶܐ ܐܳܡܰܪ ܐ̱ܢܳܐ ܐܰܚܰـ̈ܝ. ܕܙܰܒܢܳܐ ܡܶܟܺܝܠ ܐܶܙܕܰܠܗܰܙ ܠܶܗ. ܕܰܐܝܠܶܝܢ ܕܺܐܝܬ ܠܗܽܘܢ ܢܶـ̈ܫܶܐ܆ ܢܶܗܘܽܘܢ ܐܰܝܟ ܕܠܰܝܬ ܠܗܽܘܢ. ܘܰܐܝܠܶܝܢ ܕܒܳܟܶܝܢ܆ ܐܰܝܟ ܠܐ ܒܳܟܶܝܢ. ܘܰܐܝܠܶܝܢ ܕܚܳܕܶܝܢ܆ ܐܰܝܟ ܠܐ ܚܳܕܶܝܢ. ܘܰܐܝܠܶܝܢ ܕܙܳܒܢܺܝܢ܆ ܐܰܝܟ ܠܐ ܡܩܰܕܶܝܢ. ܘܰܐܝܠܶܝܢ ܕܡܶܬܚܰܫܚܺܝܢ ܒܥܳܠܡܳܐ ܗܳܢܳܐ܆ ܠܐ ܠܒܰܪ ܡܶܢ ܙܶܕܩܳܐ ܕܰܚܫܰܚܬܐ. ܥܳܒܰܪ ܠܶܗ ܓܶܝܪ ܐܶܣܟܺܡܶܗ ܕܥܳܠܡܳܐ ܗܳܢܳܐ. ܡܶܛܽܠ ܗܳܢܳܐ ܨܳܒܶܐ ܐ̱ܢܳܐ ܕܰܕܠܐ ܨܶܦܬܳܐ ܬܶܗܘܽܘܢ. ܐܰܝܢܳܐ ܓܶܝܪ ܕܠܰܝܬ ܠܶܗ ܐܰܢ̱ܬܬܐ܆ ܪܳܢܶܐ ܒܰܕܡܳܪܶܗ ܕܰܐܝܟܰܢܳܐ ܢܶܫܦܰܪ ܠܡܳܪܶܗ. ܘܰܐܝܢܳܐ ܕܺܐܝܬ ܠܶܗ ܐܰܢ̱ܬܬܳܐ܆ ܝܳܨܶܦ ܕܥܳܠܡܳܐ ܕܰܐܝܟܰܢܳܐ ܢܶܫܦܰܪ ܠܰܐܢ̱ܬܬܶܗ. ܦܽܘܪܫܳܢܳܐ ܕܶܝܢ ܐܺܝܬ ܐܳܦ ܒܰܝܢܳܬ ܐܰܢ̱ܬܬܳܐ ܠܰܒܬܘܠܬܐ. ܐܰܝܕܳܐ ܕܰܠܓܰܒܪܳܐ ܠܐ ܗܘܳܬ܆ ܪܳܢܝܳܐ ܒܡܳܪܳܗ̇܇ ܕܬܗܘܶܐ ܩܰܕܺܝܫܳܐ ܒܦܰܓܪܳܗ̇ ܘܰܒܪܽܘܚܳܗ̇. ܘܰܐܝܕܳܐ ܕܺܐܝܬ ܠܳܗ̇ ܒܰܥܠܳܐ܆ ܪܳܢܝܳܐ ܕܥܳܠܡܳܐ܇ ܕܰܐܝܟܰܢܳܐ ܬܶܫܦܰܪ ܠܒܰܥܠܳܗ̇܀

ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܩܳܘܪ̈ܺܝܢܬܳܝܶܐ ܐ
ܗ: ܝܓ 1Corinthians 5:13

ܠܒܰܪ̈ܳܝܶܐ ܕܶܝܢ ܐܠܳܗܳܐ ܕܳܐܢ. ܘܫܽܘܩܠܽܘܗܝ ܠܒܺܝܫܳܐ ܡܶܢ ܒܰܝܢܳܬܟܽܘܢ܀