ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܦܺܝܠܺܝ̈ܦܺܝܣܳܝܶܐ
ܒ: ܐ ـ ܝܐ Philippians 2:1-11

ܐܶܢ ܐܺܝܬ ܠܟܽܘܢ ܗܳܟܺܝܠ ܒܽܘܝܳܐܐ ܒܰܡܫܺܝܚܳܐ. ܘܶܐܢ ܡܰܡܠܷܐ ܒܠܶܒܳܐ ܒܚܽܘܒܳܐ. ܘܶܐܢ ܫܰܘܬܦܽܘܬܐ ܕܪܽܘܚܳܐ. ܘܶܐܢ ܪܽܘܚܳܦܳܐ ܘܪ̈ܰܚܡܶܐ܆ ܫܰܠܶܡܘ ܚܰܕܘܰܬܝ܇ ܕܚܰܕ ܪܶܥܝܳܢܳܐ ܢܶܗܘܶܐ ܠܟܽܘܢ. ܘܚܰܕ ܚܽܘܒܳܐ. ܘܰܚܕܳܐ ܢܦܶܫ. ܘܰܚܕܳܐ ܬܰܪܥܺܝܬܐ. ܘܡܶܕܶܡ ܒܚܶܪܝܳܢܳܐ ܐܰܘ ܒܬܶܫܒܽܘܚܬܐ ܣܪܺܝܩܬܐ ܠܐ ܬܶܥܒܕܽܘܢ܆ ܐܶܠܐ ܒܡܰܟܺܝܟܽܘܬ ܪܶܥܝܳܢܳܐ܇ ܟܽ‍ܠܢܳܫ ܠܚܰܒܪܶܗ ܐܰܝܟ ܕܰܡܝܰܬܪ ܡܶܢܶܗ ܢܶܚܫܽܘܒ. ܘܠܳܐ ܐܢܳܫ ܕܢܰܦܫܶܗ ܢܺܐܨܰܦ܆ ܐܶܠܐ ܟܽ‍ܠܢܳܫ ܐܳܦ ܕܚܰܒܪܶܗ. ܘܗܳܕܶܐ ܐܶܬܪܰܥܰܘ ܒܢܰܦܫܟܽܘܢ܆ ܗܳܝ ܕܳܐܦ ܝܶܫܽܘܥ ܡܫܺܝܚܳܐ. ܗܰܘ ܕܟܰܕ ܐܻܝܬܘܗܝ ܒܰܕܡܽܘܬܐ ܕܰܐܠܳܗܳܐ܇ ܠܐ ܗܘܳܐ ܚܛܽܘܦܝܳܐ ܚܰܫܒܳܗ̇ ܗܳܕܶܐ ܕܺܐܝܬܘܗܝ ܦܶܚܡܳܐ ܕܰܐܠܳܗܳܐ. ܐܶܠܐ ܢܰܦܫܶܗ ܣܰܪܶܩ. ܘܰܕܡܽܘܬܐ ܕܥܰܒܕܳܐ ܢܣܰܒ. ܘܰܗܘܳܐ ܒܰܕܡܽܘܬܐ ܕܰܒܢܰܝ̈ܢܳܫܳܐ. ܘܒܶܐܣܟܺܡܳܐ ܐܶܫܬܟܰܚ ܐܰܝܟ ܒܰܪܢܳܫܳܐ. ܘܡܰܟܶܟ ܢܰܦܫܶܗ. ܘܶܐܫܬܡܰܥ ܥܕܰܡܳܐ ܠܡܰܘܬܐ. ܡܰܘܬܐ ܕܶܝܢ ܕܰܙܩܺܝܦܳܐ. ܡܶܛܽܠ ܗܳܢܳܐ ܐܳܦ ܐܠܳܗܳܐ ܐܰܣܓܺܝ ܪܰܡܪܡܶܗ. ܘܝܰܗ̱ܒ ܠܶܗ ܫܡܳܐ ܕܰܡܝܰܬܰܪ ܡܶܢ ܟܽ‍ܠ ܫܡܳܗܺܝ̈ܢ܆ ܕܒܰܫܡܶܗ ܕܝܶܫܽܘܥ ܟܽ‍ܠ ܒܪܽܘܟ ܬܶܟܽܘܦ ܕܒܰܫܡܰܝܳܐ. ܘܒܰܐܪܥܳܐ. ܘܕܰܠܬܚܬ ܡܶܢ ܐܰܪܥܳܐ܇ ܘܟܽ‍ܠ ܠܶܫܳܢ ܢܰܘܕܶܐ ܕܡܳܪܝܰܐ ܗ̱ܘ ܝܶܫܽܘܥ ܡܫܺܝܚܳܐ ܠܫܽܘܒܚܳܐ ܕܰܐܠܳܗܳܐ ܐܰܒܽܘܗܝ܀